Yeni Geosiyasi Reallıqlar Fonunda Görüş

Bakı:

9 °C

93 %

6 m/s

Əlaqə

AZ RU EN

Ana səhifə / YAP xəbərləri / Yeni Geosiyasi Reallıqlar Fonunda Görüş

Yeni Geosiyasi Reallıqlar Fonunda Görüş

16.03.2026 [19:26]

11 mart 2026-cı il tarixində Bakıda baş tutan Azərbaycan Respublikasının Prezidenti İlham Əliyev və Avropa İttifaqı Şurasının Prezidenti Antonio Koşta arasındakı görüş, Avrasiya məkanında formalaşan yeni geosiyasi reallıqların məntiqi davamı kimi qiymətləndirilməlidir. Antonio Koştanın Avropa İttifaqı Şurasının rəhbəri qismində regiona etdiyi bu mühüm səfər və verilən birgə bəyanatlar, Azərbaycanın Avropanın enerji və nəqliyyat təhlükəsizliyi arxitekturasında tutduğu mərkəzi mövqeyi bir daha rəsmiləşdirdi. Bu dialoq, tərəflər arasındakı münasibətlərin sadəcə iqtisadi tərəfdaşlıq deyil, həm də qlobal çağırışlara qarşı strateji müttəfiqlik müstəvisinə keçdiyini nümayiş etdirdi. Cənab İlham Əliyev çıxışında bildirdi ki, bu gün Avropa İttifaqın 10 üzvü Azərbaycandan qazı qəbul edir və ölkələrin ümumi sayı 16-ya çatıb.

Cənab Prezident İlham Əliyev öz çıxışında Azərbaycanın Avropanın enerji xəritəsini dəyişən rolunu xüsusi vurğuladı. Cənub Qaz Dəhlizinin uğurlu fəaliyyəti fonunda artıq diqqət mərkəzi "Yaşıl Enerji" dəhlizinə yönəlib. Bəyanatda qeyd olundu ki, Xəzər dənizinin külək enerjisi potensialının Qara dəniz altından çəkiləcək kabel vasitəsilə Avropaya çatdırılması layihəsi strateji prioritetdir. Bu, Azərbaycanın ənənəvi yanacaq ixracatçısından təmiz enerji tədarükçüsünə transformasiyasını simvolizə edir.

Antonio Koşta Aİ-nın "Qlobal Keçid" strategiyası çərçivəsində Azərbaycanla nəqliyyat əlaqələrini genişləndirməkdə qərarlı olduğunu bildirdi. Orta Dəhlizin (Trans-Xəzər Beynəlxalq Nəqliyyat Marşrutu) rəqabətqabiliyyətliliyinin artırılması, gömrük prosedurlarının rəqəmsallaşdırılması və Bakı Beynəlxalq Dəniz Ticarət Limanının imkanlarından daha geniş istifadə edilməsi müzakirələrin mərkəzində idi. Bu marşrut, Şərqlə Qərb arasında ən qısa, təhlükəsiz və səmərəli yol kimi Avropanın tədarük zəncirinin diversifikasiyası üçün həyati əhəmiyyət kəsb edir.

Siyasi müstəvidə ən mühüm məqamlardan biri Azərbaycan və Ermənistan arasındakı sülh prosesi oldu. Cənab Prezident İlham Əliyev regionda davamlı sülhün və kommunikasiyaların açılmasının vacibliyini qeyd edərək, Azərbaycanın beynəlxalq hüquq normaları çərçivəsində atdığı addımları diqqətə çatdırdı. Antonio Koşta isə Aİ-nin regionda sabitliyin bərqərar olmasına, sərhədlərin delimitasiyasına və minatəmizləmə prosesinə dəstəyini ifadə edərək, Brüsselin vasitəçilik səylərinin davam edəcəyinə işarə etdi.

Cənab Prezident İlham Əliyev və Antonio Koştanın birgə bəyanatı, Azərbaycan və Avropa İttifaqı arasındakı münasibətlərdə keyfiyyətcə yeni bir dövrün – "Strateji İnkişaf Erası"nın başlanğıcıdır. Bu görüş sübut etdi ki, tərəflər arasındakı əlaqələr konyuktur xarakter daşımır, əksinə, qarşılıqlı etimad və uzunmüddətli maraqlara söykənir. Azərbaycanın iqtisadi gücü və diplomatik nüfuzu, Aİ-nın isə texnoloji və maliyyə resursları birləşərək regionda yeni rifah modelini formalaşdırır. Yaxın illərdə imzalanması gözlənilən yeni ikitərəfli saziş, bu birgə bəyanatda əksini tapan hədəflərin hüquqi bazasını təşkil edəcək və Avrasiyanın iqtisadi mənzərəsini kökündən dəyişəcəkdir.

Göyərçin Səfərova

YAP Naxçıvan şəhər təşkilatının fəalı

Paylaş:

Baxılıb: 260 dəfə