İ.M.Seçenov adına Birinci Moskva Dövlət Tibb Universitetinin Bakı filialında Ümummilli lider Heydər Əliyevin xatirəsi anılıb

Bakı:

12 °C

87 %

1 m/s

AZ RU EN

Ana səhifə / Sosial / İ.M.Seçenov adına Birinci Moskva Dövlət Tibb Universitetinin Bakı filialında Ümummilli lider Heydər Əliyevin xatirəsi anılıb

İ.M.Seçenov adına Birinci Moskva Dövlət Tibb Universitetinin Bakı filialında Ümummilli lider Heydər Əliyevin xatirəsi anılıb

07.05.2016 [09:21]

İ.M.Seçenov adına Birinci Moskva Dövlət Tibb Universitetinin (MDTU) Bakı filialında Ümummilli lider Heydər Əliyevin anadan olmasının 93-cü ildönümünə həsr edilmiş tələbə elmi-praktik konfransı keçirilib.
AZƏRTAC xəbər verir ki, giriş nitqində Azərbaycan Respublikasının Ümummilli lideri Heydər Əliyev haqqında danışmağın böyük məsuliyyət olduğunu vurğulayan universitetin rektoru, professor Əziz Əliyev deyib: “1969-cu ildə Ümummilli lider respublikaya hakimiyyətə gələndə Azərbaycan iqtisadi baxımdan geridə qalmış respublikalardan biri idi və öz göstəricilərinə görə keçmiş Sovet İttifaqının 15 respublikası arasında 13-cü yeri tuturdu. 1971-ci ildə isə Azərbaycan artıq inkişaf sürətinə görə qabaqcıl respublikalardan biri idi. Məhz o illərdə yüksək sürətlə müasir sənaye kompleksləri yaranır, kənd təsərrüfatı inkişaf edirdi. Heydər Əliyev 1982-ci ildə SRRİ Nazirlər Soveti sədrinin birinci müavini vəzifəsinə təyin edilir. O illərdə də Heydər Əliyev xalqın lideri kimi Azərbaycanın rifahının qayğısına qalır, xalqın maraqlarını müdafiə edir, bu istiqamətdə yorulmadan çalışırdı. Amma 1987-ci ildə Ümummilli lider böyük ədalətsizliklə üzləşir. Onun istefası Azərbaycan üçün böyük itki idi. Erməni millətçiləri bu vəziyyətdən dərhal istifadə edirlər. Heydər Əliyevin istefasından heç iki həftə keçməmiş onlar Dağlıq Qarabağın Azərbaycandan ayrılması və Ermənistana birləşdirilməsi haqqında məsələ qaldırırlar.
1990-cı ilin Qanlı Yanvar hadisələri zamanı Heydər Əliyev yenə də cəsarətli insan, böyük vətənpərvər olduğunu nümayiş etdirir. O, 1990-cı il yanvarın 21-də Azərbaycanın Moskvadakı daimi nümayəndəliyinə gələrək etiraz səsini bütün dünyaya çatdırır. 1993-cü ildə Azərbaycanda vətəndaş müharibəsi təhlükəsi yarananda xalq Ulu öndərə müraciət edərək, Onu siyasi hakimiyyətə dəvət edir və Azərbaycan Respublikasının Prezidenti vəzifəsinə seçir. Bununla da Azərbaycanda quruculuq, sabitlik və inkişaf dövrü başlayır. Sabitlik təmin edilir, vətəndaş müharibəsinə son qoyulur, qanunsuz silahlı birləşmələr tərk-silah edilir və Azərbaycan islahatlar yoluna qədəm qoyur.
Ümummilli lider Heydər Əliyevin layiqli siyasi varisi İlham Əliyevin rəhbərliyi ilə hazırda Azərbaycanda bütün sahələrin dinamik inkişafı təmin olunur və böyük nailiyyətlər əldə olunub. Azərbaycan müstəqillik yolu ilə inamla addımlayır. Prezident İlham Əliyevin milli dövlət quruculuğu prosesini uğurla davam etdirməsi nəticəsində bu gün Azərbaycan regionun lider ölkəsinə çevrilib. İqtisadi, sosial, mədəni və digər sahələrdə həyata keçirilən islahatlar beynəlxalq səviyyədə yüksək qiymətləndirilir. Bu siyasət hər bir Azərbaycan vətəndaşının maddi və sosial rifahının artmasına xidmət edir”.
Sonra Birinci MDTU-nun Bakı filialının IV kurs tələbəsi Ayxan İsmayılovun “Stromal gövdə hüceyrə”, birinci kurs tələbəsi Zöhrə Bədəlovanın “Piy toxumasının endokrin funksiyası” mövzusunda məruzələri dinlənilib.
Məruzələr tematik videoçarxlarla müşayiət olunub.

Paylaş:

Baxılıb: 732 dəfə