Heydər Əliyev
yeni azerbaycan logo

Ana səhifə / Siyasət / Fransadan separatçılarayeni növ dəstək...

Fransadan separatçılarayeni növ dəstək...

15.11.2022 [10:38]

Rəsmi Paris bütün beynəlxalq hüquq kodekslərini pozur

P.İSMAYILOV

Qarabağda, rus sülhməramlılarının nəzarət etdiyi Xocavənd rayonunda “Armat” adlanan, ikinci, ümumilikdə isə sayca 24-cü olan “ARMAT IN THE AIR” PUA emalatxanası açılıb. Erməni mediasının yaydığı məlumata görə, layihə özünü Xocavəndlə qardaşlaşmış şəhər elan edən, Fransanın paytaxt Parisdən 17 km aralıda yerləşən Sarsel şəhər bələdiyyəsi və erməni donorlar tərəfindən maliyyələşdirilir. Bu barədə qondarma qurumun “dövlət nazirinin müşaviri” Artak Beqlaryan tele­qramında yazıb. Erməni mətbuatının xəbərinə görə, eyni gündə Xankəndidə “ARMAT” emalatxanalarının sərgisi keçirilib. Xəbərdə 24 “Armat”da artıq 600-ə yaxın tələbənin praktiki-texnoloji təhsil aldığı vurğulanır.

Özünü sülh prosesinə “sadiq” göstərən Ermənistanın, eləcə də bütün beynəlxalq hüquq prinsiplərini pozan Fransanın bu addımı başadüşülən sayıla bilməz. Bu, hazırki sülh gündəliyinə zidd olmaqla yanaşı, 2020-ci ilin 10 noyabr sazişinə də ziddir. Belə ki, bu addımın atılması mühüm gərginliklərə səbəb ola bilər.

Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Arzu Nağıyevin sözlərinə görə, Fransa dövləti ilk növbədə Qarabağın Azərbaycan ərazisi olduğunu başa düşməlidir. Fransa Azərbaycan ərazisində istənilən iqtisadi, siyasi, hərbi və digər hər hansı bir məsələni həll etmək üçün mütləq şəkildə Azərbaycanla qar­şılıqlı olaraq razılıq əldə etməlidir: “Hazırki addımların isə heç bir əsası ola bilməz. Hansısa xarici dövlət, eyni zamanda Fransa separatçı ermənilərlə əlbir olub hər hansı bir iqtisadi məsələni həll edə və ya qurum yarada bilməz. Bu, mütləq şəkildə Azərbaycan tərəfi ilə razılaşdırılmalıdır. Mütləq şəkildə Fransanın Azərbaycandakı səfiri bununla bağlı Azərbaycan tərəfinə məlumat verməlidir. Düşünürəm ki, emalatxananın yaradılması beynəlxalq hüquqa zidd hərəkətdir. Rusiyanın ərazidəki sülhməramlı qüvvələri də başa düşməlidir ki, Fransanın bu hərəkətləri qarşıdurmaya gətirəcək səbəblərdən sayılır. Bu baxımdan onlar da bunun qarşısını almaq marağında olmalıdırlar. Eyni zamanda istər Rusiya, istər Türkiyə, istərsə də regionla birbaşa əlaqəsi olan digər dövlətlər məsələ ilə bağlı bəyanatla çıxış etməlidirlər”.

A.Nağıyev məlumatın yoxlanılmasının da gərəkdiyini bildirib. Onun fikrincə, əgər dezinformasiyadırsa, sadəcə olaraq hansısa dövlətin marağından çıxış edərək ortaya çıxıbsa, bu məsələ də yoxlanılmalıdır: “Birmənalı şəkildə bütün dövlətlər başa düşməlidir ki, bu, qarşıdurmaya gətirib çıxara bilər. Hansısa hərbi qüvvələrə malik olan pilotsuz uçan aparatların istər laboratoriya desinlər, istər təlim emalatxanası desinlər - hazırlanması obyekti sayılır və bizim maraqlarımıza zidd bir məsələdir. Bundan başqa bu, üçtərəfli sazişə ziddir. Həmin sazişə imza atmış üç dövlət başçısının imzasına hörmətlə yanaşmalıdır. O imzalarla da hərəkət etməlidirlər. Azərbaycan dövləti olaraq biz bunu qəbul edə bilmərik və bunun qarşısının alınması istiqamətində də müvafiq addımlar atılmalıdır”.

Paylaş:
Baxılıb: 169 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Xəbər lenti

Sosial

Xarici siyasət

Xəbər lenti

Arxiv
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30