Yeni geosiyasi reallıqlar və perspektivlər

Bakı:

12 °C

87 %

2 m/s

Əlaqə

AZ RU EN

Ana səhifə / YAP xəbərləri / Yeni geosiyasi reallıqlar və perspektivlər

Yeni geosiyasi reallıqlar və perspektivlər

17.02.2025 [17:23]

Fidan Hüseynova,

YAP Quba rayon təşkilatının sədri

Prezident İlham Əliyev yanvarın 20-də Davosda keçirilən Dünya İqtisadi Forumu çərçivəsində Çinin CGTN (China Global Television Network) telekanalına müsahibəsində Azərbaycanın enerji siyasəti, iqtisadi inkişafı və beynəlxalq əməkdaşlıq məsələləri barədə danışıb. Dövlətimizin başçısı Azərbaycanın neft və qaz sektorunda əldə etdiyi nailiyyətlərdən bəhs edərək, ölkə iqtisadiyyatının şaxələndirilməsi istiqamətində atılan addımları vurğulayıb.

Cənab İlham Əliyev Azərbaycanın uzunmüddətli inkişafı və enerji sektoru ilə bağlı ölkənin strateji əhəmiyyətini qeyd edib. O, həmçinin ölkəmizin qlobal enerji bazarlarında müstəsna rola sahib olduğunu və dünyanın müxtəlif bölgələrinə enerji ixracını artırmağı hədəflədiyini diqqətə çatdırıb.

Azərbaycanın neft və qaz sahəsindəki uğurları təkcə iqtisadi inkişaf üçün deyil, həm də regional və beynəlxalq əməkdaşlığın gücləndirilməsi baxımından mühüm əhəmiyyət kəsb edir. Enerji resursları dayanıqlı inkişafın təmin edilməsi və beynəlxalq tərəfdaşlıqların möhkəmlənməsinə töhfə verir. Bu sahədə həyata keçirilən strateji layihələr və tərəfdaşlıqlar enerji təhlükəsizliyi və qlobal bazarlara inteqrasiyanı daha da gücləndirir.

Müsahibədə dövlət başçısı Azərbaycanın xarici siyasət prinsiplərindən bəhs edərək, heç bir ölkənin daxili işlərinə qarışmamağa əsaslanan siyasətin beynəlxalq arenada dəstəkləndiyini vurğulayıb. O, Azərbaycanın təxminən 200 ölkəni bir araya gətirən İqlim konfransına ev sahibliyi etməsini böyük məsuliyyət və nailiyyət kimi qiymətləndirib.

Cənab İlham Əliyev, həmçinin, Azərbaycan ilə Çin arasında mövcud olan dostluq və əməkdaşlıq münasibətlərinin əhəmiyyətindən danışıb. Dövlət başçısı Azərbaycan və Çin arasında strateji tərəfdaşlıq əlaqələrinin inkişaf etdiyini, həmçinin iqtisadi əlaqələrin genişlənməsini qeyd edib. Azərbaycanın iqtisadi potensialı və regional nəqliyyat dəhlizlərindəki mühüm rolu, xüsusən də Şərq-Qərb və Şimal-Cənub istiqamətindəki layihələr önə çəkilib. Bununla yanaşı, ölkəmizin enerji təhlükəsizliyinə verdiyi töhfələr, o cümlədən enerji resursları və bərpa olunan enerji sahəsindəki əməkdaşlıq, qarşılıqlı ticarət dövriyyəsinin artmasına və daha geniş iqtisadi əməkdaşlığın inkişafına şərait yaradır.

Beləliklə, Prezident İlham Əliyevin CGTN telekanalına verdiyi müsahibədə səsləndirdiyi fikirlər ölkəmizin dünyadakı mövqeyini və xarici siyasətini təqdim etməklə yanaşı, həm də Azərbaycanın beynəlxalq münasibətlərdə və qlobal məsələlərdə fəal iştirakını əks etdirir. Bu cür müsahibələr həm də Azərbaycanın dünyada doğru imicini formalaşdırmağa, iqtisadi və siyasi əlaqələrini inkişaf etdirməyə kömək edir.

Paylaş:

Baxılıb: 301 dəfə