Xocavənddə Zərifə Əliyevanın anadan olmasının 103 illiyinə həsr olunmuş tədbir keçirilib

Bakı:

27 °C

44 %

8 m/s

Əlaqə

AZ RU EN

Ana səhifə / YAP xəbərləri / Xocavənddə Zərifə Əliyevanın anadan olmasının 103 illiyinə həsr olunmuş tədbir keçirilib

Xocavənddə Zərifə Əliyevanın anadan olmasının 103 illiyinə həsr olunmuş tədbir keçirilib

28.04.2026 [12:26]

YAP Xocavənd rayon təşkilatı, Xocavən Rayon İcra Hakimiyyəti və “Xocavənd Rayon Mərkəzi Xəstəxanası” publik hüquqi şəxsin birgə təşkilatçılığı ilə görkəmli oftalmoloq-alim, akademik Zərifə Əliyevanın 103 illik yubileyinə həsr olunmuş tədbir keçirilib.

Xocavənd rayon Mədəniyyət evində baş tutan tədbirdə Xocavənd Rayon İcra Hakimiyyətinin başçısı Eyvaz Hüseynov, YAP Xocavənd rayon təşkilatının sədri Vüsal Hüseynov, “Xocavənd RMX”sı publik hüquqi şəxsin rəhbərliyi və kollektivi, rayon ziyalıları və ictimaiyyət nümayəndələri iştirak ediblər.

Dövlət Himninin səsləndirilməsi və Ulu Öndər Heydər Əliyevin, akademik Zərifə Əliyevanın, eləcə də Vətənimizin azadlığı uğrunda canlarını fəda etmiş şəhidlərin xatirəsinin bir dəqiqəlik sükutla yad edilməsi ilə başlayıb. Sonra Zərifə Əliyevanın həyat və fəaliyyətinə həsr olunmuş videoçarx nümayiş etdirilib.

Xocavənd rayon Rayon İcra Hakimiyyətinin başçısı cənab Eyvaz Hüseynov çıxış edərək bildirmişdir ki, Zərifə xanım zəngin mənəviyyata sahib əsl ziyalı kimi mənalı ömür yolu keçib, əhatəli elmi fəaliyyəti ilə ölkəmizdə tibb sahəsinin, xüsusilə oftalmologiyanın inkişafına dəyərli töhfələr verib. Akademikin zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin parlaq səhifəsidir. E. Hüseynov Görkəmli alim Zərifə Əliyevanın daim xatirələrdə yaşayacağını bildirib.

YAP Xocavənd Rayon Təşkilatının sədri Vüsal Hüseynov akademik Zərifə xanım Əliyevanın keçdiyi zəngin həyat yolundan ətraflı bəhs edib, Azərbaycan tibb elminin inkişafına verdiyi töhfədən danışıb. Həmçinin, Zərifə xanımın görkəmli oftalmoloq-alim olmaqla yanaşı, həm də yüksək mənəvi keyfiyyətləri ilə seçilən ziyalı şəxsiyyət olduğunu, onun elmi və mənəvi irsinin gələcək nəsillərə ötürülməsinin vacibliyini diqqətə çatdırıb.

Tədbirdə həmçinin “Xocavənd Rayon Mərkəzi Xəstəxanası” publik hüquqi şəxsinin direktoru Yaşar Əhmədov və digər çıxış edənlər Zərifə Əliyevanın Azərbaycan səhiyyəsinin inkişafındakı xidmətlərindən, gənc həkimlər üçün örnək məktəb olmasından, onun peşəkar yanaşması ilə yanaşı, insanlara olan yüksək diqqət və qayğısından danışıblar.

Tədbirin sonunda Beyləqan rayon Xaçınabad kənd 2 nömrəli tam orta ümumtəhsil məktəbin şagirdlərinin təqdimatında Zərifə xanım Əliyevaya həsr olunmuş şeirlər səsləndirilib.

Paylaş:

Baxılıb: 308 dəfə