Ermənilər “miatsum” ideyalarını Abxaziyada da reallaşdırmağa niyyətləniblər

Bakı:

20 °C

77 %

7 m/s

Əlaqə

AZ RU EN

Ana səhifə / Siyasət / Ermənilər “miatsum” ideyalarını Abxaziyada da reallaşdırmağa niyyətləniblər

Ermənilər “miatsum” ideyalarını Abxaziyada da reallaşdırmağa niyyətləniblər

24.05.2016 [10:05]

Hadisələrin inkişafı erməni separatçılarının Dağlıq Qarabağ hadisələrini tezliklə Abxaziyada da təkrarlayacağından xəbər verir
Bu “miatsum” nə qədər qorxunc kəlmədirsə, nə zaman ermənilərin ağzından çıxdısa, ardınca mütləq fəlakətlər gətirir. Necə ki bu fəlakətləri biz ötən əsrin 80-ci illərinin sonu - 90-cı illərinin əvvəllərində yaşadıq. Görünən odur ki, indi isə bu fəlakətləri yaşamaq abxazların qismətinə düşüb. Çünki adı Dağlıq Qarabağdakı separatçı hərəkatla bağlı olan ermənilərin “Krunk” təşkilatı artıq Abxaziyada erməni muxtariyyətinin yaradılacağını bəyan edib.
“New Kavkaz times” saytının yazdığına görə, hadisələr indiki məcrada davam edərsə, yaxın 10 ildə, bəlkə də daha tez Abxaziyada yaşayan ermənilər bilavasitə Ermənistanın dəstəyi, eləcə də xaricdəki erməni diasporunun köməyi ilə Gürcüstanın cənnət guşələrindən hesab olunan bu diyarı da “miatsum” şüarı ilə işğal edəcəklər. Sayt hətta bu sözün mənasını anlamayanlar üçün xüsusi olaraq izah edir ki, “miatsum” erməni dilindən tərcümədə hansı məsafədə yerləşməsindən aslı olmayaraq, digər dövlətlərin ərazilərinin indiki Ermənistanla “tarixi qovuşma”sı (yəni birləşdirilməsi) anlamını verir. Başqa sözlə, Cənubi Qafqazda artıq “üçüncü erməni dövləti”nin elan olunacağı gün çox da uzaqda deyil.
“Axali Taoba “(“Yeni nəsil”) qəzeti isə yazır ki, bunu şərtləndirən bir neçə amil var. Əvvəla, gürcü-abxaz münaqişəsindən məharətlə istifadə edən Ermənistan bu bölgəyə çoxlu sayda erməni yerləşdirməyə müvəffəq olub. Münaqişə nəticəsində Abxaziyanı tərk etmək məcburiyyətində qalan yerli gürcülərin bütün əmlaklarına isə gəlmə ermənilər sahib çıxa biliblər. Məhz bunun nəticəsidir ki, hazırda Abxaziyada yaşayan əhalinin 80 mini erməni, təqribən 70 min nəfəri isə etnik abxazdır. Məsələ referenduma qalarsa, bunun ermənilərin xeyrinə nəticələnəcəyinə isə kimsədə şübhə yoxdur. Yox, əgər abxazlar buna etiraz edərlərsə, o zaman ikinci variant seçiləcək. Belə ki, abxaz erməniləri əvvəlcə milli zəmində münaqişə yaradacaq, günahsız insanların qanı töküləcək. Ardınca isə, kənar qüvvələrin dəstəyi ilə abxazlar silah gücünə öz dədə-baba yurdlarından qovulacaqlar. Beləliklə də, Gürcüstandan ayrılan müasir Abxaziyanın tarixi “miatsum”la da sona çatacaq.
Nəşrin yazdığına görə, bu planların gerçəkləşməsi üçün Abxaziyadakı ermənilərin əllərində kifayət qədər maddi və texniki imkanlar var. Prosesə rəhbərlik edənlərdən biri Abxaziya Erməni İttifaqının sədr müavini Qalust Trapizonyandır. Müharibə illərində o, Baqramyan adına erməni batalyonunda rota komandiri kimi gürcülərə qarşı döyüşüb. Suxumi uğrunda gedən döyüşdə ayağının birini itirib. Gürcülərin Qara dəniz sahillərindən qovulmasında fəal iştirak edib və gürcü əsirlərə qarşı amansız rəftarı ilə seçilib. Elə bu fəallığına görə də Abxaziyanın milli qəhrəmanı adına layiq görülüb və parlamentin deputatı olub. Hazırda Qaqra şəhərindəki erməni məktəbində direktor vəzifəsində çalışmasına baxmayaraq, bu kurort şəhərində özünə əməlli-başlı biznes qura bilib. Şəhərdəki “Qaqripş” sanatoriyası da məhz ona məxsusdur. Qəzetin yazdığına görə, Qalust Trapizonyan, bununla belə, köhnə peşəsini də unutmayıb. Tez-tez öz keçmiş erməni döyüşçülərini bir araya toplayır, onlara xüsusi hazırlıqlar da keçir. Nəşrin yazdığına görə, sovet dönəmində ittifaqın ən məşhur kurort şəhərlərindən biri olan Qaqra hazırda bütünlüklə ermənilərin nəzarətindədir. Tək-tük rəhbər vəzifələrdə yerli abxazlar çalışır ki, onları da ermənilər gözdən pərdə asmaq üçün saxlayırlar. Qəzet yazır ki, Qalust Trapizonyanın növbəti hədəfi mövcud qanunvericiliyə bir sıra dəyişikliklər etməkdir. Belə ki, Abxaziya qanunvericiliyi əcnəbi vətəndaşlara daşınmaz əmlaka sahib olmağı yasaqlayır. Bu isə ermənilərə Abxaziyada tam hakim rolunda çıxış etməyə imkan vermir. Erməni lobbisi, eləcə də xarici havadarlarının köməyi ilə ermənilərin bu maneəni də asanlıqla dəf edəcəyi isə artıq heç kimdə şübhə yeri buraxmır.
“Axali Taoba”nın yazdığına görə, yuxarıda sadalananları nəzərə alaraq, Abxaziyanın “gələcək taleyi” demək olar ki, aydındır. Amma bunun nə vaxt - gec ya tez baş verməsi, ola bilsin ki, bir qədər zaman aparsın. “XIX əsrdən başlayaraq Cənubi Qafqaz bölgəsinə köçürülən ermənilərin tarixi çox sadədir. Əvvəlcə Azərbaycan və Gürcüstan ərazilərində yerləşdirilirlər, sonra artaraq yavaş-yavaş çoxalırlar, biznes sahəsini ələ keçirirlər, güclənirlər, sonra da yerli xalqları qovub oradan çıxarır, özlərinin növbəti “miatsum”unu elan edirlər. Odur ki, Abxaziya məsələsində də hər şey aydınmış kimi görünür...”, - deyə qəzetdəki yazı bu cür bədbin proqnozlarla sona yetir.
Səlim LOĞMANOĞLU

Paylaş:

Baxılıb: 587 dəfə