BDM Qars şəhərində 31 Mart-Azərbaycanlıların soyqırımı günü ilə bağlı tədbirlər keçirəcək

Bakı:

20 °C

88 %

9 m/s

Əlaqə

AZ RU EN

Ana səhifə / Siyasət / BDM Qars şəhərində 31 Mart-Azərbaycanlıların soyqırımı günü ilə bağlı tədbirlər keçirəcək

BDM Qars şəhərində 31 Mart-Azərbaycanlıların soyqırımı günü ilə bağlı tədbirlər keçirəcək

29.03.2011 [09:12]

Beynəlxalq Diaspor Mərkəzinin (BDM) sədri İsmayıl Ağayevin rəhbərliyi ilə nümayəndə heyəti Türkiyəyə səfərdən qayıdıb. Heyət mart ayının 18-də çanaqqala dəniz zəfərinin 96-cı ildönümü ilə bağlı keçirilmiş tədbirlərdə iştirak edib.
Keçirilən tədbirlərdə iştirak edən Türkiyənin baş naziri Rəcəb Tayib Ərdoğan bu il keçirilən bayram tədbirlərində ilk dəfə olaraq, çanaqqala döyüşlərində azərbaycanlıların da iştirak etdiyini bildirərək, Bakının adını dəfələrlə hallandırıb və şəhid Azərbaycan türklərini də anıb.
Türkiyənin baş naziri Rəcəb Tayib Ərdoğan törənlərdə iştirak edən Azərbaycan nümayəndə heyəti ilə görüşüb. BDM sədri İsmayıl Ağayev Rəcəb Tayib Ərdoğanla görüşdə çanaqqalada şəhid olmuş Azərbaycan türklərinin xatirəsinin əbədiləşdirilməsi ilə bağlı istəklərini bildirərək, abidənin lahiyə planını və nəzərdə tutulmuş digər sənədlər paketini baş nazirə təqdim edib. Həmçinin, iki qardaş ölkə arasındakı münasibətlərin Ulu öndər Heydər Əliyevin “Bir millət iki dövlət” tezisi əsasında inkişaf etdiyini məmnunluqla ifadə edib. Türkiyənin baş naziri BDM-in nümayəndə heyəti ilə söhbətində Azərbaycan şəhidlərinin xatirəsinin əbədiləşdirilməsi üçün gərəkli işlərin görülməsi üçün lazımi dəstəyi verəcəyini və bu istiqamətdə onun bildirdiyi kimi araşdırma aparacağını qeyd edib. Baş nazir Azərbaycan nümayəndə heyəti ilə xatirə rəsmi çəkdirib.
BDM-in nümayəndə heyəti çanaqqala şəhidliyində Azərbaycan türklərinin xatirəsinə qoyulmuş lövhənin qarşısında Türkiyədə təhsil alan azərbaycanlı tələbələr və diasporumuzun nümayəndələri ilə birlikdə anım tədbiri keçirib. BDM sədri İsmayıl Ağayev, BDM-in Avropa nümayəndəliyinin rəhbəri professor Azər Kərimov və BDM-in Rusiya təmsilçiliyinin rəhbəri Ələmdar Nəbiyev TRT kanalı ilə canlı yayında iştirak edərək çanaqqala zəfərinin Türk dünyası tarixindəki rolu və şəhid olmuş Azərbaycan türkləri haqqında çıxış ediblər. Keçirilən tədbirlərdə Azərbaycan diasporunun Türkiyədəki fəalları iştirak edib.
BDM-in nümayəndə heyəti mart ayının 19-20-də İstanbul şəhərində Novruz şənliklərinə qatılıb və buradakı ictimai-siyasi təşkilatlarla görüşlər keçirib.
Qeyd edək ki, Beynəlxalq Diaspor Mərkəzi Milli Qeyri-Hökumət Təşkilatları Forumu ilə birgə Türkiyənin Qars şəhərində 31 Mart - Azərbaycanlıların soyqırımı günü ilə bağlı tədbirlər həyata keçirəcək. Bu məqsədlə nümayəndə heyəti Qars şəhərinə səfər edəcək. Səfər çərçivəsində Qars valiliyi və bələdiyyəsində bir sıra görüşlər olacaq, Qars universitetində soyqırım qurbanları anılacaq, həmin universitetdə Ulu öndər Heydər Əliyevin xatirəsinə düzəldilmiş “Heydər Əliyev” guşəsi ziyarət ediləcək, həmçinin, Qarsın Koçkoy kənd məzarlığındakı Azərbaycanın qəhrəman oğullarından Soltan bəy Paşabəy oğlunun məzarı ziyarət olunacaq.

Paylaş:

Baxılıb: 1080 dəfə