Strateji tərəfdaşlıq yeni səviyyədə

Bakı:

28 °C

57 %

8 m/s

Əlaqə

AZ RU EN

Ana səhifə / YAP xəbərləri / Strateji tərəfdaşlıq yeni səviyyədə

Strateji tərəfdaşlıq yeni səviyyədə

15.07.2026 [15:50]

Lalə Mədətova

YAP Kəngərli rayon təşkilatının məsləhətçisi

IV Şuşa Qlobal Media Forumu bir daha göstərdi ki, Azərbaycan beynəlxalq dialoq, əməkdaşlıq və qlobal çağırışların müzakirəsi üçün mühüm platformaya çevrilib. Dünyanın müxtəlif ölkələrindən media nümayəndələrinin, ekspertlərin və beynəlxalq təşkilatların təmsil olunduğu forumda Prezident İlham Əliyevin çıxışı xüsusi maraq doğurdu. Dövlət başçısı çıxışında regional və beynəlxalq proseslərə, Azərbaycanın xarici siyasət prioritetlərinə, eləcə də aparıcı dövlətlərlə münasibətlərə dair mühüm mesajlar səsləndirdi.

Prezident İlham Əliyev xüsusilə Azərbaycan ilə Amerika Birləşmiş Ştatları arasında əlaqələrin inkişafına toxunaraq bildirdi ki, Birləşmiş Ştatlar ilə Azərbaycan arasında münasibətlər Donald Tramp administrasiyası dövründə yüksək səviyyədə inkişaf edir. Dövlət başçısının sözlərinə görə, tərəflər arasında qarşılıqlı hörmət və milli maraqlara əsaslanan əməkdaşlıq yeni mərhələyə qədəm qoyub. Prezident vurğuladı ki, Azərbaycan bu münasibətlərin strateji tərəfdaşlıq səviyyəsinə yüksəlməsindən məmnundur və bunu iki ölkə arasında etibarlı əməkdaşlığın göstəricisi kimi qiymətləndirir.

Azərbaycan uzun illərdir ABŞ ilə enerji təhlükəsizliyi, terrorizmlə mübarizə, regional sabitliyin qorunması və iqtisadi əməkdaşlıq istiqamətlərində sıx tərəfdaşlıq edir. Son dövrlərdə siyasi dialoqun intensivləşməsi və qarşılıqlı etimadın möhkəmlənməsi əlaqələrin daha da genişlənməsi üçün əlverişli zəmin yaradıb. Prezident İlham Əliyevin forumdakı fikirləri də göstərdi ki, Bakı Vaşinqtonla münasibətlərin qarşılıqlı fayda və bərabərhüquqlu əməkdaşlıq prinsipləri əsasında inkişaf etdirilməsində maraqlıdır.

Dövlət başçısı çıxışında Azərbaycanın müstəqil xarici siyasət kursuna sadiq qaldığını, bütün tərəfdaşlarla qarşılıqlı hörmət və etimada əsaslanan münasibətlər qurduğunu da diqqətə çatdırdı. Onun sözlərinə görə, ölkəmiz beynəlxalq münasibətlər sistemində etibarlı tərəfdaş kimi öz mövqeyini daha da möhkəmləndirib. Bu baxımdan ABŞ ilə münasibətlərin strateji tərəfdaşlıq səviyyəsinə yüksəlməsi həm regional təhlükəsizlik, həm də iqtisadi əməkdaşlığın inkişafı üçün mühüm əhəmiyyət daşıyır.

Şuşa Qlobal Media Forumu həm də Azərbaycanın dünyaya açıq, konstruktiv dialoqa hazır olan dövlət kimi mövqeyini bir daha nümayiş etdirdi. Forum çərçivəsində səsləndirilən fikirlər, xüsusilə Prezident İlham Əliyevin beynəlxalq münasibətlərə dair mesajları iştirakçılar tərəfindən böyük maraqla qarşılandı. Dövlət başçısının ABŞ ilə münasibətlərə dair açıqlamaları Azərbaycanın balanslaşdırılmış və praqmatik xarici siyasətinin növbəti təsdiqi kimi dəyərləndirilir.

Bu gün Azərbaycan beynəlxalq arenada etibarlı tərəfdaş, regional əməkdaşlığın təşəbbüskarı və mühüm geosiyasi aktor kimi çıxış edir. Prezident İlham Əliyevin IV Şuşa Qlobal Media Forumunda səsləndirdiyi fikirlər bir daha göstərdi ki, ölkəmiz beynəlxalq tərəfdaşlarla, o cümlədən Amerika Birləşmiş Ştatları ilə münasibətlərin daha da möhkəmləndirilməsinə, qarşılıqlı maraqlara xidmət edən layihələrin genişləndirilməsinə və strateji əməkdaşlığın inkişafına böyük önəm verir. Bu yanaşma Azərbaycanın milli maraqlarına xidmət etməklə yanaşı, regionda sabitlik, təhlükəsizlik və davamlı inkişafın təmin olunmasına da mühüm töhfə verir.

Paylaş:

Baxılıb: 144 dəfə