Daşkəsən rayonunda Yeni Azərbaycan Partiyasının yaradılmasının 25-ci ildönümü münasibətilə tədbir keçirilib

Bakı:

20 °C

94 %

8 m/s

AZ RU EN

Ana səhifə / Sosial / Daşkəsən rayonunda Yeni Azərbaycan Partiyasının yaradılmasının 25-ci ildönümü münasibətilə tədbir keçirilib

Daşkəsən rayonunda Yeni Azərbaycan Partiyasının yaradılmasının 25-ci ildönümü münasibətilə tədbir keçirilib

11.11.2017 [01:52]

Noyabrın 10-da Daşkəsən rayon İcra Hakimiyyətinin iclas zalında Yeni Azərbaycan Partiyasının (YAP) yaradılmasının 25-ci ildönümü münasibəti ilə tədbir keçirilib. Tədbir iştirakçıları öncə müstəqil Azərbaycanın memarı, YAP-ın yaradıcısı Ümummilli liderimiz Heydər Əliyevin rayon mərkəzində ucaldılmış abidəsini ziyarət edib, abidənin önünə gül dəstələri düzüblər.
Daha sonra tədbirdə Daşkəsən rayon İcra Hakimiyyətinin başçısı Əhəd Abıyev çıxış edərək deyib ki, bu gün regionda lider partiya olan Yeni Azərbaycan Partiyasının yaradılmasının 25 illiyi respublikamızda təntənəli şəkildə qeyd edilir. Yeni Azərbaycan Partiyası ölkə vətəndaşlarının arzusunu reallaşdırmaq kimi bir missiyanı yerinə yetirir və partiya cəmiyyətimizin siyasi, sosial, iqtisadi həyatına yeni dəyərlər gətirib: “Heç kəsə sirr deyil ki, müstəqil Azərbaycan dövlətinin memarı və Yeni Azərbaycan Partiyasının yaradıcısı Ulu öndər Heydər Əliyev siyasi kursunu Onun layiqli davamçısı olan möhtərəm Prezident cənab İlham Əliyev uğurla davam etdirir. Yeni Azərbaycan Partiyası ümumxalq partiyası olaraq Azərbaycanın inkişafı naminə çalışır. Yarandığı ilk gündən müasirliyi, yeniliyi fəaliyyətinin əsas məqsədi kimi qarşıya qoyan, demokratik dəyərlərə söykənən, saf əqidəli insanları ətrafına toplayan Yeni Azərbaycan Partiyasının milyonların partiyası olduğunu tarix özü artıq sübut etmişdir”.
Əhəd Abıyev daha sonra vurğulayıb ki, bu gün ölkədə gedən bütün ictimai-siyasi hadisələrdə, seçkilərdə fəallıq göstərən daşkəsənlilər Yeni Azərbaycan Partiyasına daim sədaqət nümayiş etdirirlər. Bu səbəbdən də Yeni Azərbaycan Partiyası Daşkəsən rayon təşkilatının sıraları ildən-ilə artır. Daşkəsənin hər bir sakini Prezident İlham Əliyevin çox uğurlu daxili və xarici siyasətinin qələbəsini, qazanılan uğurların bəhrəsini öz gündəlik həyatında hiss edir, ölkədəki yüksəliş və tərəqqi xəttini ürəkdən dəstəkləyirlər.
Daha sonra tədbirdə çıxış edənlər YAP-ın və müasir Azərbaycan dövlətinin qurucusu, ölkəmizi məhv olmaq təhlükəsindən xilas etmiş Ulu öndər Heydər Əliyevin misilsiz tarixi xidmətlərindən, Yeni Azərbaycan Partiyasının böyük siyasi güc kimi cəmiyyətimizdəki mövqeyindən danışıblar. Qeyd olunub ki, Ulu öndər Heydər Əliyev tərəfindən əsası qoyulan Azərbaycanın inkişaf konsepsiyası bu gün Prezident İlham Əliyev tərəfindən ən yüksək səviyyədə həyata keçirilir.
Yeni Azərbaycan Partiyasının yaranmasının 25-ci ildönümü münasibətilə Daşkəsən rayonunda bir sıra silsilə tədbirlər, o cümlədən gənclər və yeniyetmələr arasında müxtəlif idman növləri üzrə rayon birinciliyi keçirilib.
Tədbirdə Yeni Azərbaycan Partiyasının yaradılmasının 25-ci ildönümü münasibətilə keçirilmiş idman yarışlarının qaliblərinə qiymətli hədiyyələr verilib, partiya sıralarına qəbul olunmuş yeni çoxsaylı gənc üzvlərə vəsiqələr təqdim olunub.

Paylaş:

Baxılıb: 608 dəfə