“İslam həmrəyliyi: müasir çağırışlar və dini maarifləndirmə” mövzusunda konfrans maraqlı müzakirələrlə yadda qalıb

Bakı:

26 °C

50 %

3 m/s

AZ RU EN

Ana səhifə / Sosial / “İslam həmrəyliyi: müasir çağırışlar və dini maarifləndirmə” mövzusunda konfrans maraqlı müzakirələrlə yadda qalıb

“İslam həmrəyliyi: müasir çağırışlar və dini maarifləndirmə” mövzusunda konfrans maraqlı müzakirələrlə yadda qalıb

16.08.2017 [10:08]

“Multikulturalizm ili”nin məntiqi davamı kimi, Prezident İlham Əliyev tərəfindən 2017-ci ilin Azərbaycanda “İslam Həmrəyliyi İli” elan olunması çox böyük siyasi uzaqgörənliklə irəli sürülən ideyadır. Bu, həm Azərbaycanda IV İslam Həmrəyliyi Oyunlarının keçirilməsi, həm də İslam dünyasında baş verən proseslərə nizam gətirmək istəyi ilə bağlıdır. İslam həmrəyliyi Azərbaycandakı multikultural mühitin özlüyündə təbii davamıdır.
AZƏRTAC xəbər verir ki, bu fikirlər Dini Qurumlarla İş üzrə Dövlət Komitəsi (DQİDK) və Qax rayon İcra Hakimiyyətinin birgə təşkilatçılığı ilə avqustun 15-də Qax şəhərində keçirilən “İslam həmrəyliyi: müasir çağırışlar və dini maarifləndirmə” mövzusunda konfransda səsləndirilib.
Tədbirdə dini işlər üzrə komissiyanın üzvləri, ziyalılar, gənclər, təhsil işçiləri, ictimaiyyətin nümayəndələri iştirak ediblər.
Konfransda rayon İcra Hakimiyyəti aparatının məsul nümayəndəsi İlqar Abbasov çıxış edərək dövlət-din münasibətlərindən, ölkədəki tolerantlıq ənənələrindən, cəmiyyətdə sabitliyin möhkəmləndirilməsində dini maarifləndirmənin əhəmiyyətindən danışıb.
DQİDK sədrinin müavini Gündüz İsmayılov “İslam Həmrəyliyi İli” çərçivəsində komitə tərəfindən silsilə tədbirlərin həyata keçirildiyini, bugünkü konfransın da əsas məqsədinin pedaqoji fəaliyyətlə məşğul olan insanların, yerli icra orqanları və bələdiyyə qurumlarında çalışan şəxslərin İslam həmrəyliyi mövzusu ilə bağlı fikirlərini öyrənmək, Azərbaycanda tarixən mövcud olan tolerantlıq və multikulturalizm ənənələrinin qorunub saxlanması və təşviqinə nail olmaq məqsədi daşıdığını diqqətə çatdırıb.
Komitə sədrinin müavini ölkəmizin zəngin multikultural mühitinə əsas təhlükə törədən potensial və real təhdidlərə diqqət çəkərək, dini radikalizmin doğura biləcəyi mənfi nəticələrdən danışıb. Bildirilib ki, məzhəb müxtəlifliyi şəraitində multikultural cəmiyyətlərdə, xüsusilə İslam dininə mənsub toplumlarda ənənəvi İslamın zəifləməsi fonunda xarici təsirlərin güclənməsi ehtimalı var. Dini radikalizmin güclənməsi dinin siyasiləşdirilməsinə, tolerantlığın zəifləməsi ilə məzhəbçiliyin güclənməsinə, dini kimliyin milli kimliyə qarşı qoyulmasına, cəmiyyətdə qütbləşmənin və sosial təbəqələşmənin yaranmasına aparıb çıxara bilər. Belə cəmiyyətlərdə qadın hüquqlarının məhdudlaşdırılması, xurafat meyillərinin artması, dünyəvi təhsilə qarşı çıxışların müşahidə olunması xarakterik haldır.
DQİDK-nin dini maarifləndirmə şöbəsinin müdir müavini Ruslan Əsgərov çıxışında zərərli dini cərəyanların əsas fəaliyyət metodlarına toxunub.
Konfransda “Azərbaycanlı, yoxsa müsəlman: hansı bizim üçün daha önəmlidir?”, “Dindar olub müasir olmaq mümkündürmü?”, “Dindar gənclik dünyəvi gənclikdən nə ilə fərqlənməlidir?” sualları ətrafında müzakirələr aparılıb, tədbir iştirakçılarının, gənclərin fikirləri dinlənilib.
Konfransın sonunda iştirakçıların sualları cavablandırılıb.

Paylaş:

Baxılıb: 723 dəfə