YAP Sabunçu Rayon Təşkilatı “Zəkanın qalası: Suverenlik” mövzusunda intellektual yarış keçirib

Bakı:

29 °C

52 %

7 m/s

AZ RU EN

Ana səhifə / YAP xəbərləri / YAP Sabunçu Rayon Təşkilatı “Zəkanın qalası: Suverenlik” mövzusunda intellektual yarış keçirib

YAP Sabunçu Rayon Təşkilatı “Zəkanın qalası: Suverenlik” mövzusunda intellektual yarış keçirib

18.04.2025 [17:23]

YAP Sabunçu Rayon Təşkilatı və Bakı Gənclər Mərkəzinin birgə təşkilatçılığı ilə “Konstitusiya və Suverenlik İli” çərçivəsində “Zəkanın qalası: Suverenlik” mövzusunda intellektual yarış keçirilib.

Əvvəlcə Ümummilli Lider Heydər Əliyevin və torpaqlarımızın azadlığı uğrunda canlarını qurban verən şəhidlərimizin əziz xatirəsi bir dəqiqəlik sükutla yad olunub.

Tədbiri giriş nitqi ilə açan YAP Sabunçu Rayon Təşkilatının sədri Araz Xudadanov qeyd edib ki, 2025-ci il ölkəmizdə “Konstitusiya və Suverenlik İli” elan olunub. Bu, təsadüfi bir qərar deyil. Müstəqil Azərbaycanın Ulu öndər Heydər Əliyevin rəhbərliyi ilə 1995-ci ildə qəbul edilən Konstitusiyası dövlətçiliyimizin möhkəmlənməsində mühüm rol oynayıb. Konstitusiya hər bir dövlətin əsas qanunu, hüquqi sisteminin təməlidir. O, xalqın iradəsini, hüquq və azadlıqlarını təmin edən ən vacib sənəddir. Suverenlik isə bir dövlətin müstəqilliyini və öz taleyini sərbəst şəkildə müəyyən etmə haqqını ifadə edir. Araz Xudadanov həmçinin vurğulayıb ki, bu yarış gənclərə hüquqi biliklər qazandıracaq, eyni zamanda milli kimliyimiz və dövlətçilik dəyərlərimiz haqqında daha dərindən düşünməyə imkan verəcək.

Çıxış edən Millət vəkili, “İki sahil” qəzetinin baş redaktoru Vüqar Rəhimzadə bildirib ki, Azərbaycan xalqı tarix boyu suverenliyini qorumaq uğrunda mübarizə aparıb və bu gün də onu gücləndirmək üçün birgə çalışır. Müzəfər Ali Baş Komandan cənab İlham Əliyevin rəhbərliyi ilə Azərbaycan ordusu 44 günlük Vətən müharibəsində tarixi qələbə qazanaraq dövlətimizin ərazi bütövlüyünü bərpa etdi. Vətən müharibəsindəki qələbəmiz dövlət-xalq-ordu birliyinin, vəhdətinin təntənəsi və nəticəsi idi. Milli birlik Konstitusiyanın əsas dəyərlərindən biridir. Bu birlik sayəsində dövlətimizin müstəqilliyi möhkəmlənir, hüquqlarımız qorunur və gələcəyimiz təmin edilir.

Bakı Gənclər Mərkəzinin direktoru Nərgiz Babayeva vurğulayıb ki, hər bir vətəndaş Konstitusiyaya hörmət etməli, onu yaşatmalı və suverenliyimizi daim uca tutmalıdır. Bu gün ölkəmiz cənab Prezident İlham Əliyevin rəhbərliyi ilə qloballaşan dünyada nüfuzlu ölkə olaraq söz sahibidir. Bütün bunlar da milli birlik və milli suverenliyimizin vasitəsi ilə möhkəm təməllər üzərində qorunur və inkişaf edir.

İntellektual oyun 4 turdan, hər bir komandada 5 iştirakçıdan ibarət olmaqla, ümumilikdə 8 komanda və 40 gənc iştirakçı arasında təşkil olunub.

Yarışın sonunda ilk üç yeri tutan komandalar münsiflər heyəti tərəfindən diplom və qiymətli hədiyyələrlə təltif olunublar.

I yer – “Hakimiyyətin səsi” komandası - 23 düzgün cavab

II yer – “Qanun ustaları” komandası - 21 düzgün cavab

III yer – “Əsas qanun zəkası” komandası - 18 düzgün cavab

Paylaş:

Baxılıb: 446 dəfə