Heydər Əliyev
yeni azerbaycan logo

Ana səhifə / MEDİA / Dünyaya örnək olan Azərbaycan!

Dünyaya örnək olan Azərbaycan!

30.09.2022 [10:18]

Dövlətimiz dini və milli tolerantlıq simvoludur...

Yeganə BAYRAMOVA

Azərbaycan müxtəlif etnosların və millətlərin, fərqli dinlərə sitayiş edən insanların tarixən dostluq və qardaşlıq şəraitində yaşadığı tolerant ölkədir. Ölkəmizdə ayrı-ayrı inanclara malik etnosların min illərlə əmin-amanlıq şəraitində yaşamasında xalqımıza xas olan humanizm və çoxmillətlilik dəyərlərinin müstəsna rolu var. İslamın mənəvi dərkinə əsaslanan dünyəvi dövlət olan Azərbaycan nəinki dini tolerantlıq ənənəsini möhkəmləndirib, hətta onu bir dövlət kimi öz imicinə çevirərək beynəlxalq miqyasa çıxarmağı bacarıb.

Ölkəmizin tarixinə qısaca nəzər salsaq, demokratik intibah dövründə də, vahid totalitar rejimdə də müxtəlif xalq və dinlərin dinc yaşamasının şahidi olarıq. Azərbaycanın tarixi inkişafının xüsusiyyətləri, coğrafi mövqeyi, əhalisinin etnik tərkibi hələ qədimdən ölkəmizdə müxtəlif dinlərin mövcudluğuna şərait yaradıb. Ayrı-ayrı dövrlərdə bütpərəstlik, zərdüştilik, yəhudilik, xristianlıq, islam və bir çox başqa dini inanclar ölkədə bu və ya digər dərəcədə yayıla bilib, bir-birinə qarşılıqlı təsir göstərib, dini həyatın özəlliyini şərtləndirib. İftixarla qeyd etməliyik ki, tarixin bütün mərhələlərində ölkəmizdə milli, irqi, dini zəmində heç bir diskriminasiya hadisəsi olmayıb.

Tolerantlığın Azərbaycanda çox möhkəm təməl sütunları, zəngin ənənələri, dərin tarixi-mədəni kökləri mövcuddur. Azərbaycan xalqı daim bu bölgədə yaşayan insanlar arasında sülh və əmin-amanlıq şəraitinin yaradılmasına əvəzsiz tarixi töhfələr verib. Dözümlülük, başqa dinlərin nümayəndələri ilə dinc yanaşı yaşamaq azərbaycanlıların milli mentalitetinin əsas xüsusiyyətlərindəndir. Ölkəmizdə tarixən islam dini ilə yanaşı, xristianlıq, yəhudilik dinlərinə mənsub insanlar qarşılıqlı anlaşma, mehriban qonşuluq və əmin-amanlıq şəraitində yaşayıblar.

Dini və milli tolerantlığımız dünyaya nümunədir

İlahiyyatçı Hacı Şahin Həsənli “Yeni Azərbaycan”a  açıqlamasında bildirib ki, Azərbaycanda dini-milli tolerantlıq ən yüksək səviyyədədir. Onun sözlərinə görə, dövlətimiz indiki şəraitdə islam sivilizasiyasının bütün daşıyıcılarına qayğısını əsirgəmir, öz tolerantlığını nümayiş etdirir: “Bu, bizim üçün böyük şərəf və qürurdur. Azərbaycan qonşu ölkələrlə dinlərarası və millətlərarası münasibətlərin inkişafında da hər zaman maraqlı olub və çoxsaylı təşəbbüslər göstərib. Azərbaycanın yaratdığı dövlət-din münasibətləri modelini artıq “ixrac etmək” mümkündür. Bu model Azərbaycan xalqının sərvətidir. Xüsusilə nəzərə almaq lazımdır ki, dünyada baş verən hadisələr dini inancların təcavüzə məruz qalması, milli və etnik dözümsüzlüyün təşviqi bəşəriyyət üçün təhlükə mənbəyinə çevrilib. Yaxın Şərqdə islam pərdəsi altında törədilən dəhşətli qətllər, Avropa və Amerikada islam əleyhinə kampaniyaların geniş işıqlandırılması Qərb və Şərq sivilizasiyaları arasında uçuruma yol açır. Lakin Azərbaycanın müxtəlif konfessiyaların, xalqların birgə yaşadığı nümunəvi ölkə olduğunu qururla vurğulaya bilərik. Respublikamızda ayrı-ayrı etiqad və inanclara malik etnosların yüz illərlə əmin-amanlıq şəraitində yaşaması da humanist dəyərlərə söykənir. Azərbaycanda hər kəsin milli, dini, etnik ənənələrinə hörmət edən bir cəmiyyət mövcuddur. Azərbaycan dəyərləri qanun üzərində deyil, qanunlarımız milli-mənəvi dəyərlərimiz üzərində qurulub. Bu da ölkəmizdə yaşayan müxtəlif xalqlar arasında tolerant mühitin olmasına əsas verir.

Azərbaycanda dünyaya nümunə ola biləcək unikal dövlət-din münasibətləri modeli formalaşıb. Bu model dünya ölkələri üçün bir nümunədir və ölkəmiz dünyada multikultural ənənələri ilə böyük nüfuz qazanıb”.

Azərbaycanda bütün dinlərə xüsusi münasibət var

İlahiyyatçı qeyd edib ki, hazırda ölkədə dövlət-din münasibətləri ən yüksək səviyyədə tənzimlənməkdədir: “Ölkəmizdəki dini dözümlülük, bütövlükdə tolerantlıq mühiti və mədəniyyəti ümummilli lider Heydər Əliyevin müdrikcəsinə formalaşdırdığı dövlət-din siyasətinə uyğun olaraq daha da möhkəmlənərək dövlət siyasətinin əsas istiqamətinə çevrilib. Bu baxımdan, Prezident İlham Əliyevin “Azərbaycanda dövlət-din münasibətləri sağlam təməl üzərində formalaşıb və inkişaf edir” fikri heç də təsadüfi söylənməyib. Ölkəmizdəki müxtəlif din təmsilçiləri həmişə dinc və yanaşı yaşayıblar. Bu gün Azərbaycanın dövlət siyasəti məhz bu istiqamətdə həyata keçirilir. Bütün dinlərə, xüsusən islam dininə xüsusi münasibət var.

Azərbaycanda dinə qarşı nümunəvi münasibət formalaşıb. Bu, indiki dövrdə çox zəruridir. Çünki hazırda dindən sui-istifadə edilməklə dünyanın bir çox ölkələrində qarşıdurma yaradılır, dövlətlər dindən siyasi alət kimi istifadə edir. Dövlətləri, cəmiyyətləri parçalamaq üçün dindən sui-istifadə olunur. Belə bir vəziyyətdə Azərbaycanda dövlət-din münasibətlərinin bu səviyyədə olması olduqca vacibdir”.

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “Dini və milli tolerantlıq, millətlərarası münasibətlərin inkişaf etdirilməsi” istiqaməti üzrə hazırlanmışdır

Paylaş:
Baxılıb: 137 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Xəbər lenti

Sosial

Xarici siyasət

Xəbər lenti

Arxiv
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30