YAP Zəngilan rayon təşkilatının 31 illiyi qeyd olundu

Bakı:

21 °C

68 %

1 m/s

Əlaqə

AZ RU EN

Ana səhifə / YAP xəbərləri / YAP Zəngilan rayon təşkilatının 31 illiyi qeyd olundu

YAP Zəngilan rayon təşkilatının 31 illiyi qeyd olundu

04.04.2025 [17:13]

Aprelin 4 -də Zəngilan rayonunun Ağalı kəndində Yeni Azərbaycan Partiyasının Zəngilan rayon təşkilatının 31-ci ildönümü münasibəti ilə “Qəhrəman xalqın şanlı partiyası-YAP” adlı tədbir təşkil olunub.

Tədbirdə rayon təşkilatının sədri Natiq Quluzadə, Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyinin məsul əməkdaşları Ceyhun Həsənov, Cahid Mövlayev, “Azərbaycan” qəzetinin məsul katibi, tarix üzrə fəlsəfə doktoru Elçin Vəliyev, Dövlət Aqrar İnkişaf Mərkəzinin direktoru Möhübbət Səmədov, Ağalı kənd tam orta məktəbinin direktoru Azər Niftəliyev, rayon ziyalıları, şəhid ailələri, qazilər və partiya fəalları iştirak ediblər.
İlk olaraq Şəhidlər Xiyabanı və Ümummilli Lider Heydər Əliyevin büstü ziyarət olunub, Ulu Öndərin əziz xatirəsinə dərin hörmət və ehtiram ifadə edilib.

Tədbir Dövlət Himninin səsləndirilməsi, Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Daha sonra Yeni Azərbaycan Partiyasının keçdiyi inkişaf yolunu əks etdirən videoçarx nümayiş olundu.
Rayon təşkilatının sədri Natiq Quluzadə giriş nitqi ilə çıxış edərək bildirdi ki, Yeni Azərbaycan Partiyasının tarix ərzində əldə etdiyi uğurları və gələcək hədəfləri ilə xalqımızın birliyini və gücünü təmsil edən rəqibsiz bir siyasi təşkilat olaraq, ölkəmizin inkişafı naminə fəaliyyətini hər zaman uğurla davam etdirəcəkdir. O qeyd edib ki, partiya Ulu Öndər Heydər Əliyevin uzaqgörən ideyaları əsasında qurulmuşdur və onun əsas prinsipləri milli həmrəylik, dövlətçiliyin möhkəmləndirilməsi və Azərbaycanın müstəqilliyinin qorunmasıdır. Bu ideyaların Cənab Prezident İlham Əliyev tərəfindən uğurla davam etdirilməsi ölkəmizin hərtərəfli inkişafına əsas yaratmış, gələcək nəsillərə daha güclü, daha firavan bir Azərbaycan təqdim etmək məqsədini həyatımıza gətirmişdir.

Sədr əlavə edib ki, rayon təşkilatımız partiyamızın ən fəal qollarından biri olaraq partiyanın ideya və məqsədlərini yerli səviyyədə həyata keçirərək uğurlu fəaliyyət qurub. O qeyd edib ki, Zəngilan rayonunun yenidən qurulması və Ağalı kəndinin inkişafı partiyamızın uğurlu fəaliyyətinin bariz nümunəsidir və 31-ci ildönümü münasibəti ilə rayon təşkilatının üzvlərini təbrik edərək partiyanın fəaliyyətinə uğurlar arzulayıb.

Cəbrayıl, Qubadlı və Zəngilan rayonlarında Azərbaycan Respublikası Prezidentinin Xüsusi nümayəndəliyinin məsul əməkdaşı Ceyhun Həsənov, “Azərbaycan” qəzetinin məsul katibi, tarix üzrə fəlsəfə doktoru Elçin Vəliyev və digərləri çıxış edərək, Yeni Azərbaycan Partiyasının yaranma tarixindən, keçdiyi mürəkkəb və şərəfli yoldan söhbət açıblar. Əsası ulu öndər Heydər Əliyev tərəfindən qoyulmuş Yeni Azərbaycan Partiyasının bu gün Azərbaycan Prezidenti İlham Əliyevin rəhbərliyi ilə yeni-yeni nailiyyətlərə imza atdığını, bu uğurların zirvəsində tarixi Zəfərimizin dayandığını, Ağalı kəndinin bu tədbirə ev sahibliyi etməsinin tarixi əhəmiyyətini də xüsusi vurğulayıblar. Onlar, həmçinin, rayon təşkilatının yaranmasının 31 illliyi ilə əlaqədar öz səmimi təbriklərini çatdıraraq bu əlamətdar günün əhəmiyyətini qeyd etdilər.
Sonda partiya sıralarına yeni qəbul olunmuş şəxslərə üzvlük vəsiqəsi, eləcə də rayonun ictimai-siyasi həyatında fərqlənən bir qrup partiya veteranına və fəalına Fəxri Fərman təqdim edilib.

Tədbir Yeni Azərbaycan Partiyasının himninin səsləndirilməsi ilə yekunlaşıb.

Paylaş:

Baxılıb: 701 dəfə