Heydər Əliyev
yeni azerbaycan logo

Ana səhifə / İdman / Siyasət və pandemiya: Qış Olimpiya Oyunları baş tutacaqmı?

Siyasət və pandemiya: Qış Olimpiya Oyunları baş tutacaqmı?

08.01.2022 [00:01]

Qarşıdan növbəti Qış Olimpiya Oyunları gəlir. Çində keçiriləcək mötəbər yarış öncəsi İsveçrə Milli Olimpiya Komitəsi (IMOK) “Pekin-2022”i təxirə salmağa çağırıb. IMOK rəhbəri Ralf Ştokli Beynəlxalq Olimpiya Komitəsinə (IOC) müraciətində hər gün idmançıların koronavirus infeksiyasına yoluxduğunu bildirib. Onun sözlərinə görə, Oyunların açılış mərasiminədək çox az vaxt var və bu səbəbdən yarışın təxirə salınmasını müzakirə etmək mümkündür: “Əgər Olimpiadaya güclü idmançılar getməyəcəksə, bu zaman vəziyyət daha pis olacaq. Qış idman növlərinin inkişaf etdiyi Avropa ölkələrində vəziyyət daha çətindir”.

İsveçrədən fərqli, Koreya Xalq Demokratik Respublikası (KXDR) Çində təmsil olunmaq fikrində deyil. Bu ölkənin Milli Olimpiya Komitəsi “Pekin-2022”nin Təşkilat Komitəsinə məktub ünvanlayaraq, düşmən qüvvələrin hərəkətləri və COVID-19 pandemiyası səbəbindən idmançılarının Olimpiadada iştirak etməyəcəyini bildirib.

IOC rəhbərliyi isə Olimpiada öncəsi yaranmış durumdan narahat deyil. Qurumun prezidenti Tomas Bax deyib ki, Pekin Olimpiya Oyunlarına yüksək səviyyədə ev sahibliyi etməyə hazırdır. O, hazırda iki əsas problemə - siyasət və pandemiyaya diqqət çəkib. Bax ötən il BMT Baş Assambleyasında 193 ölkənin hamısının Pekində keçiriləcək Oyunları dəstəklədiyini vurğulayıb. Koronavirusun “omikron” ştammının dünyada sürətlə yayılmasına toxunan İOC rəhbərinin fikrincə, Çin tərəfinin yaratdığı qapalı məkan planetin ən təhlükəsiz yeridir. 

Azərbaycan fevralın 4-dən 20-dək keçiriləcək Qış Olimpiya Oyunlarına iki idmançı ilə qatılacaq. Milli Olimpiya Komitəsindən (MOK) “Yeni Azərbaycan”a verilən məlumata görə, ölkəmizi fiqurlu konkisürənlər Vladimir Litvintsev və Yekaterina Ryabova təmsil edəcək. Onlar Pekinə yarışların təqviminə əsasən gedəcəklər.

Qış Olimpiya Oyunlarında Azərbaycanın şef de-missionu MOK-un Beynəlxalq Əlaqələr İdarəsinin müdiri Anar Bağırovdur. MOK-un baş katibi Azər Əliyev, gənclər və idman naziri Fərid Qayıbovun yer aldığı Azərbaycan nümayəndə heyəti də Pekinə yollanacaq. 

 

Paylaş
Baxılıb: 123 dəfə

Xəbər lenti

Hamısına bax

Gündəm

Xəbər lenti

YAP xəbərləri

Xəbər lenti

Sabah qar yağacaq

26 Yanvar 13:40

Sosial

İqtisadiyyat

Neft ucuzlaşıb

26 Yanvar 10:24

Müsahibə

MEDİA

Gündəm

Sosial

Müsahibə

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31