Azərbaycanın iqtisadi inkişaf konsepsiyasında yeni mərhələ

Bakı:

25 °C

36 %

1 m/s

Əlaqə

AZ RU EN

Ana səhifə / YAP xəbərləri / Azərbaycanın iqtisadi inkişaf konsepsiyasında yeni mərhələ

Azərbaycanın iqtisadi inkişaf konsepsiyasında yeni mərhələ

28.09.2026 [16:25]

Bakıda keçirilən II Azərbaycan Beynəlxalq İnvestisiya Forumu Azərbaycanın beynəlxalq investisiya əməkdaşlığının genişləndirilməsi, ölkənin iqtisadi potensialının təqdim olunması və yeni tərəfdaşlıqların qurulması baxımından mühüm əhəmiyyət daşıyıb. Forum çərçivəsində “Parçalanmış dünyada etimadın bərpası: Cənubi Qafqaz qlobal bağlantı və investisiya sabitliyinin dayağı kimi” mövzusunda tədbir keçirilib. Azərbaycan Respublikasının Prezidenti cənab İlham Əliyev tədbirdə iştirak edib və bir sıra suallara aydınlıq gətirib.

Cənab Prezident çıxışında Azərbaycanın iqtisadiyyatının şaxələndirilməsi istiqamətində görülən işlərə xüsusi diqqət yetirilib. Qeyri-neft sektorunun iqtisadi artımın əsas hərəkətverici qüvvələrindən birinə çevrildiyi vurğulanıb. 2020-ci ildən etibarən qeyri-neft sektorunda real ÜDM artımının orta hesabla illik 5 faiz təşkil etdiyi, qeyri-neft sənayesinin 1,5 dəfə, qeyri-neft ixracının isə təxminən iki dəfə artdığı bildirilib. 2025-ci ildə qeyri-neft sektorunun ÜDM-də payının 72 faizə çatması da iqtisadi şaxələndirmə siyasətinin nəticələrindən biri kimi qeyd olunub.

Çıxışda enerji sahəsində əməkdaşlığın yeni istiqamətləri də diqqət mərkəzində olub. Ənənəvi enerji resursları ilə yanaşı, bərpaolunan enerji mənbələrinin inkişafı, yaşıl enerji dəhlizlərinin yaradılması və enerji ixracının coğrafiyasının genişləndirilməsi Azərbaycanın qarşıdakı dövr üçün əsas prioritetləri sırasında göstərilib. Bununla yanaşı, emal sənayesi, nəqliyyat və logistika, rəqəmsal texnologiyalar, süni intellekt, kənd təsərrüfatı, turizm və digər yüksək əlavə dəyər yaradan sahələrdə də investisiya imkanlarının mövcud olduğu vurğulanıb.

Möhtərəm Prezident investisiyalara yanaşmanın yalnız kapital cəlb etməklə məhdudlaşmadığını bildirib. Texnologiya, innovasiya, təcrübə və yeni bazarlara çıxış imkanlarının Azərbaycan iqtisadiyyatının modernləşdirilməsi baxımından xüsusi əhəmiyyət daşıdığı qeyd olunub. Sənaye parkları, Ələt Azad İqtisadi Zonası, müasir infrastruktur və dövlət-özəl tərəfdaşlığı mexanizmləri investorlar üçün yeni imkanlar yaradan əsas vasitələr kimi diqqətə çatdırılıb.

Forum çərçivəsində beynəlxalq investorlar və tərəfdaş şirkətlərlə ümumi dəyəri 10,8 milyard ABŞ dolları olan investisiya layihələrini əhatə edən 23 sənədin imzalanması da tədbirin iqtisadi əhəmiyyətini göstərib. Bu sənədlərin müxtəlif sahələri əhatə etməsi Azərbaycanın investisiya əməkdaşlığının şaxələndirilməsi istiqamətində mühüm addımlar atdığını nümayiş etdirir.

Ümumilikdə, cənab Prezident İlham Əliyevin II Azərbaycan Beynəlxalq İnvestisiya Forumu çərçivəsində keçirilən tədbirdə çıxışı Azərbaycanın iqtisadi inkişaf strategiyasının əsas istiqamətlərini, investisiya siyasətinin prioritetlərini və ölkənin regional iqtisadi əlaqələrdə artan rolunu diqqətə çatdırıb. Forum yeni investisiya layihələrinin həyata keçirilməsi, beynəlxalq tərəfdaşlıqların genişləndirilməsi və qeyri-neft sektorunun inkişafına əlavə imkanların yaradılması baxımından mühüm platforma kimi qiymətləndirilə bilər.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 139 dəfə