Dostluq münasibətlərinin qorunması

Bakı:

23 °C

73 %

13 m/s

Əlaqə

AZ RU EN

Ana səhifə / YAP xəbərləri / Dostluq münasibətlərinin qorunması

Dostluq münasibətlərinin qorunması

19.10.2026 [12:23]

Elməddin Abbasov

YAP Ağdam rayon təşkilatının əməkdaşı

Laosun Azərbaycan üçün dost ölkə kimi xarakterizə edilməsi dövlətlər arasında münasibətlərin qarşılıqlı hörmət və etimada əsaslandığını ifadə edir. Dostluq münasibətlərinin qorunması yalnız rəsmi görüşlər və sənədlərlə məhdudlaşmır. Bu münasibətlər ardıcıl siyasi dialoq, qarşılıqlı maraqların nəzərə alınması və əldə olunmuş razılaşmaların həyata keçirilməsi ilə möhkəmlənir. Birgə Bəyannamədə müəyyənləşdirilən istiqamətlərin əməli addımlarla dəstəklənməsi də sənədin əhəmiyyətini artıran əsas amillərdəndir. Çünki hər hansı razılaşmanın real dəyəri onun ikitərəfli münasibətlərin inkişafına verdiyi töhfə ilə ölçülür. Azərbaycanın xarici siyasətində müxtəlif regionlarla əlaqələrin genişləndirilməsi, yeni tərəfdaşların müəyyənləşdirilməsi və mövcud münasibətlərin möhkəmləndirilməsi mühüm yer tutur. Bu siyasət ölkəmizin beynəlxalq əməkdaşlıq imkanlarını artırmaqla yanaşı, iqtisadi və siyasi maraqlarının daha geniş coğrafiyada təmin olunmasına xidmət edir.

Oktyabrın 13-də Laos Xalq Demokratik Respublikasının Prezidenti Thonqlun Sisulitin ölkəmizə rəsmi səfəri və Prezident İlham Əliyevin səfər çərçivəsində mətbuata verdiyi bəyanat ikitərəfli münasibətlərin gələcək inkişafı baxımından əlamətdar hadisə oldu. Laos Prezidentinin Azərbaycana ilk rəsmi səfəri siyasi dialoqun genişləndirilməsi ilə yanaşı, iqtisadi və humanitar əməkdaşlığın yeni istiqamətlərinin müəyyənləşdirilməsi üçün də mühüm imkanlar yaratdı. Prezident İlham Əliyev iki ölkə arasında diplomatik münasibətlərin 30 ildən artıq tarixə malik olduğunu, əlaqələrin qarşılıqlı hörmət və beynəlxalq platformalarda əməkdaşlıq prinsipləri əsasında inkişaf etdiyini vurğuladı. Dövlət başçısının bəyanatında səsləndirilən fikirlər göstərdi ki, Azərbaycan mövcud siyasi münasibətləri konkret iqtisadi nəticələrlə möhkəmləndirməkdə maraqlıdır.

Görüş zamanı iqtisadi əməkdaşlığın genişləndirilməsi, qarşılıqlı investisiyaların təşviqi, kənd təsərrüfatı, energetika və nəqliyyat sahələrində imkanların araşdırılması diqqət mərkəzində oldu. Hazırkı ticarət dövriyyəsinin iki ölkənin potensialını tam əks etdirmədiyini bildirən Prezident İlham Əliyev bu sahədə yeni imkanların mövcudluğuna diqqət çəkdi. Bakıda Azərbaycan-Laos biznes-forumunun keçirilməsi də işgüzar dairələr arasında birbaşa əlaqələrin qurulması və perspektivli layihələrin müəyyənləşdirilməsi baxımından əhəmiyyətlidir. Digər tərəfdən, Azərbaycanın əlverişli coğrafi mövqeyi və beynəlxalq nəqliyyat dəhlizlərinin inkişafına verdiyi töhfə Laosla logistika sahəsində əməkdaşlıq üçün də yeni perspektivlər aça bilər. Bütün bunlarla yanaşı, humanitar əlaqələrin genişləndirilməsi də ikitərəfli münasibətlərin mühüm istiqamətlərindəndir. Vaxtilə Azərbaycanda iki mindən çox laoslu tələbənin təhsil alması xalqlarımız arasında formalaşmış əlaqələrin tarixi əsaslarını göstərir. Təhsil sahəsində yeni təşəbbüslərin həyata keçirilməsi, tələbə mübadiləsinin təşviqi və təqaüd imkanlarının yaradılması bu ənənənin davam etdirilməsinə xidmət edə bilər.

Paylaş:

Baxılıb: 14 dəfə

Xəbər lenti

Hamısına bax

Azərbaycandan ixrac olunan təbii qazın həcmi açıqlanıb

19 Oktyabr 14:11