Azərbaycanın siyasi çəkisi yeni mərhələdə

Bakı:

29 °C

58 %

4 m/s

Əlaqə

AZ RU EN

Ana səhifə / YAP xəbərləri / Azərbaycanın siyasi çəkisi yeni mərhələdə

Azərbaycanın siyasi çəkisi yeni mərhələdə

05.08.2026 [13:39]

Bəzən dövlət səfərləri imzalanan sənədlərlə deyil, verilən mesajların siyasi çəkisi ilə tarixə düşür. Prezident İlham Əliyevin 31 iyul 2026-cı il tarixində Qırğızıstana dövlət səfəri də məhz belə hadisələrdən biri oldu. Bişkekdə mətbuata səsləndirilən fikirlər təkcə Azərbaycan–Qırğızıstan münasibətlərinin bugünkü vəziyyətini əks etdirmədi, eyni zamanda Türk dünyasının gələcək inkişaf trayektoriyasına yönəlmiş mühüm siyasi baxışın ifadəsinə çevrildi.Müasir beynəlxalq münasibətlər sistemində etibarlı tərəfdaş olmaq hər dövlətə nəsib olmur. Azərbaycan isə son illərdə həyata keçirdiyi müstəqil və balanslaşdırılmış xarici siyasət nəticəsində regionun etimad qazanan əsas ölkələrindən birinə çevrilib. Prezident İlham Əliyevin Bişkekdə verdiyi bəyanat da göstərdi ki, ölkəmiz münasibətlərini təsadüfi maraqlar üzərində deyil, uzunmüddətli strateji əməkdaşlıq prinsipləri əsasında qurur. Bu yanaşma Azərbaycanın dost ölkələrlə əlaqələrini daha da möhkəmləndirir.

Cənab Prezident çıxışında iki ölkə arasında siyasi dialoqun yüksək səviyyədə olduğunu vurğulamaqla yanaşı, iqtisadi əməkdaşlığın, investisiya layihələrinin, nəqliyyat dəhlizlərinin və humanitar əlaqələrin genişləndirilməsinin vacibliyini ön plana çəkdi. Bu istiqamətlər təsdiqləyir ki, Bakı ilə Bişkek arasında qurulan münasibətlər artıq klassik diplomatik çərçivəni aşaraq real strateji tərəfdaşlıq mərhələsinə daxil olub.Bu səfərin ən mühüm məqamlarından biri isə Türk dünyasının birliyi ilə bağlı verilən siyasi mesajlar idi. Artıq türk dövlətləri ortaq tarix və mədəniyyət anlayışından daha irəli gedərək iqtisadi, siyasi və geostrateji baxımdan vahid güc mərkəzi kimi formalaşmağa başlayırlar. Azərbaycan bu prosesdə təşəbbüsləri ilə seçilən, əməkdaşlığa yeni məzmun qazandıran və birləşdirici missiyanı uğurla həyata keçirən ölkə kimi çıxış edir.Bişkekdən səslənən bəyanatlar bir daha nümayiş etdirdi ki, Azərbaycanın xarici siyasəti sabitlik, qarşılıqlı hörmət və etibarlı tərəfdaşlıq üzərində qurulub. Məhz bu siyasət sayəsində ölkəmiz həm regionda, həm də daha geniş coğrafiyada söz sahibi olan dövlət statusunu daha da möhkəmləndirir. Prezident İlham Əliyevin diplomatik fəaliyyəti nəticəsində Azərbaycan artıq yalnız regional layihələrin iştirakçısı deyil, onların təşəbbüskarı və istiqamətverici qüvvəsi kimi qəbul edilir.

Qırğızıstana dövlət səfəri göstərdi ki, Azərbaycan üçün Türk dünyasının gələcəyi sadəcə ideoloji yanaşma deyil, konkret siyasi və iqtisadi hədəflərə əsaslanan strateji baxışdır. Bişkekdən verilən mesajlar da məhz bu baxışın davamı olaraq əməkdaşlığın yeni səhifəsini açdı və bir daha sübut etdi ki, Azərbaycanın beynəlxalq nüfuzu gündən-günə artır, Prezident İlham Əliyevin rəhbərliyi ilə həyata keçirilən xarici siyasət isə ölkəmizin strateji mövqeyini daha da gücləndirir.

Elçin Salahov

YAP Kəlbəcər rayon təşkilatının məsləhətçisi

Paylaş:

Baxılıb: 161 dəfə