Siyavuş Novruzov: Yaşı 25-dən yuxarı olan Azərbaycan vətəndaşı Azərbaycanda Milli Məclisin üzvü seçilə bilər

Bakı:

18 °C

88 %

5 m/s

AZ RU EN

Ana səhifə / Siyasət / Siyavuş Novruzov: Yaşı 25-dən yuxarı olan Azərbaycan vətəndaşı Azərbaycanda Milli Məclisin üzvü seçilə bilər

Siyavuş Novruzov: Yaşı 25-dən yuxarı olan Azərbaycan vətəndaşı Azərbaycanda Milli Məclisin üzvü seçilə bilər

08.01.2015 [10:00]

Parlamentdə təmsil olunan yaşlı deputatlar haqqında tez-tez belə ifadələrə rast gəlirik: “Filan deputat qocalıb, onun növbəti parlament seçkilərinə qatılması qeyri-məqbuldur”. Və yaxud da konkret olaraq “filan deputatlar növbəti parlament seçkilərinə qatılmayacaq”.
Parlament seçkiləri yaxınlaşdıqca, bu cür fikirlər də çoxalır. Hətta əksəriyyət daha çox gənc nəslin parlamentdə təmsil olunmasını daha vacib sayır.
Yeni Azərbaycan Partiyası (YAP) İcra katibinin müavini, deputat Siyavuş Novruzov Modern.az saytına açıqlamasında məsələylə bağlı maraqlı məqamlara toxunub: “Əvvəla yaşın bu məsələdə o qədər də önəmi yoxdur. Yaşın nə fərqi var ki?! Tez-tez belə söhbətlər eşidirəm ki, hansısa deputat seçicinin etimadını doğruldub, yoxsa yox?!. Hətta yaşlı və gənc deputatları eyni tərəziyə qoyub müqayisə edirlər.
Ölkə Konstitusiyasında Milli Məclisin üzvlüyünə seçkilər haqqında birbaşa göstərilir ki, yaşı 25-dən yuxarı olan Azərbaycan vətəndaşı Azərbaycanda Milli Məclisin üzvü seçilə bilər. Əgər Konstitusiyamız vətəndaşlara bu hüququ veribsə, “bunun yaşı filan qədərdir” deyib həmin şəxsin hüququnu kim məhdudlaşdıra bilər?! Bu məsələdə yuxarı yaş həddi deyilən bir şey yoxdur. Ümumilikdə yuxarı yaş həddi müəyyənləşdirmək bir dəfə olub. O da Ümummilli liderə qarşı 121-ci maddənin 2-ci bəndini tətbiq etmişdilər ki, “65 yaşından yuxarı şəxslər prezident seçilə bilməz”. Ayaz Mütəllibovun dövründə belə bir məhdudiyyət qoyulmuşdu. Yəni, Ümummilli lider namizədliyini irəli sürə bilməsin. Bu da sonralar ləğv olundu. Qalan bütün hallarda yaşın yuxarı həddi müəyyənləşmir. Heç kəs Allahın funksiyasını öz üzərinə götürməsin. O baxımdan gənc, orta yaşlı, ahıl insanları seçici müəyyənləşdirir. Səs verir, seçir, ya seçmir. Seçici kimi müəyyənləşdirirsə, kimə səs verirsə, onun qarşısını heç kim ala bilməz.
Yeni Azərbaycan Partiyası namizədlərini irəli sürür. Müxtəlif yaş kateqoriyaları mövcuddur. Məsələn, bələdiyyə seçkilərində çalışdıq ki, gənclərə və qadınlara üstünlük verək. O baxımdan da yuxarı yaş həddini Azərbaycan qanunvericiliyində heç kim müəyyən etməyib. Çox istəyirəm ki, insanların xətrinə dəyməsinlər. Çünki hər kəs qocalacaq”.
Yeni Azərbaycan Partiyasının növbəti parlament seçkiləri ilə bağlı toplantı keçirməsinə gəlincə, S.Novruzov deyib ki, YAP rəhbərliyin qərarı ilə namizədləri irəli sürür: “Bununla əlaqədar mətbuata bildirmişik ki, bələdiyyə seçkilərinin nəticələri Mərkəzi Seçki Komissiyası tərəfindən elan olunduqdan və tam hesabatlarımızı dərc etdikdən sonra parlament seçkiləri ilə bağlı planlarımızı təqdim edəcəyik”.

Paylaş:

Baxılıb: 843 dəfə