Qurultay Azərbaycanın həyatında yeni bir mərhələnin başlandığını təsdiqlədi

Bakı:

20 °C

83 %

2 m/s

Əlaqə

AZ RU EN

Ana səhifə / YAP xəbərləri / Qurultay Azərbaycanın həyatında yeni bir mərhələnin başlandığını təsdiqlədi

Qurultay Azərbaycanın həyatında yeni bir mərhələnin başlandığını təsdiqlədi

06.10.2026 [13:35]

Heydər Əliyev Mərkəzində Prezident, YAP-ın Sədri cənab İlham Əliyevin rəhbərliyi ilə keçirilən Yeni Azərbaycan Partiyasının (YAP) VIII Qurultayı öz ərazi bütövlüyünü və suverenliyini tam bərpa etmiş Azərbaycanın həyatında tamamilə yeni bir mərhələnin başlandığını əks etdirməklə, müasir dünyada layiqli yerini, nüfuzunu və gücünü əks etdirən mühüm hadisə kimi yadda qaldı.

Cənab Prezidentin dərinməzmunlu çıxışı həm partiya üzvlərinə, həm də ölkə ictimaiyyətinə bir sıra mühüm məsələlər barədə obyektiv və ətarflı məluamatların çatdırılması, milli həmrəyliyimizin daha da möhkəmləndirilməsi, qarşıda duran vəzifələrin yerinə yetirilməsi baxımından əhəmiyyət daşıyır. Bu barədə YAP Tovuz rayon təşkilatının sədri Nihad Pənahov “Yeni Azərbaycan”a açıqlamasında bildirib.

N. Pənahov qeyd edib ki, Prezident İlham Əliyevin Partiyanın Qurultayda səsləndirdiyi fikirlər yeni ictimai-siyasi və geosiyasi reallıqlar, yaxın və uzaq regionlarda baş verən mürəkkəb proseslər şəraitində Azərbaycanın güclü milli təhlükəsizliyinin və dövlətçiliyinin qüdrətini bir daha nümayiş etdirdi. Bəyan edilən fikirlər təsdiqlədi ki, ətraf perimetrlərdə baş verən toqquşma və müharibələrə baxmayaraq, Azərbaycan möhkəm sabitlik və inkişaf məkanıdır, regiona güclü hərbi-siyasi mövqeyə malikdir, Cənubi Qafqazın lideridir, siyasi-iqtisadi-hərbi flaqmanıdır, inkişafın təminatçısıdır. Bütün bunların başlıca səbəbi isə ölkə rəhbərliyi tərəfindən yürüdülən mükəmməl siyasət, təmin edilmiş stabillik, qətiyyətli islahatlar, əlverişli səraməy iqlimidir. Bütün bunlar Azərbaycana olan etimadı və hörməti artırır. Dövlətimizin qurduğu sülh və əməkdaşlıq platforması ən uzaq regionları bir-birinə bağlayır, yaxın həmrəylik körpüsü qurur.

Qurultayda xatırladıldığı kimi müasir tarixi faktlar gənc nəslin dövlətçilik şüurunun formalaşması üçün mühüm əhəmiyyət kəsb edir və onların üzərinə Azərbaycanın təhülküəsizliyində və inkişafında, xaricdən yönələn fiziki və ideoloji risklərin qarşısının alınmasında böyük məsuliyyət və vəzifə düşür. Azərbaycanın müstəqil, fəal və çoxşaxəli siyasət həyata keçirir, beynəlxalq təşkilatlarla əməkdaşlıq qurur, müxtəlif dövlətlərlə strateji tərəfdaşlıq münasibətlərinin inkişaf etdirilməsi və ölkəmizin beynəlxalq mövqelərini möhkəmləndirir. Güclü Azərbaycan bir sıra hallarda bəzi ölkələri qısqanadırır, ölkəmizdə qarşı təxribat və təhdidlərə əl atılır. Bu isə ölkəmizə qarşı yönələn risklərdə hər bir vətəndaşın, ələlxüsus da YAP üzvlərinin üzərinə böyük məsuliyyət qoyur. Partiya üzvləri ideoloji işin düzgün qurulmasında daha fəal olmalı, şablonlardan əl çəkərək yeni, müasir ideoloji yanaşma tərzini müəyyən etməlidirlər.

N.Pənahovun sözlərinə görə, YAP üzvləri, o cümlədən gənclər Qurultayda müəyyən edilmiş vəzifələrin hər birinin icrasında fəal iştirak edərək etimadı doğrultmağa çalışacaq. Bir sözlə, YAP-ın VIII Qurultayında Cənab Prezidentin çıxışı Partiya üzvlərinin gələcək fəaliyyəti üçün mükəmməl Proqram, yeni dövrdə mühüm qərarların qəbul edilməsi üçün strateji yol xəritəsi kimi xarakterizə oluna bilər.

E.CƏFƏRLİ

Paylaş:

Baxılıb: 70 dəfə