“Regional İnkişaf” İctimai Birliyi və UAFA təşkilatı birgə layihə həyata keçirir

Bakı:

28 °C

57 %

8 m/s

Əlaqə

AZ RU EN

Ana səhifə / Sosial / “Regional İnkişaf” İctimai Birliyi və UAFA təşkilatı birgə layihə həyata keçirir

“Regional İnkişaf” İctimai Birliyi və UAFA təşkilatı birgə layihə həyata keçirir

14.12.2016 [10:11]

“Regional İnkişaf” İctimai Birliyi (RİİB) və Böyük Britaniyanın Azərbaycana Birgə Yardım (UAFA) təşkilatı arasında əməkdaşlıq haqqında Memorandum imzalanıb. Memoranduma əsasən, RİİB və UAFA regionlarda əhalinin elm, təhsil, səhiyyə, idman, turizm, ekologiya, mədəniyyət, incəsənət, sahibkarlığın inkişafı və digər sahələrdə mövcud problemlərinin öyrənilməsi və onların həlli istiqamətində birgə layihələr həyata keçirəcək.
AZƏRTAC xəbər verir ki, bu istiqamətdə artıq iki rayonda - Biləsuvarda və Cəlilabadda “Davamlı regional inkişaf proqramı”nın icrasına başlanılıb. 2017-ci il oktyabrın 19-dək davam edəcək proqram çərçivəsində reallaşan layihə aztəminatlı ailələrin davamlı kənd təsərrüfatı imkanlarının genişləndirilməsini, sahibkarlıq fəaliyyətinin təşviqini, uşaqlara yönəlik müasir metodologiyalar vasitəsilə səhiyyə, təhsil və sosial xidmətlər şəbəkəsinin gücləndirilməsini nəzərdə tutur.
Regionlarda layihənin həyata keçirilməsində iştirak etmək məqsədilə UAFA tərəfindən ali məktəb məzunları arasından seçilən gənclərə müvafiq təlimlər keçirilib.
Layihə nümayəndələri kimsəsiz uşaqların, hüquqi və sosial dəstəyə ehtiyacı olan şəxslərin problemlərini öyrənmək və onların həlli məqsədilə müvafiq dövlət qurumları ilə əlaqələndirmək üçün Biləsuvar və Cəlilabad rayonlarında ailələrdə görüşlər keçiriblər.
Qeyd edək ki, “Regional İnkişaf” İctimai Birliyi Heydər Əliyev Fondunun təşəbbüsü ilə yaradılıb. Birliyin əsas məqsədi ölkənin ictimai-siyasi, sosial-mədəni həyatında, vətəndaş cəmiyyəti quruculuğunda layihələr həyata keçirmək, aparılan islahatlara, o cümlədən dövlət tərəfindən regionların inkişafı üzrə həyata keçirilən tədbirlərə geniş dəstək göstərməkdir. RİİB, eyni zamanda, vətəndaşlarla dövlət və bələdiyyə orqanları arasında qarşılıqlı dialoqun qurulması, ictimai nəzarət mexanizminin gücləndirilməsi istiqamətində fəaliyyət göstərir. Birliyin fəaliyyəti bütün respublika ərazisini əhatə edir və bölgələr üzrə regional mərkəzləri var.
1998-ci ildən fəaliyyət göstərən UAFA isə ölkəmizdə əlilliyi olan insanların reabilitasiyası, onların cəmiyyətə inteqrasiyası, yoxsulluğun azaldılması, müxtəlif sosial problemlərdən əziyyət çəkən uşaqlara və ailələrə dəstək göstərilməsi, uşaqlara öz potensiallarını inkişaf etdirmək üçün imkanların yaradılması, inklüziv təhsil və digər sahələrdə layihələr həyata keçirir.

Paylaş:

Baxılıb: 632 dəfə