Uşaq hüquqları ilə bağlı bəzi qanunvericilik aktlarına dəyişikliklər edilib

Bakı:

19 °C

63 %

5 m/s

Əlaqə

AZ RU EN

Ana səhifə / Siyasət / Uşaq hüquqları ilə bağlı bəzi qanunvericilik aktlarına dəyişikliklər edilib

Uşaq hüquqları ilə bağlı bəzi qanunvericilik aktlarına dəyişikliklər edilib

05.12.2009 [09:27]

Dəyişikliklər əsasən Əmək, Ailə və İnzibati Xətalar məcəllələrinə olunub
Parlamentin dünənki iclasında bu il martın 18-də keçirilən referendumla ölkə Konstitusiyasına edilən əlavə və dəyişikliklərin tətbiqi ilə əlaqədar bir sıra qanunvericilik aktlarına əlavə və dəyişikliklər edilib. Dəyişikliklər əsasən Əmək, Ailə və İnzibati Xətalar məcəllələrinə edilib. Təklif olunan dəyişikliklərə əsasən 15 yaşına qədər uşaqların işə götürülməsi qadağan olunur. Buna yol verən fiziki və hüquqi şəxslər müvafiq cərimələrlə cəzalandırılacaqlar. Yalnız kəndli fermer təsərrüfatlarında çalışan uşaqlar istisna təşkil edəcək.
çıxış edən Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyev Azərbaycanda övladlığa uşaq götürmək istəyən ailələrin ciddi problemlərlə üzləşdiklərini bildirdi.
Böyük Quruluş Partiyasının sədri, millət vəkili Fazil Mustafa qeyd etdi ki, layihədə uşaqların mənəviyyata zidd işlərə götürülməsinin qadağan edilməsini nəzərdə tutan maddə gələcəkdə problemlər yarada bilər. Belə ki, işəgötürənin mənəviyyata zidd hesab etmədiyi işi dövlət qurumları başqa cür başa düşə bilər. Buna görə də hansı işlərin uşaqların mənəviyyatına mənfi təsir göstərdiyi dəqiqləşdirilməlidir. “Bu dəyişikliklər zəruri olsa da, elə formada qəbul edilməlidir ki, uşaqların peşə öyrənməsinə, gələcəkdə özlərinə iş yerləri tapmasına problemlər yaratmasın” - deyə F.Mustafa əlavə etdi.
İclasa sədrlik edən Milli Məclis sədrinin birinci müavini Ziyafət Əsgərov qeyd etdi ki, qanun qəbul olunandan sonra onun qüvvəyə minməsi ilə bağlı Prezident fərmanı imzalanacaq. Bundan sonra Nazirlər Kabineti uşaqların hansı işə götürülməsinin qadağan olunması ilə bağlı xüsusi siyahı təsdiq edəcək. Bununla da problem aradan qalxacaq.
Yeni Azərbaycan Partiyası İcra katibinin müavini, millət vəkili Siyavuş Novruzov Heydər Əliyev Fondunun prezidenti Mehriban xanım Əliyeva tərəfindən uşaq evlərində yaşayanlar üçün hər bir şəraitin yaradıldığını bildirdi. Bunu görmək üçün uşaq evlərinə baş çəkməyin vacib olduğunu bildirən millət vəkili həmkarını da imkan düşən kimi uşaq evlərinə baş çəkməyə çağırdı.
Birinci vitse-spiker Z.Əsgərov dedi ki, indiyədək Azərbaycanda uşaq evlərində yaşayanların 18 yaşdan sonrakı həyatı ilə bağlı problemlər olub. Artıq Heydər Əliyev Fondu bu problemi də həll edib. Fondun vəsaiti ilə yeni evlər tikilib və 18 yaşına çatmış kimsəsiz uşaqlar ailə qurana qədər həmin evlərdə yaşaya bilirlər.
Millət vəkili Qənirə Paşayeva müzakirəyə çıxarılan qanunun icrasının xüsusi həssaslıq tələb etdiyini bildirdi. Onun fikrincə, qanuna edilən bu dəyişiklikdən istifadə edən bəzi işbazlar uşaqları daha aşağı qiymətə işə cəlb edə bilərlər. Ona görə də əlaqədar orqanlar qanunun icrasında diqqətli olmalıdırlar. Millət vəkili küçə uşaqlarının problemlərinin həllinə də diqqətin artırılmasının vacib olduğunu bildirdi. Onun sözlərinə görə, əksər hallarda küçə uşaqlarının əməyi başqaları tərəfindən istismar olunur. Buna görə də ilk növbədə belə hallara yol verənlər aşkarlanmalı və cəzalandırılmalıdırlar. Ailələrində problem olan küçə uşaqlarına da yardım edilməlidir. İlk növbədə onların ailə problemlərinin həllinə dövlət müdaxilə etməlidir.
Müzakirələrdən sonra təklif olunan əlavə və dəyişikliklər qəbul olundu.

Paylaş:

Baxılıb: 1157 dəfə