Əhəmiyyətli dərəcədə irəliləyiş

Bakı:

20 °C

83 %

6 m/s

Əlaqə

AZ RU EN

Ana səhifə / YAP xəbərləri / Əhəmiyyətli dərəcədə irəliləyiş

Əhəmiyyətli dərəcədə irəliləyiş

18.04.2024 [11:42]

Azərbaycan Respublikasının Prezidenti İlham Əliyev aprelin 16-da Hacıqabul rayonunda yenidən qurulacaq Şirvan suvarma kanalının təməlini qoyub. Dövlətimizin başçısı çıxış edərək son illər ərzində Azərbaycanda həyata keçirilən infrastruktur layihələri arasında Şirvan suvarma kanalının təməlini qoyulması layihəsinin xüsusi əhəmiyyəti olduğunu bildirib.

Yuxarı Şirvan kanalının 1958-ci ildə inşa edildiyini xatırladan Prezident İlham Əliyev bu gün kanalın yeni mərhələsinin başladığını vurğulayıb. Ölkə başçısı əlavə edib ki, kanal yenidən inşa ediləcək və beləliklə, minlərlə insan bu layihədən faydalanacaq. Kanalın uzunluğu təxminən iki dəfə artırılaraq 200 kilometrdən çox olacaq.

İcra ediləcək yeni layihə 230 min hektar əkin sahəsini əhatə edəcəyini vurğulayan Dövlətimizin başçısı bunun böyük hissəsi yeni suvarılacaq əkin sahələri olduğunu, bu kanal əvvəl 8 rayonu əhatə edirdisə, indi 10 rayonu əhatə edəcəyini bildirib. Cənab Prezident onu da vurğulayıb ki, Hacıqabul gölü 10 ildən çoxdur ki, tamamilə quruyub. Kanal istifadəyə veriləndən sonra göl də dolacaq və bunun da təbiətə çox müsbət təsiri olacaqdır.

Prezident cənab İlham Əliyevin rəhbərliyi ilə ölkədə həyata keçirilən infrastruktur layihələrinin əsas məqsədi ölkəmizin sürətli inkişafını təmin etmək, insanların rifah halını yaxşılaşdırmaq, xüsusilə bölgələrdə yaşayan insanların məşğulluğu üçün şərait yaratmaqdır. Ölkə başçısı çıxışında qeyd edib ki, Azərbaycanda həyata keçirilmiş infrastruktur layihələri ölkəmizi tamamilə yeni bir səviyyəyə qaldırmışdır. “Elektrik enerjisi, avtomobil yolları, dəmir yolları, su kəmərləri, içməli su layihələri, o cümlədən suvarma ilə bağlı olan layihələr artıq öz səmərəsini göstərir”, deyən cənab Prezident əvvəlki illərdə bu sahəyə aid bir çox böyük layihələr icra edildiyini, onların arasında Taxtakörpü və Şəmkirçay su anbarlarının tikintisi də xüsusi əhəmiyyətə malik olan layihlər olduğunu qeyd edib.

Ölkə başçısı çıxışında inşası ilə əlaqədar Sərəncam imzaladığı Qarabağ kanalı layihəsinə də toxunub. Cənab Prezident bildirib ki, gələn ildən Qarabağ kanalının inşasına başlamalıyıq. Qarabağ kanalı 115 min hektarı əhatə edəcək və 9 rayon bu kanal vasitəsilə suvarılacaq.

Ölkə başçısı bildirib ki, ölkəmizdə bir çox infrastruktur layihələri öz həllini tapmışdır. Qazlaşdırmanın səviyyəsi 96 faizə çatıb. Elektrik enerjisi ilə təminat və yeni elektrik stansiyalarının yaradılması geniş vüsət alıb və əhəmiyyətli dərəcədə irəliləyişə nail olmuşuq. Prezident İlham Əliyev növbəti illərdə hökumətin qarşısında duran əsas infrastruktur layihələri arasında başlıca vəzifə içməli su layihələri və suvarma layihələri olacağını bildirib.

Çıxışında işğaldan azad edilmiş Qarabağ və Şərqi Zəngəzur torpaqlarında aparılan quruculuq işlərindən bəhs edən dövlətimizin başçısı bu bölgədə qayıdan vətəndaşlar artıq bu imkanlardan istifadə etdiyini bildirib.

Prezident İlham Əliyev həyata keçirilən layihələrin icrasının tam təmin ediləcəyini, üç ildən sonra – uzaqbaşı 2027-ci ilin sonuna qədər Şirvan kanalının açılışının ediləcəyinə əmin olduğunu bildirib.

Sahib Şükürov

YAP Göyçay rayon təşkilatının sədri

Paylaş:

Baxılıb: 605 dəfə