Qubadlıya öz sahibləri qayıdıb

Bakı:

18 °C

72 %

6 m/s

Əlaqə

AZ RU EN

Ana səhifə / YAP xəbərləri / Qubadlıya öz sahibləri qayıdıb

Qubadlıya öz sahibləri qayıdıb

27.10.2025 [12:11]

Mansur Quliyev

YAP Ağdam rayon təşkilatının sədri

25 oktyabr xalqımızın yaddaşına qızıl hərflərlə yazılan möhtəşəm bir gündür. Bu tarix Azərbaycan dövlətinin, ordusunun və xalqının birlik, iradə və qəhrəmanlığının təntənəsidir. Məhz həmin gün – 2020-ci ilin 25 oktyabrında qəhrəman Azərbaycan Ordusu Qubadlı şəhərini işğaldan azad etdi. Prezident, Müzəffər Ali Baş Komandan İlham Əliyevin dediyi kimi: “Qubadlıya öz sahibləri qayıdıb. Qubadlının işğaldan azad edilməsi tarixi hadisə idi. Oktyabrın 25-də Qubadlı şəhərinin azad edilməsi bizim qələbəmizi yaxınlaşdırdı.”

Bu dərin mənalı sözlər təkcə hərbi-siyasi hadisənin qiymətləndirilməsi deyil, həm də xalqımızın illərlə çəkdiyi həsrətin, itkilərin və mübarizənin haqq səsinə çevrilmiş ifadəsidir. Qubadlı torpağı azad olunmaqla təkcə özünün deyil, bütün Azərbaycanın mənəvi dirçəlişinə təkan verdi.

44 günlük Vətən müharibəsi dövründə Qubadlı uğrunda gedən döyüşlər xalqımızın qəhrəmanlıq salnaməsinin parlaq səhifələrindən biridir. Bu döyüşlərdə şəhidlərimizin qanı, əsgərlərimizin şücaəti, zabitlərimizin dəyanəti nəticəsində Qubadlı torpağı düşməndən təmizləndi, üçrəngli Azərbaycan bayrağı yenidən bu qədim diyarın üzərində qürurla dalğalandı.

Bu gün Qubadlı dirçəliş dövrünü yaşayır. Prezident İlham Əliyevin rəhbərliyi ilə həyata keçirilən “Böyük Qayıdış” proqramı çərçivəsində azad edilmiş bütün ərazilər kimi Qubadlıda da həyat yenidən bərpa olunur. Yeni infrastruktur layihələri, müasir yaşayış məhəllələri, məktəblər, sosial obyektlər və yollar inşa edilir. Qubadlı bu gün müasir şəhər planlaşdırılması baxımından nümunəyə çevrilir.

Bu yenidənqurma prosesində xalqın dövlətə inamı, dövlətin isə vətəndaşa qayğısı özünü açıq şəkildə göstərir. Qubadlının hər qarışında vətən sevgisi, şəhid qanı və dövlətimizin gücü var. Bu torpağa qayıdan hər bir vətəndaş artıq əminliklə deyir: “Biz öz evimizdəyik, öz Vətənimizdəyik!”

Yeni Azərbaycan Partiyasının üzvləri olaraq biz bu qüruru, bu inamı hər zaman öz fəaliyyətimizdə rəhbər tuturuq. Möhtərəm Prezidentimizin rəhbərliyi ilə aparılan siyasət Azərbaycanın hər bir guşəsində olduğu kimi, Qubadlıda da inkişaf, tərəqqi və yenidənqurmanın təminatçısıdır. Qubadlının azadlığı həm də müasir Azərbaycan dövlətinin gücünün, xalq-ordu birliyinin rəmzidir. Bu gün Qubadlıda üçrəngli bayrağımız dalğalanır, ucalıq və azadlıq simvoluna çevrilmiş bu torpaq artıq işğalın deyil, qələbənin, quruculuğun və həyatın rəmzidir. Biz əminik ki, tezliklə Qubadlı tam şəkildə öz əvvəlki gözəlliyinə qovuşacaq, sakinlərinin gülüşü, uşaqların səsi bu torpaqlarda əks-səda verəcək. Qubadlı uğrunda canından keçən bütün şəhidlərimizin müqəddəs ruhu qarşısında dərin ehtiramla baş əyir, onların qəhrəmanlığını hər zaman qürurla xatırlayırıq. Qazilərimizə minnətdarlığımız sonsuzdur.

Bu qələbənin memarı, xalqımıza bu qüruru bəxş edən Müzəffər Ali Baş Komandan İlham Əliyevin uzaqgörən siyasəti sayəsində bu gün biz qalib bir xalq kimi danışırıq.

Qubadlıya öz sahibləri qayıdıb – bu, həm tarixi ədalətin, həm də milli qürurun bərpasıdır!

Paylaş:

Baxılıb: 652 dəfə