Azərbaycan Özbəkistan əlaqələri yeni inkişaf mərhələsinə qədəm qoyur

Bakı:

29 °C

51 %

2 m/s

Əlaqə

AZ RU EN

Ana səhifə / YAP xəbərləri / Azərbaycan Özbəkistan əlaqələri yeni inkişaf mərhələsinə qədəm qoyur

Azərbaycan Özbəkistan əlaqələri yeni inkişaf mərhələsinə qədəm qoyur

17.11.2025 [18:02]

Bu gün Prezident İlham Əliyevin rəhbərliyi ilə Azərbaycanda həyata keçirilən xarici siyasət kursunun prioritet istiqamətlərindən biri də beynəlxalq əlaqələrin inkişaf etdirilməsi və bu əsasda dost ölkələrlə münasibətlərin möhkəmləndirilməsidir. Bu, dövlət başçısının bütün sahələr üzrə atdığı praqmatik addımlar və aydın hədəflər nəticəsində mümkün olmuşdur. Çünki bu gün Azərbaycanda Prezident İlham Əliyevin rəhbərliyi ilə milli maraqlarımızın qorunmasına hesablanmış uğurlu və dünya ölkələrinə nümunə olacaq xarici siyasət kursu həyata keçirilir. Bu siyasət kursunun nəticəsidir ki, dünya dövlətləri Azərbaycanla əməkdaşlıq etməyə can atır. dövlətimizin xarici siyasətində Mərkəzi Asiya ölkələri ilə əlaqələrin inkişafı əsas istiqamətlərdən birini təşkil edir.

Mərkəzi Asiya ölkələri ilə əlaqələrinin genişlənməsində, heç şübhəsiz, nəqliyyat dəhlizləri də mühüm rol oynayır. Bu baxımdan Prezident İlham Əliyevin Mərkəzi Asiyada yerləşən ölkələrə mütəmadi səfərləri, həmçinin regional təşkilatların tədbirlərində fəxri qonaq qismində iştirakı ölkəmizin region dövlətləri ilə əlaqələrinin dinamikasını nümayiş etdirir. Azərbaycan və Mərkəzi Asiya ölkələri arasında münasibətlər yüksələn xətlə inkişaf edir.Mərkəzi Asiyanın ən böyük dövlətlərindən olan və sürətlə inkişaf edən Özbəkistan ilə Azərbaycan arasında əlaqələr xüsusilə son illərdə durmadan genişlənir. Ölkələrimizin diplomatik münasibətlərinin 1995-ci il oktyabrın 2-də qurulmasına baxmayaraq, Azərbaycan və özbək xalqları arasında ənənəvi dostluq və qardaşlıq əlaqələri tarixən mövcud olub. Xalqlarımız arasında qardaşlıq münasibətləri çoxəsrlik tarixə malikdir, bütün dostluq və qardaşlıq dövrü ərzində biz bir-birimizin yanında olmuşuq və bir-birimizi dəstəkləmişik.

Prezident İlham Əliyevin Özbəkistanın Milli İnformasiya Agentliyinə (UzA) verdiyi müsahibə Azərbaycan ilə Mərkəzi Asiya regionu arasında formalaşan yeni əməkdaşlıq fəlsəfəsinin əhatəli şəkildə təqdim olunması baxımından böyük əhəmiyyət daşıyır. Bu müsahibə iki dövlət arasında münasibətlərin cari səviyyəsini əks etdirmir, həm də regionun gələcək inkişaf trayektoriyasını müəyyənləşdirən strateji yanaşmaların konturlarını göstərir. Tarixi

Prezident İlham Əliyev müsahibəsində yaxın zamanlarda Daşkənddə keçiriləcək Mərkəzi Asiya Dövlət Başçılarının Məşvərət Görüşündə iştirak edəcəyini bildirib. O vurğulayıb ki, bu onun üçün artıq üçüncü belə iştirakdır: əvvəlki görüşlər Düşənbə (2023) və Astana (2024) şəhərlərində keçirilib. Prezident, Azərbaycan ilə Mərkəzi Asiya ölkələri arasında “vahid tarixi, mədəni, coğrafi və geosiyasi məkan”ın formalaşmaqda olduğunu bildirib. O, Xəzər dənizinin yalnız coğrafi amil olmadığını, həm də strateji birləşdirici rol oynadığını qeyd edib. Ölkə başçısı həmçinin Orta Dəhlizin (Middle Corridor) artan əhəmiyyətinin əlaqələrin dərinləşməsi üçün yeni fürsətlər yaratdığını ifadə edib.

Prezident müsahibəsində qeyd edib ki, Özbəkistandan Azərbaycana yatırılan investisiyalar artmaqdadır. Belə ki, Özbəkistandan təxminən 120 investisiyalı kommersiya təşkilatı Azərbaycanda fəaliyyətdədir.Ticarət dövriyyəsi sürətlə yüksəlir. Yatırım baxımından da əməkdaşlıq genişlənir. Özbəkistanın Azərbaycan iqtisadiyyatına, Azərbaycanın isə Özbəkistana investisiyaları vardır. Həmçinin, birgə investisiya şirkəti yaradılıb. “Azerbaijan-Uzbekistan Investment Company” adlanan bu şirkət, gələcəkdə üçüncü ölkələrdə də investisiya imkanlarını nəzərdə tutur. Daha bir nümunə, Xankəndidə tekstil fabrikinin yaradılmasıdır ki, bu da yüngül sənayenin inkişafı və ənənəvi əlaqələrin güclənməsi üçün yeni imkanlar açır.

Prezident İlham Əliyev eyni zamanda mədəniyyət sahəsində əməkdaşlıq, iki ölkənin şəhərləri arasında qardaşlaşma münasibətləri, qeyri-hökumət təşkilatları və media qurumları arasında intensivləşən əməkdaşlıq, keçirilən media forumları haqqında danışıb. İdman sahəsində də əldə edilən mühüm nailiyyətlərdən danışan Prezident İlham Əliyev, Azərbaycanın və Özbəkistanın 2027-ci il U-20 Dünya Futbol Çempionatına birlikdə ev sahibliyi edəcəklərini bildirib. Azərbaycan-Özbəkistan münasibətlərini “strateji tərəfdaşlıq və müttəfiqlik” münasibətləri olaraq dəyərləndirən dövlət başçımız, Mərkəzi Asiya ölkələri ilə qarşılıqlı əlaqələrdə geosiyasi məna daşıyan, yalnız iqtisadi əlaqələri deyil, mədəni və coğrafi birliyi də əhatə edən “strateji məkan” ideyasını irəli sürüb. Orta Dəhlizin rolunu sadəcə tranzit marşrutu kimi deyil, daha geniş strateji bir infrastruktur elementi kimi qiymətləndirib.

Dövlət başçımız müsahibəsındə Özbək xalqına Azərbaycana dost münasibətlərinə görə minnətdarlığını ifadə edib, Ulu Öndər Heydər Əliyevə Özbəkistanda hər zaman xüsusi hörmət və məhəbbət bəslənildiyini qeyd edib, xatirələrini bölüşüb.

YAP Naftalan şəhər təşkilatının sədri Rövlan Heydərov

Paylaş:

Baxılıb: 379 dəfə