Zəngilan şəhərində Azərbaycan bayrağının ucaldılması – dövlət suverenliyimizin və milli qürurumuzun təntənəsi

Bakı:

20 °C

88 %

11 m/s

AZ RU EN

Ana səhifə / YAP xəbərləri / Zəngilan şəhərində Azərbaycan bayrağının ucaldılması – dövlət suverenliyimizin və milli qürurumuzun təntənəsi

Zəngilan şəhərində Azərbaycan bayrağının ucaldılması – dövlət suverenliyimizin və milli qürurumuzun təntənəsi

19.10.2026 [18:21]

Azərbaycan tarixində elə hadisələr var ki, onların əhəmiyyəti yalnız baş verdiyi günlə məhdudlaşmır, xalqın yaddaşında və dövlətçilik tarixində əbədi iz qoyur. Zəngilan şəhərində Azərbaycan bayrağının ucaldılması da bu baxımdan xüsusi əhəmiyyət kəsb edən, xalqımızın azadlıq iradəsini, milli birliyini və ərazi bütövlüyünə bağlılığını əks etdirən tarixi hadisələrdən biridir.

2020-ci il oktyabrın 20-də Müzəffər Ali Baş Komandan İlham Əliyevin rəhbərliyi ilə Azərbaycan Ordusu Zəngilan şəhərini işğaldan azad etdi. Bu hadisə Vətən müharibəsinin gedişində əldə olunan mühüm zəfərlərdən biri kimi tarixə düşdü. Uzun illər doğma yurdlarından ayrı düşmüş zəngilanlıların qayıdış ümidi gerçəyə çevrildi, şəhərdə üçrəngli Azərbaycan bayrağının dalğalanması isə milli iradəmizin və dövlət suverenliyimizin rəmzinə çevrildi.

Azərbaycan bayrağı xalqımızın azadlıq mübarizəsini, müstəqilliyə olan sevgisini və milli kimliyini özündə birləşdirir. Mavi, qırmızı və yaşıl rənglərdən ibarət bayrağımız dövlətimizin müstəqilliyini, milli-mənəvi dəyərlərimizi və müasir inkişaf yolumuzu ifadə edir. Zəngilanda bayrağımızın ucaldılması bu müqəddəs rəmzin doğma torpaqlarımızda yenidən qürurla dalğalanmasının təcəssümü oldu. Bu, həm də Azərbaycan xalqının öz torpaqlarına sahib çıxmaq əzminin, milli həmrəyliyinin və tarixi ədalətin bərpasına olan inamının bariz göstəricisidir.

Şəhərdə Azərbaycan bayrağının ucaldılması xalqımıza böyük sevinc və qürur yaşatdı. Hərbçilərimizin müqəddəs bayrağımızın Zəngilanda dalğalandığını Ali Baş Komandana məruzə etməsi xalqımızın yaddaşına əbədi həkk olundu. Bu hadisə Vətən müharibəsində Azərbaycan Ordusunun göstərdiyi qəhrəmanlığın və qazanılan şanlı qələbənin əsas rəmzlərindən birinə çevrildi.

Bayrağımızın Zəngilanda ucaldılması təkcə hərbi uğur deyil, həm də tarixi torpaqlarımıza qayıdışın, milli qürurun və dövlətimizin gücünün təcəssümüdür. Hər bir azərbaycanlı üçün doğma torpaqlarımızda üçrəngli bayrağımızın dalğalanması müstəqilliyimizin və suverenliyimizin nə qədər dəyərli olduğunu bir daha nümayiş etdirir. Bu qələbə xalqımızın çətinliklər qarşısında sarsılmadığını, milli birliyini qoruduğunu və qarşıya qoyduğu ali məqsədlərə çatmaq əzmini göstərdi.

Bu gün Zəngilanda həyata keçirilən genişmiqyaslı bərpa və quruculuq işləri, doğma yurdlarına qayıdan sakinlərin həyatının yenidən qurulması həmin tarixi qələbənin məntiqi davamıdır. İşğaldan azad edilmiş ərazilərimizdə yeni yaşayış məntəqələrinin, yolların, sosial obyektlərin və müasir infrastrukturun yaradılması Azərbaycanın gələcəyə yönəlmiş inkişaf strategiyasını əks etdirir. Zəngilanın yenidən qurulması şəhərin əvvəlki həyatına qayıtması ilə yanaşı, Qarabağ və Şərqi Zəngəzurda yeni inkişaf mərhələsinin başlanğıcıdır.

Zəngilanda Azərbaycan bayrağının dalğalanması sarsılmaz iradəmizin və milli birliyimizin parlaq nümunəsidir. Bu tarixi hadisə gələcək nəsillərə Vətən sevgisinin, torpağa bağlılığın və dövlətçilik ənənələrinə sədaqətin əhəmiyyətini aşılayır. Azərbaycan Ordusunun Zəngilanın azadlığı uğrunda göstərdiyi qəhrəmanlıq heç vaxt unudulmayacaq. Bu qələbə şəhidlərimizin əziz xatirəsinə ehtiramın, qazilərimizin fədakarlığının və xalqımızın mübarizə əzminin təcəssümüdür. Doğma torpaqlarımızda üçrəngli bayrağımızın dalğalanması Azərbaycanın ərazi bütövlüyünün və dövlət suverenliyinin rəmzi kimi xalqımızın yaddaşında daim qürur və iftixar hissi ilə yaşayacak.

Zəngilan şəhərində ucalan Azərbaycan bayrağı bu gün də xalqımızın birliyini, mübarizə ruhunu və dövlət müstəqilliyinə sədaqətini ifadə edir. Bu bayraq şəhidlərimizin qanı bahasına qazanılmış Zəfərin, əsgərlərimizin qəhrəmanlığının və gələcək nəsillərə ötürüləcək milli dəyərlərimizin rəmzidir. Zəngilanın azadlığı və bayrağımızın burada dalğalanması Azərbaycan tarixinin şanlı və unudulmaz səhifələrindən biri kimi daim xatırlanacaq.

Asiman Babayev

YAP Şahbuz rayon təşkilatının məsləhətçisi

Paylaş:

Baxılıb: 5 dəfə

Xəbər lenti

Hamısına bax