Ən yaxşı yol təkamül yolu ilə irəliləməkdir

Bakı:

23 °C

64 %

4 m/s

Əlaqə

AZ RU EN

Ana səhifə / YAP xəbərləri / Ən yaxşı yol təkamül yolu ilə irəliləməkdir

Ən yaxşı yol təkamül yolu ilə irəliləməkdir

29.04.2024 [11:22]

İlqar İlyasov, YAP Laçın rayon təşkilatının sədri

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası bu il Azərbaycanda keçiriləcək. Bununla bağlı qərar ötən il dekabrın 11–də COP28-in Dubayda keçirilmiş plenar iclasında qəbul olunub. COP BMT İqlim Dəyişikliyi üzrə Çərçivə Konvensiyası insanın iqlim sisteminə təhlükəli müdaxiləsinin qarşısını almaq məqsədilə 1992-ci ilin iyununda Rio-de-Janeyro şəhərində keçirilmiş Yer Sammitində imzalanmış sazişdir. Tərəflər Konfransı İqlim Dəyişikliyi üzrə Çərçivə Konvensiyasına üzv olan 198 ölkə var. COP29 konfransına ev sahibliyini Azərbaycan üçün 2024-cü ilin ən mühüm hadisəsi və ölkənin yaşıl iqtisadiyyata keçid strategiyasının məntiqi davamı kimi qiymətləndirilməlidir. Bu missiyaya uyğun olaraq Azərbaycan Respublikasının Prezidenti İlham Əliyevin Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilib. Azərbaycan yaşıl enerji iqtisadiyyatına verdiyi önəmi əməli fəaliyyətlərlə də sübut edir. Buna misal olaraq, Azərbaycan 1990-cı illə müqayisədə 2030-cu ilə qədər istixana qazlarının miqdarının 35 faiz, 2050-ci ilə qədər isə 40 faiz azaldılmasını hədəfləyib. Azərbaycan bərpaolunan enerji mənbələri üzrə yüksək potensiala malikdir. İlkin hesablamalara görə, ölkəmizin bərpaolunan enerji mənbələrinin texniki potensialı quruda 135, dənizdə 157 qiqavatdır. Bərpaolunan enerji mənbələrinin iqtisadi potensialı 27 qiqavat, o cümlədən külək enerjisi üzrə 3 min meqavat, günəş enerjisi üzrə 23 min meqavat, bioenerji potensialı 380 meqavatdır. Dağ çaylarının potensialı 520 meqavat həcmində qiymətləndirilir. Aprelin 23-də ADA Universitetində “COP29 və Azərbaycan üçün Yaşıl Baxış” mövzusunda beynəlxalq forumda çıxış edən Azərbaycan Respublikasının Prezidenti cənab İlham Əliyev: Bizim üçün COP29 çox böyük məsuliyyətdir. Burada söhbət təkcə təşkilati məsələlərdən deyil, nəticələrin əldə edilməsindən də gedir” – deməklə bu tədbirin ölkəmiz və dünya üçün əhəmiyyətini bir daha diqqətə çatdırmış oldu. Təbii ki, COP29 forumunun Azərbaycana həvalə olunması aktual məsələlərin müzakirəsində ölkəmizin ədalətli mövqe nümayiş etdirməsinin sübutudur. Prezidentin forumda söylədiyi fikirlər dediklərimizi təsdiq edir: “COP29 sülh prosesinin nəticəsidir. Budəfəki COP-un mövzusu maliyyə olmasına baxmayaraq, ev sahibi ölkə olaraq biz gündəliyə bir neçə əlavə edə bilərik və belə məsələlərdən biri sülh olacaqdır. Birincisi, ona görə ki, biz məhz sülh prosesi sayəsində COP29-a ev sahibliyi etmək hüququ qazandıq. Çünki burada Ermənistan vetosunu aradan qaldırdı və biz də qarşılıqlı addımlar atdıq. Burada söhbət təkcə COP-dan və ötən dekabrdan getmir. Burada aramızda etimadın yaranmasından söhbət gedir. Çünki ən böyük çağırış qarşılıqlı etimadın olmaması və ya onun çox aşağı səviyyədə olmasıdır”. Son illərdə həm dünyada, həm də Azərbaycanda alternativ enerji mənbələrinin inkişafı istiqamətində çox geniş layihələr həyata keçirilir. Dünyanın bir çox maliyyə strukturları qazıntı yanacağı layihələri üçün kiçik bir vəsait ayırıb, və yaxud həmin sahəni demək olar ki, unudublar. Alterntiv enerjinin inkişafı ekoloji problemlərin və qazıntı yanacağının qismən də olsa qarşısını almağa xidmət edəcək. Amma cənab İlham Əliyev haqlı olaraq deyir: “Hesab edirəm ki, qazıntı yanacağına dünyada hələ uzun illər ərzində tələbat olacaq. Bu gün qazıntı yanacağına tələbatın olmayacağını söyləmək sadəlövhlük olardı. Dünya buna hazır deyil, dünya iqtisadiyyatı buna hazır deyil və sənaye buna hazır deyil. Beləliklə, hesab edirəm ki, ən yaxşı yol çata bilməyəcəyimiz hədəfi qoymaqdansa, sinerji yaratmaq və təkamül yolu ilə irəliləməkdir. Bizə gəldikdə, biz bunu edirik. Biz artıq investorlarımızla birlikdə yaşıl enerji layihələrinə investisiyalarımıza başlamışıq”. Azərbaycan Respublikasının Prezidenti İlham Əliyev cənablarının dediyi kimi bütün sahələrdə olduğu kimi alternativ enerji mənbələrinin inkişafı üçün təkamül yolu seçilməli, dünyanın üzləşdiyi ekoloji fəlakətdən qorunmağın ən məqbul yoludur.

Paylaş:

Baxılıb: 421 dəfə