Enerji diplomatiyasının memarı 92 yaşında

Bakı:

27 °C

37 %

4 m/s

Əlaqə

AZ RU EN

Ana səhifə / Sosial / Enerji diplomatiyasının memarı 92 yaşında

Enerji diplomatiyasının memarı 92 yaşında

13.05.2015 [09:53]

“Qara qızıl”ı insan kapitalına çevirən enerji diplomatiyasının memarı Heydər Əliyev yaşasaydı, bu gün 92 yaşı olacaqdı.
Heydər Əliyev ölkəsinin müstəqilliyində, sabitliyində, dünya tərəfindən qəbul edilməsində əsas rol oynayıb. Bir sözlə, müasir Azərbaycan Onun əsəridir.
Heydər Əliyevin ən böyük töhfələrindən biri ortaya qoyduğu enerji diplomatiyasıdır. Azərbaycanın bu gün sürətlə böyüməsi, inkişafı və zənginləşməsinin başlanğıc nöqtəsi 1994-cü ildə reallaşdırdığı “Azəri-Çıraq-Günəşli” yataqları müqaviləsidir. Bu müqavilənin ardınca gələn ikinci böyük əsəri Bakı-Tbilisi-Ceyhan boru xətti layihəsidir. Təkcə bu il Ceyhan limanından 2500 tankerə yükləmə həyata keçirildiyini nəzərə alsaq, layihənin gücü və əhəmiyyəti özlüyündə ortaya çıxacaq. Yenə “Azəri-Çıraq-Günəşli” sahələri ilə, daha sonra bunlara əlavə olunan “Şahdəniz” layihəsi ilə əldə edilən neft və təbii qaz sayəsində bu gün Türkiyə və Avropaya təbii qaz və neftin çatdırılması üçün alternativ bir yolun formalaşdırılması da Heydər Əliyevin gələcəyi görməsinin daha bir nümunəsidir.
Halbuki, Heydər Əliyev hakimiyyətə gələndə Azərbaycanda elektrik enerjisi də, yol da yox idi. Yoxsulluq 45 faiz səviyyəsində idi.
O, “qara qızıl”ı insan kapitalına çevirmək yolunu seçdi. Və neft gəlirləri ilə ölkənin yenidən yaradılmasının yol xəritəsini çəkərək Azərbaycanın Qərb standartlarına çatması üçün ictimai sahələrdə böyük dəyişikliklərə start verdi. Ondan sonra hakimiyyəti idarə edənlər də Onun yolunda fəaliyyətlərini davam etdirdilər. Və bu günün Azərbaycanını qurdular.
Azərbaycan dövlətinin əldə etdiyi böyük uğurları Türkiyə ilə bölüşməsi isə Onun ortaya qoyduğu “bir millət, iki dövlət” konsepsiyasına olan sədaqətinin təsdiqidir.
Bu gün ölkəmizlə birlikdə reallaşdırılmaqda olan TANAP 2018-ci ildə tamamlandığında, ilk mərhələdə illik 18 milyard kubmetr transfer gücünə çatacaq. 2020-ci ildən etibarən TAP Türkiyə-Yunanıstan sərhədindən və Albaniya üzərindən İtaliyaya təbii qaz daşıyacaq.
Heydər Əliyev siyasətini davam etdirən Prezident İlham Əliyevin rəhbərlik etdiyi Azərbaycan iqtidarının enerji diplomatiyasına olan sədaqəti, Azərbaycanın inkişafına kömək etməklə yanaşı, bu ölkənin mədəni və iqtisadi bir mərkəz olmasını da təmin edib.
Ölkə neftdən əldə etdiyi gəliri qeyri-neft sektorunun inkişafı və xüsusilə də, insan resurslarının inkişafı və təhsil üçün istifadə etməkdə, həmçinin, sərmayə layihələrinə yönəltməkdədir. 10 illik bir dönəmdə, sadəcə, Türkiyəyə 17 milyard dollar həcmində bir sərmayə qoyan Azərbaycan İtaliyada, Yunanıstanda, Çernoqoriyada, Xorvatiyada və Sloveniyada da müvafiq addımlar atmaqdadır.
Artıq Azərbaycan yeni bir mərhələdədir. Bu mərhələ sabit və etibar edilən bir enerji qaynağı olaraq həm Türkiyənin, həm də Avropanın gələcəyini müəyyənləşdirməkdədir.
Bir sözlə, Heydər Əliyevin enerji diplomatiyası bu gün Azərbaycanı Xəzər sahilindən dünya arenasına çıxarıb.
Akkan SUVER

Paylaş:

Baxılıb: 934 dəfə