Rauf Əliyev: Ali Baş Komandanın rəhbərliyi ilə tezliklə düşmən tapdağında olan bütün torpaqlar işğaldan azad ediləcək

Bakı:

18 °C

82 %

4 m/s

AZ RU EN

Ana səhifə / Siyasət / Rauf Əliyev: Ali Baş Komandanın rəhbərliyi ilə tezliklə düşmən tapdağında olan bütün torpaqlar işğaldan azad ediləcək

Rauf Əliyev: Ali Baş Komandanın rəhbərliyi ilə tezliklə düşmən tapdağında olan bütün torpaqlar işğaldan azad ediləcək

24.10.2020 [08:47]

“Məlum olduğu kimi, Ermənistanın faşist rəhbərliyi Azərbaycan xalqına qarşı növbəti hərbi cinayət törədib. Oktyabrın 17-də Gəncə şəhərinin yaşayış massivi yenidən raket atəşinə məruz qalıb. Azərbaycanın ikinci böyük şəhəri olan və cəbhə xəttindən çox uzaqda yerləşən Gəncəyə qarşı sayca üçüncü raket hücumu nəticəsində dinc sakinlər, o cümlədən uşaqlar, qadınlar həlak olub və ya xəsarət alıblar: 14 nəfər, o cümlədən 2 uşaq həyatını itirib, 55-dən çox insan yaralanıb. Baş verənlər təkcə Azərbaycana deyil, ümumbəşəri dəyərlərə və insanlığa qarşı cinayətdir”.

Bunu Milli Məclisin deputatı Rauf Əliyev deyib.

Deputat bildirib ki, dünya bir daha Ermənistan rəhbərliyinin mənfur və faşist əməllərinin şahidi olub: “Azərbaycan Respublikasının Prezidenti İlham Əliyev xalqa müraciətləri və müsahibələri zamanı cinayətkar Ermənistan hakimiyyətinin faşist mahiyyəti və əməlləri barədə dünya ictimaiyyətini məlumatlandırır. Əslində işğalçı Ermənistan tərəfindən bizim kənd və şəhərlərimizin atəşə məruz qalması birinci dəfə deyil. Demək olar ki, hər gün Tərtər, Ağdam, Goranboy, Ağcabədi və digər şəhərlər Ermənistan silahlı qüvvələri tərəfindən qəsdən atəşə tutulur. Ancaq bu təxribatçı hərəkətlər Azərbaycan xalqının iradəsini qıra bilməz”.

R.Əliyevin sözlərinə görə, düşmənin bütün təxribatlarına baxmayaraq, xalq və rəşadətli ordumuz öz qələbə salnaməsini yazır: “Cəbrayıl, Füzuli, Zəngilan və digər rayonların onlarla yaşayış məntəqəsi işğaldan azad edilib. Füzuli şəhərinin azad olunması isə böyük qələbənin əsasını qoyub. Ona görə ki, strateji nöqteyi-nəzərdən Füzulidə yerləşən bir neçə müdafiə xəttinin yarılması ordumuza yeni strateji üstünlüklər qazandırıb. Dövlət başçısının da vurğuladığı kimi, Füzuli uğrunda gedən döyüşlər haqqında gələcəkdə kitablar və əsərlər yazılacaq. Çünki yüksək peşəkarlıq, məharət, şücaət, qəhrəmanlıq, fədakarlıq nümayiş etdirən Azərbaycan Ordusu haqqı, ədaləti bərpa edir. Ümumiyyətlə, aparılan bütün döyüşlər ordumuzun qəhrəmanlıq tarixinin ən parlaq səhifələrindəndir. Eyni zamanda, Azərbaycan Ordusu döyüş meydanında tam üstünlüyə malikdir. Çox sayda strateji məntəqə və yüksəklikləri ələ keçirən ordumuz Ermənistanın hərbi-texniki potensialının mühüm hissəsini sıradan çıxara bilib. Şübhə yoxdur ki, müzəffər Azərbaycan Ordusu öz məqsədinə çatacaq: Ali Baş Komandanın rəhbərliyi ilə tezliklə düşmən tapdağında olan bütün torpaqlar işğaldan azad ediləcək və Azərbaycanın ərazi bütövlüyü tam təmin olunacaq”.

QAŞQAY

Paylaş:

Baxılıb: 353 dəfə