Mingəçevirlilər seçkilərdə cənab İlham Əliyevə alternativ görmürlər

Bakı:

25 °C

57 %

7 m/s

Əlaqə

AZ RU EN

Ana səhifə / YAP xəbərləri / Mingəçevirlilər seçkilərdə cənab İlham Əliyevə alternativ görmürlər

Mingəçevirlilər seçkilərdə cənab İlham Əliyevə alternativ görmürlər

05.10.2013 [11:25]

Mingəçevir şəhərində seçicilərlə növbəti görüş keçirilib
Oktyabrın 9-da ölkəmizdə keçiriləcək prezident seçkiləri ilə əlaqədar Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası çərçivəsində Mingəçevir şəhərində seçicilərlə növbəti görüş keçirilib.
Tədbiri giriş sözü ilə açan YAP Mingəçevir şəhər təşkilatının sədri Cavanşir Yusubov cənab İlham Əliyevin təbliğatını aparmağın olduqca şərəfli və məsuliyyətli bir iş olduğunu söyləyərək deyib ki, Prezidentimizin gördüyü işlər, ölkəmizə qazandırdığı nailiyyətlər hər kəs tərəfindən qəbul və etiraf olunur: “O, 10 illik fəaliyyəti dövründə hamıya göstərdi ki, əsl azərbaycanlıdır və dövlətini, millətini, xalqını çox sevir. Ona görə də, 9 oktyabrda hər birimiz seçki məntəqələrinə gedərək Prezident İlham Əliyevə səs verməliyik. Biz Prezident İlham Əliyevə səs verməklə, öz gələcəyimizə səs verəcəyik”.
Çıxış edən AHİK-in sədri, millət vəkili Səttar Mehbalıyev isə deyib ki, ölkəmiz öz iqtisadi tərəqqisi ilə inkişafın Azərbaycan modelini formalaşdırıb: “Ötən 10 il ərzində bütün sahələrdə ciddi uğurlar əldə edilib, Azərbaycan investisiya yatırılan ölkədən investisiya qoyan ölkəyə çevrilib. Onu da qeyd etmək istəyirəm ki, bazar iqtisadiyyatı yolu ilə irəliləyən, sosial-iqtisadi proqramların həlli üçün maliyyə imkanlarını artıran Azərbaycan investisiya cəlbediciliyinə görə maraq doğurur. Son 10 ildə ölkə iqtisadiyyatına 140 milyard dollar vəsait qoyulub ki, bunun da 50 milyard dollardan çoxu neft-qaz sektorunun payına düşür”.
Azərbaycanda dövlət quruculuğu prosesinin bir çox ölkələrə nümunə olduğunu deyən millət vəkili əlavə edib ki, Azərbaycan demokratiya yolunda qətiyyətlə irəliləyir: “Prezident İlham Əliyevin rəhbərliyi ilə ardıcıl siyasi-hüquqi islahatlar həyata keçirilir. Bu gün ölkəmizin dayaqları güclənir. Ona görə də xalq cənab İlham Əliyevə dərin inam və etimad bəsləyir. Zənnimcə, bu, seçkilərdə də öz əksini tapacaq”.
Bəhmən Nəcməddinov isə çıxışında bildirib ki, Ulu öndər Heydər Əliyevin siyasətini uğurla davam etdirən cənab İlham Əliyevin gördüyü işlər nəticəsində ölkədə böyük nailiyyətlər əldə olunub. Onun sözlərinə görə, cənab İlham Əliyevin rəhbərliyi altında Azərbaycan dövləti hər bir sahədə dinamik inkişaf edir: “Məhz bu inkişafa görə də, Azərbaycan regionda lider dövlətə çevrilib”.
Tədbirdə seçicilər Ağa Ağayev, Fətiş Kazımov və Mürvət Hümbətov çıxış edərək qarşıdan gələn seçkilərdə cənab İlham Əliyevə alternativ görmədiklərini və 9 oktyabrda yalnız Ona səs verəcəklərini vurğulayıblar.
Nardar BAYRAMLI

Paylaş:

Baxılıb: 1371 dəfə