“Sport Time” jurnalının ilk buraxılışı işıq üzü görüb

Bakı:

26 °C

69 %

4 m/s

Əlaqə

AZ RU EN

Ana səhifə / İdman / “Sport Time” jurnalının ilk buraxılışı işıq üzü görüb

“Sport Time” jurnalının ilk buraxılışı işıq üzü görüb

25.04.2015 [11:54]

Ölkəmizin idman siyasətinə, idmanın inkişafına xidmət göstərən idman jurnallarından biri - “Sport Time”ın ilk buraxılışı işıq üzü görüb. Jurnalın ilk nömrəsi iyunda ölkəmizdə keçiriləcək birinci Avropa Oyunlarına həsr olunub. Burada Azərbaycan Respublikasının Prezidenti, Milli Olimpiya Komitəsinin Prezidenti İlham Əliyevin birinci Avropa Oyunlarına aid nitqi, Olimpiya və Paralimpiya Oyunlarında iştirak etmiş idmançılarımızla görüşü, Azərbaycanın birinci xanımı, Heydər Əliyev Fondunun prezidenti, Birinci Avropa Oyunlarının Təşkilat Komitəsinin sədri Mehriban Əliyevanın fəaliyyəti və digər mövzular yer alıb. Jurnalda, həmçinin, “Milli ruh, milli geyim”, “Mənim qarderobum” rubrikaları da oxuculara təqdim edilib. Bu rubrikalarda idmançılar oxuculara maraqlı obrazlarda təqdim olunublar. Bundan başqa, jurnalda Olimpiya komplekslərinin fəaliyyəti, müxtəlif idman növləri ilə məşğul olan idmançılar barədə məlumatlar da yer alıb. Məlumat üçün bildirək ki, jurnalın baş redaktoru yazıçı-jurnalist Jalə Rzabəylidir.
Qeyd edək ki, “Sport Time” iki aydan bir idmansevərlərin görüşünə gələcək. Geniş oxucu kütləsinin və idman yarışlarında iştirak edən əcnəbi qonaqların marağını çəkmək məqsədi ilə bəzi rubrikalar ingilis dilində təqdim olunub. Jurnalın növbəti saylarında bu ənənə davam etdiriləcək və rusdilli oxucular da nəzərə alınacaq. Jurnalda ön sözlə çıxış edən baş redaktor bunları bildirib: “İdman həyatımızın ayrılmaz hissəsidir. İdmanın inkişafına, onun təbliğinə göstərilən qayğı isə hər birimizin vətəndaşlıq borcu, dövlət siyasətinə göstərilən xidmətdir.
İdman ölkələr arasında dostluq, qardaşlıq əlaqələrini möhkəmləndirir, beynəlxalq arenalarda idmançılarımızın qazandıqları uğurlar ölkəmizin nüfuzunu daha da artırır. Bütün bunlar idmanın nə qədər əhəmiyyət daşıdığının göstəricisidir.
Qürurla deyə bilərik ki, dövlətimiz idmana, onun inkişafına yüksək səviyyədə diqqət və qayğı göstərir. Paytaxtla bərabər, regionlarımızda da müasir standartlara cavab verən Olimpiya kompleksləri, stadionlar tikilib istifadəyə verilir. Təməlini Ulu öndər Heydər Əliyevin qoyduğu idman siyasəti Azərbaycan Respublikasının Prezidenti, Milli Olimpiya Komitəsinin prezidenti İlham Əliyev tərəfindən böyük uğurla davam etdirilir. İdmançılarımızın beynəlxalq arenalarda, Olimpiya Oyunlarında əldə etdikləri nailiyyətlər bu diqqətin bariz nümunəsidir.
Bu il paytaxtımızda keçiriləcək birinci Avropa Oyunları ölkə rəhbərliyinin uzaqgörən siyasətinin nəticəsidir. Avropa Oyunlarının ilk dəfə Azərbaycanda keçirilməsi tarixi hadisədir. Bu mötəbər yarışda idmançılarımıza uğurlar arzulayır, bayrağımızın daim zirvələri fəth etməsini diləyirik!
Əziz idmansevərlər! Ümid edirik ki, “Sport Time” jurnalı hər birinizin yaxın dostuna, uğurlarınızın şahidinə çevriləcək. Sizə bol uğurlar, qələbə sevinci arzulayırıq!”.

Paylaş:

Baxılıb: 1155 dəfə