Əsli Kazımova: Azərbaycanla Türkmənistan arasında Anlaşma Memorandumunun imzalanması dostluq və qardaşlıq münasibətlərinin inkişafına təkan verəcək

Bakı:

21 °C

73 %

3 m/s

AZ RU EN

Ana səhifə / Siyasət / Əsli Kazımova: Azərbaycanla Türkmənistan arasında Anlaşma Memorandumunun imzalanması dostluq və qardaşlıq münasibətlərinin inkişafına təkan verəcək

Əsli Kazımova: Azərbaycanla Türkmənistan arasında Anlaşma Memorandumunun imzalanması dostluq və qardaşlıq münasibətlərinin inkişafına təkan verəcək

29.01.2021 [09:17]

“Azərbaycanın tarixi qələbəsi regionda yeni siyasi və iqtisadi mənzərə yaratdı. Artıq bölgədə mühüm iqtisadi tərəfdaşlıq platformaları yaradılır ki, bu da digər dövlətlər üçün cəlbedici xarakter daşıyır. Bu mənada, ölkəmizin bir sıra türkdilli dövlətlərlə daha yaxın münasibətlər qurması, onlar arasında mühüm işgüzar əlaqələrin formalaşdırılması olduqca vacib xarakter daşıyır. Ümumiyyətlə, türkdilli ölkələrlə münasibətlərin daha yüksək səviyyədə inkişaf etdirilməsi xarici siyasət kursumuzun əsas prioritetlərindəndir və bu mənada Türkmənistan Respublikası ilə “Dostluq” yatağının birgə işlədilməsi haqqında imzalanmış Memorandum olduqca mühüm əhəmiyyət kəsb edir”.
Bu fikirləri qəzetimizə açıqlamasında Azərbaycan Sosial Rifah Partiyasının sədri Əsli Kazımova deyib.
Onun sözlərinə görə, Azərbaycanla Türkmənistan arasında Anlaşma Memorandumunun imzalanması dostluq və qardaşlıq münasibətlərinin inkişafına təkan verəcək. “İmzalanmış Memorandum tarixi bir hadisədir. Azərbaycan Respublikası hər zaman Xəzər dənizində dialoq, qarşılıqlı anlaşma, əməkdaşlıq və sabitlik mühitinin formalaşdırılması üzrə səylər göstərib və Xəzər dənizinin hüquqi statusunun müəyyənləşdirilməsi üçün ilk təşəbbüs göstərən ölkələrdən biri kimi çıxış edib. Bu səylər Xəzər dənizində bölgü məsələləri üzrə bütün sahilyanı ölkələrin mövqelərinin yaxınlaşdırılmasına və ümumi razılığın əldə edilməsinə xidmət edib. Belə bir anlaşmanın əldə edilməsi və yatağın “Dostluq” adlandırılması isə iki ölkə arasında dostluğun, qardaşlığın, qarşılıqlı əlaqələrin həm də tarixi etnik-dini ənənələrə söykənməsinin bariz nümunəsidir. Qeyd edim ki, yataqdan hasil olunacaq neft və qaz Azərbaycanın mükəmməl və əhatəli infrastrukturu, ixrac kəmərləri vasitəsilə daşınacaq. Bu isə neft və qaz ixracatçısı olan Azərbaycanın həm də tranzit ölkə kimi əhəmiyyətini artıracaq. Bir sözlə, sənədin imzalanması Azərbaycanla Türkmənistan arasında energetika və nəqliyyat-kommunikasiya sahələrində əməkdaşlığın yeni mərhələyə keçirilməsində çox önəmli addımdır”, - deyə Ə.Kazımova əlavə edib.
PƏRVİZ

Paylaş:

Baxılıb: 556 dəfə