Heydər Əliyev
yeni azerbaycan logo

Ana səhifə / Siyasət / Tarixi düşmənlər indi də miqrant davasına başlayır

Tarixi düşmənlər indi də miqrant davasına başlayır

03.12.2021 [10:48]

Avrosentristlərlə anqlo-sakson birliyi toqquşacaqmı?

P.İsmayılov

Makronun “təlxək” adlandırdığı Boris Conson miqrantsız İngiltərədə “daha rahat yaşadığını” deyir

Yüz illər boyu Avropanın ən qatı düşmənləri kimi xarakterizə olunan Fransa ilə İngiltərə arasında “iplər” yenidən gərilib. Fransa prezidenti Emmanuel Makronun Böyük Britaniyanın Baş naziri Boris Consonu “Brexit-in uğursuzluğuna görə günah keçisi axtaran” “təlxək” adlandırması münasibətlərdəki gərginliyi pik həddə çatdırıb. “Le Canard Enchaine” jurnalı yazır ki, Fransa prezidenti Conson administrasiyasını “sirk” kimi təsvir edib. Nəşr bunun səbəbini belə izah edib ki, Makron bir qrup miqrantın La-Manş boğazında ölümü ilə bağlı telefon danışığından sonra Consonun davranışından şikayətlənib, onun davranışını “vulqar” adlandırıb.

Xatırladaq ki, rəsmi Paris Britaniyanı Fransa ərazisində sığınan miqrantların  müraciətlərinə baxmağa dəvət edib. Lakin Britaniya Krallığı bunu miqrantların La-Manş boğazı ətrafına qayıtmasını özündə əks etdirən “çəkilmə faktoru” adlandırıb və imtina edib. Başqa sözlə, İngiltərə miqrant problemi yaşamadan daha xoşbəxt göründüyünü vurğulayır.

Buna qədər isə, noyabrın 27-də Boris Conson Fransa prezidentini rəsmi Twitter səhifəsində yaydığı beş bəndlik planı qəbul etməyə çağırmışdı. Beş bəndlik bu sənəd isə miqrantlarla bağlı faciələrə son qoymağın yolları kimi göstərilmişdi. İki dövlət arasındakı gərginliyin səbəbi isə məhz bu beş bəndlik planda gizlənib. Planın təqdimatının ardından Makron “Bir çox iş görə biləcəyimiz böyük bir ölkənin təlxək tərəfindən idarə olunmasını görmək kədərlidir. Brexit Consonun sirkinin başlanğıc nöqtəsidir”, deyərək Avropada yeni siyasi qaşıdurmaya start verib.

Qeyd edək ki, son dövrlərdə yenidən miqrant probleminin aktuallaşması Avropada bu kimi problemlərə yol açıb. Görünən isə budur ki, Polşa-Belarus sərhəddində yaşananlar Qərbi Avropanı da işə qarışmağa, daha doğrusu, bəri başdan öz hayına qalmağa vadar edir. Çünki Belarusdan Polşaya keçən miqrantlar heç də köhnə qitənin şərq hissəsində qalmaq istəmirlər, daha çox dərinliklərə, Qərbə doğru can atırlar. Böyük Britaniya isə La-Manş boğazı vasitəsilə miqrant axınının qarşısını tam alıb. Avropa ilə quru sərhədi olmayan bu dövlət rahat şəkildə miqrant axınından “yaxa qurtarıb”. Bunun əvəzində isə ən bahalı paytaxta - Londona üz tutmaq istəyən miqrantlar Fransanın La-Manş boğazı hissəsinə yığılaraq ümidlə suyun o biri tayına baxırlar.

Proseslərin gedişi isə mərkəzi avropalılarla (avrosentristlər) anqlo-sakson birliyinin yenidən “toqquşacağını” deməyə əsas verir. Fransanın ərtrafında İngiltərəyə qarşı kifayət qədər “qüvvə” toplansa da, London hər zamankı kimi əsas müttəfiqinə - ABŞ-a güvənir. Miqrant problemi içində boğulan Avropa ölkələrinin İngiltərəyə qarşı planlarının qarşısını isə bir fakt alır - problemin böyüməsi rəsmi Vaşinqtonun II Dünya Müharibəsindən sonra Avropaya yeni yürüşünə yol aça bilər. İndiki halda isə bu, heç Makrona da sərf etmir.

 

 

 

 

Paylaş
Baxılıb: 295 dəfə

Xəbər lenti

Hamısına bax

Siyasət

İqtisadiyyat

İqtisadiyyat

Siyasət

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31