Ölkəmizdə demokratik seçki mühiti mövcuddur

Bakı:

27 °C

47 %

5 m/s

Əlaqə

AZ RU EN

Ana səhifə / YAP xəbərləri / Ölkəmizdə demokratik seçki mühiti mövcuddur

Ölkəmizdə demokratik seçki mühiti mövcuddur

03.09.2013 [09:18]

Yeni Azərbaycan Partiyası Qaradağ rayon təşkilatında növbəti seminar keçirilib
Yeni Azərbaycan Partiyası (YAP) Qaradağ rayon təşkilatında növbəti seminar müşavirəsi keçirilib. YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov Seçki Qərargahının iş fəaliyyəti, vəzifə bölgüləri, qarşıda dayanan məsələlər barəsində ətraflı məlumat verib. Onun sözlərinə görə, ölkəmizdə demokratik seçki ənənələri və qazanılmış mükəmməl seçki təcrübəsi mövcuddur. Ölkədə seçkiqabağı ictimai-siyasi duruma, vətəndaşların seçki ilə bağlı informasiya təminatına toxunan A.Hüseynov, həmçinin, bütövlükdə cəmiyyətimizin prosesə hazırlığından bəhs edib. YAP Siyasi Şurasının üzvü qeyd edib ki, hər bir cəmiyyətin inkişafında seçki amili xüsusi önəm kəsb edir.
“Sözsüz ki, bu ilin seçki ili olması prosesdə yaxından iştirak edəcək şəxslər üçün əlavə məsuliyyətlər müəyyənləşdirir. YAP Qaradağ rayon təşkilatının da iş fəaliyyəti, üzvlərinin qrafik üzrə müəyyənləşmiş istiqamətlərdə üzərlərinə düşən vəzifələr artıq müəyyənləşdirilib. Eyni zamanda, partiya fəalları ilə aparılan treninqlər onların seçkiyə tam hazırlığına, qarşıda dayanan vəzifələrin əhatəli həllinə yönəlib” - deyən, YAP Siyasi Şurasının üzvü bu seçkilərdə də demokratik dəyərlərin tam təmin olunacağına əminliyini ifadə edib. Təşkilat sədri Qaradağ rayonu üzrə bütövlükdə YAP ərazi ilk partiya təşkilatlarının fəaliyyətinə toxunaraq onların işinin müəyyənləşmiş qrafik üzrə qurulmasından, qarşıda dayanan məsələlərin həllindən bəhs edib. Aydın Hüseynov YAP Qaradağ rayon təşkilatı üzrə fəaliyyət göstərən 122 ərazi ilk partiya təşkilatında seçki ili ilə bağlı üzvlərin siyahısının dəqiqləşdirilməsi, Ələt qəsəbəsi üzrə ərazi ilk partiya təşkilatı və Sahil qəsəbəsi üzrə ərazi ilk partiya təşkilatlarında görülən və görüləcək işlərlə bağlı artıq nəticələrin olduğunu, eyni zamanda, digər ərazi ilk təşkilatlarındakı proseslərin də sürətlə yekunlaşdığını seminar iştirakçılarının diqqətinə çatdırıb. YAP Qaradağ rayon təşkilatında artıq görüləcək işlərin qrafikinin müəyyənləşdiyini, eyni zamanda, bütövlükdə rayon üzrə partiya üzvlərinin siyahısında yenidən dəqiqləşdirmələrin aparıldığını bildirən təşkilat sədri YAP İcra Katibliyi tərəfindən verilən tapşırıq və təlimatlara uyğun olaraq işlərin həyata keçirildiyini də vurğulayıb.
Digər çıxışçılar Ramin Quliyev, Nəsir Həsənov, Əlizamin Məmmədov və başqaları ölkəmizdə azad, ədalətli seçki mühitinin olmasından, insanlarımızın öz iradələrini sərbəst formada ifadə edə biləcək mühitin mövcudluğundan danışıblar. YAP Qaradağ rayon təşkilatının aparat rəhbəri Ruslan İsmayılov qarşıdan gələn prezident seçkilərinin açıq, şəffaf keçirilməsi üçün hər bir şəxsin üzərinə düşən vəzifələri layiqli formada yerinə yetirməyin önəmindən danışıb. Seminar qarşılıqlı fikir mübadiləsi, seçki ilə bağlı təcrübi məsələlər ətrafında müzakirələrlə yekunlaşıb.

Paylaş:

Baxılıb: 1635 dəfə