Heydər Əliyev
yeni azerbaycan logo

Ana səhifə / Siyasət / Səbir kasamız daşsa da...

Səbir kasamız daşsa da...

17.12.2022 [10:20]

Qarabağın mülki əhalisinin həyatına problemlər yaradılmır

Etirazlar dinc mahiyyət daşıyır. Heç bir etirazçının əlində silah yoxdur, kimlərəsə təzyiq etmirik və ya kiməsə xəsarət yetirmək niyyətində deyilik. Sadəcə olaraq aksiyanın məqsədi artıq Azərbaycan cəmiyyətinin səbir kasasının daşmasının nümayişidir. Azərbaycanın təbii sərvətlərinin daşınması regionda gedən proseslərin stabil, sülh şəraitində getməsini şübhə altına qoyur Rusiya Xarici İşlər Nazirliyinin rəsmi nümayəndəsi Mariya Zaxarova Laçın yolunda keçirilən aksiyaya münasibət bildirib. Həftəlik brifinqdə Rusiya Xarici İşlər Nazirliyinin rəsmi nümayəndəsi deyib ki, biz Laçın dəhlizinin bağlanmasından narahatıq, bu, tərəflər arasında filiz yataqlarının işlənməsinə dair fikir ayrılıqlarından qaynaqlanır. Onun sözlərinə görə, Rusiya Müdafiə Nazirliyi və Rusiya sülhməramlı kontingenti bütün bu günlərdə vəziyyətin deeskalasiyası üçün fəal işləyir: “Biz yaxın gələcəkdə tam hüquqlu nəqliyyat əlaqələrini bərpa etməyi səbirsizliklə gözləyirik. Onu da vurğulamaq istərdim ki, Laçın dəhlizi Dağlıq Qarabağla Ermənistan arasında əlaqəni təmin edir və Rusiya sülhməramlı kontingentinin nəzarəti altındadır. Və Rusiya Federasiyası, Ermənistan və Azərbaycan liderlərinin 9 noyabr 2020-ci il tarixli bəyanatını imzalayarkən tərəflər üzərinə ciddi əməl edilməli olan müvafiq öhdəliklər götürüblər. Mülki əhalinin həyatına problemlər yaratmaq yolverilməzdir”, - Zaxarova daha sonra bildirib.

Rusiya sülhməramlı kontingentinin Qarabağdakı fəaliyyətini şərh edən Zaxarova bunları söyləyib: “Biz Rusiya sülhməramlılarına qarşı əsassız ittihamlara və təxribat xarakterli hərəkətlərə münasibət bildirməyə məcburuq. Onlar haradan gəlirsə gəlsinlər, biz onları əks-məhsuldar hesab edirik. Rusiya sülhməramlı kontingenti regionda sabitliyin təminatçısı kimi çıxış edərək, üzərinə düşən vəzifələri səmərəli şəkildə yerinə yetirir”.

Təbii ki, Zaxarovanın fikirlərinin ilk baxışdan dağınıq və qeyri-müəyyən olması üzə çıxır - o baxımdan ki, “gələcəkdə tam hüquqlu nəqliyyat əlaqələrini bərpa etməyi səbirsizliklə gözləmək”dənsə, buna mane olan Ermənistanın üçtərəfli bəyanata hörmət və əməl etməsini təmin etmək mümkün idi. Digər tərəfdən, Azərbaycan ictimaiyyətinin haqlı tələblərinin Zaxarova tərəfindən “mülki əhalinin həyatına problemlər yaratmaq” cəhdi kimi qiymətləndirilməsi də yolverilməzdir.

Məsələ ilə bağlı fikirlərini bölüşən politoloq İlqar Vəlizadə bildirib ki, Rusiyanın, eləcə də digər ölkə nümayəndələrinin tərəfindən səsləndirilən narahatlıqlar əsassızdır. Çünki Azərbaycan ictimaiyyəti, ekofəallar, həqiqətən də, yolu bağlamaq niyyətində deyil: “Xüsusilə humanitar məqsədlər üçün yol açıqdır və hər hansı bir daşınmaya maneə yoxdur. Əlbəttə ki, Azərbaycanın ictimaiyyəti qeyri-humanitar yüklərin həmin yolla hərəkətinə laqeyd qala bilməz. Mən Zaxarovaya sual verərdim ki, gəlin fərz edək, Rusiyanın ərazisindən kimsə qaçaqmalçılıq yolu ilə təbii sərvətlər daşıyır. Rusiya ona rahat baxa bilərmi? Təbii ki, yox. Bu baxımdan Azərbaycanın tələbləri və keçirilən aksiya haqlıdır. Digər tərəfdən bu cür aksiyaların baş verməməsi, narazılıqlıqlar yaranmaması üçün Rusiyanın istifadə edə biləcəyi kifayət qədər uzun bir zaman vardı. Sülhməramlı kontingentin də həmin regiona gəlişindən artıq iki ildən çox vaxt keçir. Bu isə az müddət deyil. Ötən iki il ərzində regionda köklü dəyişikliklər baş verməliydi. Ən azından sülh danışıqlarında mühüm irəliləyişlər olmalıydı. Tədricən Azərbaycan öz suverenliyini bu ərazilər üzərində möhkəmləndirə bilərdi. Amma biz bunu müşahidə etmədik. Təəssüflər olsun ki, hələ də erməni silahlı birləşmələri Qarabağdadır. Azərbaycanın sərvətləri talanır. Əlbəttə ki, Azərbaycan ictimaiyyəti, cəmiyyəti bu məsələyə də biganə qala bilməz. Ona görə də etirazımızı bildiririk”.

Politoloq bildirib ki, etirazlar dinc mahiyyət daşıyır. Heç bir etirazçının əlində silah yoxdur, kimlərəsə təzyiq etmirik və ya kiməsə xəsarət yetirmək niyyətində deyilik. “Sadəcə olaraq aksiyanın məqsədi artıq Azərbaycan cəmiyyətinin səb?r kasasının daşmasının nümayişidir. Azərbaycanın təbii sərvətlərinin daşınması regionda gedən proseslərin stabil, sülh şəraitində getməsini şübhə altına qoyur. Bu mənada əsaslı addımların atılması üçün vaxt var. Biz Rusiya tərəfindən əsaslandırılmış cavab gözləyirik. Amma ən yaxşı halda bu cavab sözlə yox, əməli tədbirlərlə verilməlidir. Laçın yolu humanitar prinsiplərlə işləməlidir. Hər hansısa qeyri-qanuni hərəkətlər bu yolda müşahidə olunmamalıdır”, - deyə İ.Vəlizadə əlavə edib.

Paylaş:
Baxılıb: 261 dəfə

Xəbər lenti

Hamısına bax

Ədəbiyyat

Analitik

Xəbər lenti

Siyasət

Xarici siyasət

Xəbər lenti

Analitik

Analitik

İqtisadiyyat

Gündəm

Gündəm

Xəbər lenti

3№-li protokol

23 Fevral 22:28  

Xəbər lenti

Xəbər lenti

Xəbər lenti

Mədəniyyət

Ədəbiyyat

Xarici siyasət

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29