Ümummilli lider Heydər Əliyevin xatirəsinə həsr olunmuş şahmat olimpiadasının qalibləri mükafatlandırılıblar

Bakı:

17 °C

67 %

6 m/s

AZ RU EN

Ana səhifə / Siyasət / Ümummilli lider Heydər Əliyevin xatirəsinə həsr olunmuş şahmat olimpiadasının qalibləri mükafatlandırılıblar

Ümummilli lider Heydər Əliyevin xatirəsinə həsr olunmuş şahmat olimpiadasının qalibləri mükafatlandırılıblar

11.05.2013 [10:25]

Mayın 10-da Azərbaycan Dövlət İqtisad Universitetində (ADİU) Ümummilli lider Heydər Əliyevin 90 illik yubileyinə həsr olunmuş şahmat olimpiadasının qaliblərinə mükafatlar təqdim olunub.
Olimpiada Yeni Azərbaycan Partiyası (YAP) Gənclər Birliyi və ADİU-nun təşkilatçılığı ilə keçirilib.
AzərTAc xəbər verir ki, əvvəlcə tədbir iştirakçıları Azərbaycanın böyük oğlu, görkəmli siyasi xadim Heydər Əliyevin universitetin foyesindəki büstü önünə gül dəstələri düzüblər.
Qaliblərin mükafatlandırılması mərasimində ADİU-nun rektoru, Milli Məclisin Elm və təhsil komitəsinin sədri, professor Şəmsəddin Hacıyev bildirib ki, müasir dövrdə idman və bədən tərbiyəsinin inkişafı hər bir dövlətdə insanların, xüsusən gənclərin sağlamlığı və mənəvi yüksəlişi ilə yanaşı, milli potensialın maksimum səmərəli reallaşdırılması, cəmiyyətin saflaşması və yetkinləşməsi, genofondun qorunub saxlanılması baxımından son dərəcə mühüm vasitə sayılır. Azərbaycanda geniş yayılmış idman növlərindən biri olan şahmat zəngin tarixi ənənələri ilə xalqımızın mədəniyyətində özünəməxsus yer tutur. Şahmat sahəsində əldə edilən nailiyyətlər, dünya və Avropa çempionatlarında, beynəlxalq turnirlərdə qazanılan uğurlar respublikada şahmata göstərilən marağı daha da artırıb.
Diqqətə çatdırılıb ki, bütün bu uğurlar Ümummilli liderimiz Heydər Əliyevin və Onun layiqli davamçısı Prezident İlham Əliyevin xalqın intellektual səviyyəsini nümayiş etdirən şahmata yüksək qayğı və dəstəyi nəticəsində mümkün olub. Azərbaycan Respublikası Prezidentinin 2009-cu il 5 may tarixli Sərəncamı ilə “2009-2014-cü illərdə Azərbaycanda şahmatın inkişaf etdirilməsi Dövlət Proqramı”nın təsdiq edilməsi buna bir daha əyani sübutdur.
YAP Sədrinin müavini - İcra katibi, Milli Məclisin deputatı Əli Əhmədov xalqımızın Ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsinə həsr olunmuş olimpiadanın keçirilməsi münasibətilə təşkilatçıları və qalibləri təbrik edib, Ulu öndərin ölkəmizdə idmanın, o cümlədən şahmatın inkişafına diqqət və qayğısından danışıb.
Əli Əhmədov diqqətə çatdırıb ki, Ümummilli liderin diqqət və qayğısı sayəsində ölkəmizdə şahmat məktəbləri yaradılıb, peşəkar şahmatçılar hazırlanıb. İnanıram ki, bu yarışlarda iştirak edən istedadlı şahmatçılar üzə çıxarılacaq və həmin gənclər gələcəkdə ölkəmizi beynəlxalq yarışlarda layiqincə təmsil edəcəklər.
Milli Məclisin Aqrar siyasət komitəsinin sədri Eldar İbrahimov, YAP Gənclər Birliyinin sədri Seymur Orucov və Birliyin ofisinin rəhbəri Sərraf Hüseynov qalibləri təbrik edib, onlara yeni uğurlar arzulayıblar.
Sonra qaliblərə mükafatlar təqdim olunub.

Paylaş:

Baxılıb: 1022 dəfə