Abutalıb Səmədov: Hər bir vətəndaş öz şəxsi məsuliyyətini hiss etməli, Operativ Qərargahın tələb və tövsiyələrinə riayət etməldir

Bakı:

17 °C

59 %

4 m/s

AZ RU EN

Ana səhifə / Sosial / Abutalıb Səmədov: Hər bir vətəndaş öz şəxsi məsuliyyətini hiss etməli, Operativ Qərargahın tələb və tövsiyələrinə riayət etməldir

Abutalıb Səmədov: Hər bir vətəndaş öz şəxsi məsuliyyətini hiss etməli, Operativ Qərargahın tələb və tövsiyələrinə riayət etməldir

05.06.2020 [08:44]

“Koronavirus pandemiyasının başladığı ilk dövrlərdən ölkəmizdə Prezident İlham Əliyevin rəhbərliyi ilə vaxtında və düzgün addımlar atıldı. Əhalinin sağlamlığını qorumaq üçün görülən tədbirlər, müəyyən yaş qrupuna daxil olan insanların evdən çıxmasına qadağanın qoyulması öz səmərəsini verdi. Eyni zamanda, beynəlxalq ictimaiyyət, o cümlədən Ümumdünya Səhiyyə Təşkilatı ölkəmizdə vətəndaşları qorumaq üçün atılan addımlara, Prezident İlham Əliyevin rəhbərliyi ilə görülən işlərə yüksək qiymət verdi, Azərbaycanın təcrübəsini digər ölkələrə nümunə göstərdi”. Bu fikirləri Azərbaycan Naminə Alyans Partiyasının sədri Abutalıb Səmədov deyib.
Onun sözlərinə görə, hökumətin pandemiyanın ilk günlərindən qəbul etdiyi qərarlar və karantin rejiminin tətbiqi nəticəsində vəziyyəti nəzarət altında saxlamaq mümkün olmuşdu: “Məhz bu səbəbdən karantin rejimindən mərhələli çıxmaq planının həyata keçirilməsinə artıq başlanılmışdı. Lakin insanların bir çoxunun son zamanlar karantin rejiminə əməl etməməsinə görə yoluxanlar və sağalanların sayı arasında ciddi fərq yaranması səbəbindən karantin rejiminin yenidən sərtləşdirilməsi barədə təklif hazırlanıb və müvafiq qərarlar qəbul olunub”.
Partiya sədrinin sözlərinə görə, Nazirlər Kabineti yanında Operativ Qərargahın son qərarı da bu istiqamətdə atılmış növbəti addım kimi dəyərləndirilməlidr: “Məlum olduğu kimi, COVID-19 virusunun yayılma sürətinin azaldılması, eləcə də onun törədə biləcəyi fəsadların minimuma endirilməsi məqsədilə xüsusi karantin rejiminin müəyyən günlərdə sərtləşdirilməsi qərara alınıb. Hər kəs bilməlidir ki, bu qərar, həftə sonları tam qapanma vətəndaşların sağlamlığını qorumaq məqsədi daşıyır. Yəni qapanmanın yalnız həftənin 2 gününü əhatə etməsi, ölkədə kifayət qədər ərzaq ehtiyatının olması, həmçinin maskaların və tibbi spirtin Azərbaycan Respublikasında istehsalının təşkili onu deməyə əsas verir ki, vətəndaşlarımızın sadalanan məqamlarla bağlı narahatlığına heç bir əsas yoxdur. Sadəcə, hər birimiz öncə özümüzün, sonra da bütövlükdə cəmiyyətin sağlamlığı naminə qoyulan qadağalara əməl etməliyik. Bir sözlə, hər bir vətəndaş öz şəxsi məsuliyyətini hiss etməli, Operativ Qərargahın tələb və tövsiyələrinə riayət etməldir”.
Abutalıb Səmədov sonda vətəndaşları sağlamlığımız naminə ictimai məkanlarda, tələb olunan yerlərdə maska taxmağa da çağırıb. Onun sözlərinə görə, dövlət başçısının Tərtərdə Dövlət Rəmzləri Muzeyinin açılışında iştirak edərkən maskadan istifadə etməsi hər bir Azərbaycan vətəndaşı üçün örnək olmalıdır.

Paylaş:

Baxılıb: 462 dəfə