Hillari Klinton müxalifətə yerini göstərdi

Bakı:

27 °C

61 %

9 m/s

Əlaqə

AZ RU EN

Ana səhifə / Siyasət / Hillari Klinton müxalifətə yerini göstərdi

Hillari Klinton müxalifətə yerini göstərdi

08.06.2012 [22:38]

İsa Qəmbər isə boş bəyanatlar səsləndirməklə, özünə təsəlli verir
ABŞ dövlət katibi Hillari Klintonun Azərbaycana səfəri başa çatsa da, mediada sözügedən səfər ətrafında müzakirələr davam etməkdədir. Heç də təəccüblü deyil ki, ABŞ dövlət katibinin ölkəmizə səfərini şərh edən müsahiblər məsələyə öz siyasi baxışları prizmasından yanaşırlar. Bu səfərdən ən çox təsirlənənlər isə, sözsüz ki, radikal müxalifət düşərgəsinin təmsilçiləridir.
Hillari Klinton Bakıya, region dövlətlərinə səfəri çərçivəsində, Gürcüstandan gəldi. Və qonşu ölkədə olarkən, ABŞ dövlət katibi müxalifət partiyalarının təmsilçiləri ilə görüşmüşdü. Bu xəbər, əslində, Azərbaycanda özlərini müxalifət lideri adlandıranlarda bir ümid yaratmışdı. Onlar hesab edirdilər ki, Azərbaycanda analoji görüş keçiriləcək və müxalifət təmsilçiləri əllərinə düşən bu fürsətdən maksimum yararlanmağa çalışacaqlar, dövlətin ünvanına ağıllarını gələn nə varsa, söyləyəcəklər. Amma, yanılmışdılar. Hillari Klinton Bakıya bir günlük səfəri çərçivəsində Azərbaycan rəsmiləri ilə görüşündən sonra, Bakıda öz işinə başlayan Xəzər Beynəlxalq Neft-qaz sərgisində iştirak etdi, həmçinin, vətəndaş cəmiyyətinin nümayəndələri ilə görüşdü. Təbii ABŞ tərəfi üçün adı olub, özü olmayan, fəaliyyəti demək olar ki, sıfıra bərabər olan müxalifət liderləri ilə ilə görüşməkdənsə, bu ölkənin Azərbaycanla əməkdaşlığının prioritetlərindən olan enerji məsələlərini müzakirə etmək daha maraqlıdır. Odur ki, vətəndaş cəmiyyəti nümayəndələri ilə görüşdə də xanım Klinton, əsasən, hasilat sənayesi və büdcə gəlirlərinin xərclənməsindəki şəffaflıq, iqtisadi sahədə nailiyyətlər və problemlər ətrafında fikir mübadiləsi aparıb. Görüşdə həmçinin, Azərbaycanın ümumdünya Ticarət Təşkilatına üzvlük məsələsinə toxunulub, Dövlət Neft Fondunun Müşahidə Şurasında vətəndaş cəmiyyətinin təmsilçilərinin iştirakı, büdcə gəlirlərinin şəffaflığının artırılması sahəsində vətəndaş cəmiyyətinin rolu, bu istiqamətdə gördüyü işlər də müzakirə mövzusu olub. Müzakirələrdən sonra xanım Klinton, bütövlükdə, ölkədəki vətəndaş cəmiyyətinin rolunu yüksək qiymətləndirib, Azərbaycanda güclü vətəndaş cəmiyyətinin olduğunu bildirib və bundan məmnunluğunu ifadə edib. Başqa sözlə, ABŞ rəsmisi Azərbaycanda gördüyünü-inkişafı, vətəndaş cəmiyyətinin dövlət quruculuğu prosesində yaxından iştirak etməsini müsbət qiymətləndirib.
Əlləri bu görüşdən üzülən müxalifət liderlərinə isə yalnız boş bəyanatlar səsləndirməklə özlərinə təsəlli verməsi qalıb. Məsələn, Müsavat partiyasının sədri İsa Qəmbər himayəsində olan qəzetə müsahibəsində qeyd edib ki, guya xanım Klintonun müxalifət liderləri ilə görüşünün olub-olmaması onlar üçün önəmli məsələ deyilmiş. Onlar ABŞ rəsmisinin ölkəmizə səfərindən sonra Azərbaycanda nə kimi dəyişikliklərin baş verəcəyini gözləyirlər və gerçəkləşmiş səfərə yalnız bundan sonra qiymət verəcəklər. Bu qədər də məntiqsizlik olar? Görünür, H.Klinton bizim müxalifət liderlərinin “qabı”na yaxşı bələd olduğundan, hansı intellektual və məntiq sahibi olduqlarını bildiyi üçün onlarla görüşmək istəməyib. ABŞ dövlət katibi hər ay müxtəlif ölkələrə səfərlər edir. Məgər bu səfərlərdən sonra həmin ölkələrdə mütləq hansısa dəyişikliklər baş verir? İ.Qəmbər özü müsahibəsində qeyd edir ki, H.Klinton Azərbaycana, o cümlədən, regiona Şimali Avropa ölkələrinə səfərdən sonra gəlib. Onun məntiqindən belə çıxır ki, artıq Norveç və İsveçdə hansısa dəyişikliklər baş verib? Yaxud ABŞ dövlət katibi Azərbaycandan sonra Türkiyəyə səfər edib. Yoxsa İsa Qəmbər Türkiyədə də hansısa dəyişikliklərin baş verəcəyini gözləyir? Belə məntiqsizlik, yalnız Azərbaycan müxalifət liderlərinə yaraşır. Və belə ucuz bəyanatlar səsləndirməklə, İsa Qəmbərkimilər özlərini həm ictimaiyyətin gözündə, həm də tərəfdaşları arasında daha da cılızlaşdırır.
Səlim Loğmanoğlu

Paylaş:

Baxılıb: 984 dəfə