Akademik Zərifə Əliyevanın anadan olmasının 102-ci ildönümü münasibətilə “Bir ömrün imzası” adlı tədbir keçirilib

Bakı:

25 °C

63 %

6 m/s

AZ RU EN

Ana səhifə / YAP xəbərləri / Akademik Zərifə Əliyevanın anadan olmasının 102-ci ildönümü münasibətilə “Bir ömrün imzası” adlı tədbir keçirilib

Akademik Zərifə Əliyevanın anadan olmasının 102-ci ildönümü münasibətilə “Bir ömrün imzası” adlı tədbir keçirilib

29.04.2025 [17:45]

Laçın Rayon İcra Hakimiyyəti və Yeni Azərbaycan Partiyası Laçın Rayon Təşkilatının birgə təşkilatçılığı ilə görkəmli oftalmoloq, ictimai xadim, akademik Zərifə Əliyevanın anadan olmasının 102-ci ildönümü münasibətilə “Bir ömrün imzası” adlı tədbir keçirilib.

Tədbirdə Yeni Azərbaycan Partiyası Laçın Rayon Təşkilatının sədri İlqar İlyasov, Laçın Rayon İcra Hakimiyyəti Başçısının Aparatının İctimai-siyasi və Humanitar Məsələlər Şöbəsi müdirinin müavini Məhəmməd Şahbazov, rayon ziyalısı, YAP veteranı Tahir Bayramov, rayon Mərkəzi Xəstəxanasının əməkdaşları və ictimaiyyət nümayəndələri iştirak edib.

Tədbirdə ümummilli lider Heydər Əliyevin, akademik Zərifə Əliyevanın və Vətənimizin ərazi bütövlüyü uğrunda canlarından keçən şəhidlərimizin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni səsləndirilib.

YAP Laçın Rayon Təşkilatının sədri İlqar İlyasov çıxışında müstəsna xidmətləri ilə əbədiləşən akademik Zərifə Əliyevanın mənalı və şərəfli həyat yolu, zəngin və çoxşaxəli irsi barədə geniş məlumat verərək bildirib ki, o, Azərbaycanda oftalmologiya elminin inkişafında əvəzsiz rol oynayıb. Z. Əliyeva traxoma xəstəliyinin öyrənilməsi, peşə göz xəstəliklərinin profilaktikası və müalicəsi, oftalmologiyanın müasir problemləri üzrə sanballı tədqiqatlar aparıb, “Terapevtik oftalmologiya” və “İridodiaqnostikanın əsasları” kimi nadir elmi əsərlərin, 12 monoqrafiya və dərsliklərin, 150-yə yaxın elmi məqalənin, 1 ixtiranın və 12 səmərələşdirici təklifin müəllifidir.

Laçın Rayon İcra Hakimiyyəti Başçısının İctimai-siyasi və Humanitar Məsələlər Şöbəsi müdirinin müavini Məhəmməd Şahbazov, rayon ziyalısı, YAP veteranı Tahir Bayramov və digər çıxışçılar akademik Zərifə Əliyevanın Azərbaycan oftalmologiyasını dünya səviyyəsində tanıdan novator alim olduğunu, elmi-pedaqoji fəaliyyətində gənc mütəxəssislərin yetişdirilməsinə və oftalmoloqların ixtisasının artırılmasına böyük diqqət göstərdiyini vurğulayıblar.
Çıxışçılar həmçinin Akademik Zərifə Əliyevanın Ümumittifaq Oftalmoloqlar Cəmiyyəti Rəyasət Heyətinin, Sovet Sülhü Müdafiə Komitəsinin, Azərbaycan Oftalmologiya Cəmiyyəti İdarə Heyətinin, “Vestnik oftalmoloqu” (Moskva) jurnalının redaksiya heyətinin üzvü olduğunu qeyd ediblər.

Tədbirin sonunda Yeni Azərbaycan Partiyasına qəbul olunmuş yeni üzvlərə partiya vəsiqələri təqdim edilərək xatirə şəkilləri çəkilib.

Paylaş:

Baxılıb: 493 dəfə