“Sinxua” agentliyi AzərTAc ilə Bakı Dövlət Universiteti nəzdində Konfutsi İnstitutu arasında əməkdaşlığa dair sazişin imzalanma mərasimi haqqında məlumat dərc edib

Bakı:

23 °C

74 %

11 m/s

AZ RU EN

Ana səhifə / Elm / “Sinxua” agentliyi AzərTAc ilə Bakı Dövlət Universiteti nəzdində Konfutsi İnstitutu arasında əməkdaşlığa dair sazişin imzalanma mərasimi haqqında məlumat dərc edib

“Sinxua” agentliyi AzərTAc ilə Bakı Dövlət Universiteti nəzdində Konfutsi İnstitutu arasında əməkdaşlığa dair sazişin imzalanma mərasimi haqqında məlumat dərc edib

04.02.2014 [09:35]

Çinin “Sinxua” informasiya agentliyi bu günlərdə Azərbaycan Dövlət Teleqraf Agentliyi - AzərTAc ilə Bakı Dövlət Universiteti nəzdində Konfutsi İnstitutu arasında əməkdaşlığa dair sazişin imzalanma mərasimi haqqında məlumat dərc edib.
“AzərTAc agentliyinin jurnalistləri Çin mədəniyyətini və Çin dilini fəal öyrənəcəklər” sərlövhəli materialda qeyd edilir ki, həmin sazişə əsasən agentlikdə Konfutsi İnstitutunun filialının açılması, informasiya agentliyinin əməkdaşları üçün Çin dili məşğələləri aparılması, Çində təcrübə keçmək, agentliyin məhsullarını Asiya regionunda təbliğ etmək məqsədi ilə AzərTAc-a məsləhət və tərcümə xidmətləri göstərilməsi nəzərdə tutulur.
Məlumatda qeyd edilir ki, AzərTAc-ın baş direktoru Aslan Aslanov bu tədbiri Azərbaycan ilə Çin arasında dostluq əlaqələrinin nəticəsi kimi qiymətləndirib. O, dünyanın nüfuzlu agentliyi olan “Sinxua” ilə AzərTAc arasında mövcud səmərəli əlaqələri xüsusi qeyd edib. A.Aslanov iki agentlik arasında dostluq münasibətlərinin və informasiya mübadiləsinin fəal inkişaf etməsini vurğulayaraq bildirib ki, bu əlaqələr bundan sonra da yüksələn xətt üzrə inkişaf edəcək.
Baş direktor qeyd edib ki, bir neçə il bundan əvvəl AzərTAc ilə “Sinxua” arasında informasiya sahəsində əməkdaşlıq haqqında sənəd imzalanıb. AzərTAc və “Sinxua” dünya və regional səviyyəli müxtəlif informasiya təşkilatlarında uğurla əməkdaşlıq edir, bir-birini dəstəkləyir. Belə təşkilatlardan biri də Asiya və Sakit Okean Ölkələrinin Xəbər Agentlikləri Təşkilatıdır.
Mərasimdə iştirak edən Çinin Azərbaycandakı müvəqqəti işlər vəkili Çjao Huasin vurğulayıb ki, Konfutsi İnstitutunun AzərTAc-da filialının açılması Azərbaycanda Çinlə daha dərindən tanış olmağa imkan yaradacaq, Çin mədəniyyətinə marağın daha da artmasına səbəb olacaq.
BDU nəzdində Konfutsi İnstitutunun direktoru Hu Fenhua ümidvar olduğunu bildirib ki, Konfutsi İnstitutu ilə AzərTAc-ın əməkdaşlığı Azərbaycan ilə Çin arasında dostluğu, qarşılıqlı anlaşmanı, təhsil, elm və mədəniyyət sahələrində əməkdaşlığı genişləndirəcək və möhkəmləndirəcək, Azərbaycan vətəndaşlarını Çin ilə, onun qədim mədəniyyəti, tarixi və ənənələri ilə tanış etməyə şərait yaradacaq.

Paylaş:

Baxılıb: 2514 dəfə