YAP-ın sıralarına yeni daxil olanlara üzvlük vəsiqələri təqdim edilib

Bakı:

18 °C

88 %

2 m/s

Əlaqə

AZ RU EN

Ana səhifə / YAP xəbərləri / YAP-ın sıralarına yeni daxil olanlara üzvlük vəsiqələri təqdim edilib

YAP-ın sıralarına yeni daxil olanlara üzvlük vəsiqələri təqdim edilib

14.01.2015 [09:39]

Yeni Azərbaycan Partiyası (YAP) Yasamal rayon “Neftqazelmitədqiqatlayihə” İnstitutu ərazi ilk partiya təşkilatında YAP-ın sıralarına yeni qəbul olunmuş 21 nəfərə üzvlük vəsiqəsi təqdim edilib.
Bununla bağlı keçirilən tədbirdə ərazi ilk partiya təşkilatının sədri Xıdır İbrahimov 22 ildən artıq dövrdə ölkəmizin əldə etdiyi uğurlardan, Yeni Azərbaycan Partiyasının bu inkişafa, tərəqqiyə töhfələrindən danışıb. Bildirib ki, dövlətə, xalqa xidməti fəaliyyətinin önündə saxlayan Yeni Azərbaycan Partiyasının sıraları gündən-günə genişlənir. Bugünkü tədbir də bunun bariz nümunəsidir.
YAP Yasamal rayon təşkilatının Şura üzvü, “Neftqazelmitədqiqatlayihə” İnstitutunun direktoru Fəxrəddin İsmayılov deyib ki, ötən 21 ildən artıq dövr tərəqqi, inkişaf və yüksəliş ili, Azərbaycanın möhkəmlənməsi, dünyada öz rolunu artırması, eyni zamanda, YAP-ın qüdrətlənməsi, möhtəşəm siyasi təşkilata çevrilməsi ili kimi xarakterizə olunur. YAP yaranandan cəmi 7 ay sonra partiyanın yaradıcısı, Ümummilli lider Heydər Əliyev xalqın təkidli tələbi ilə hakimiyyətə qayıtdı. Xalqımızın Ulu öndərə, Onun yaratdığı partiyaya bağladığı ümidlər ardıcıl olaraq həyata keçirilməyə başlandı. Partiyanın keçdiyi inkişaf yolu onun yaradıcısı Ulu öndər Heydər Əliyevin ideyalarına sədaqət örnəyidir. Ötən müddət ərzində YAP daim qalib olub, hər bir sınaqdan, çətinliklərdən uğurla çıxıb və özünü Azərbaycan xalqına qaliblər partiyası kimi təqdim edib. Bu gün partiyanın sıralarında 640 mindən artıq üzvün birləşməsi Ulu öndər Heydər Əliyev ideyalarına sədaqətin, Prezident İlham Əliyevin həyata keçirdiyi siyasətə inamın göstəricisidir.
YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə tədbirdə çıxış edərək deyib: “Bu gün böyük inam və fəxr hissi ilə qeyd edirik ki, güclü, qüdrətli Azərbaycan hər birimizin qürur mənbəyidir. Azərbaycanın dünəninə, bu gününə və sabahına işıq salan Ulu öndər Heydər Əliyev ideyalarının həyata keçirilməsi istiqamətində partiyanın hər bir üzvü ciddi səylər göstərir. Yarandığı vaxtdan partiya azərbaycançılıq və dövlətçilik mövqeyində duraraq öz proqram prinsiplərinə uyğun demokratik dəyərlərin, siyasətdə sivil mübarizə üsullarının təməlini qoydu”.
Qeyd edilib ki, güclü lideri, mükəmməl proqramı və siyasi platforması, qətiyyətli mövqeyi sayəsində YAP qısa zamanda ümumxalq partiyasına çevrildi. Bu gün Prezident İlham Əliyevin rəhbərliyi ilə daha da inkişaf edən partiya nəinki ölkənin, bölgənin aparıcı siyasi təşkilatına çevrilib.
Diqqətə çatdırılıb ki, YAP sıralarında gənclər çoxluq təşkil edir. Bu isə onu göstərir ki, Azərbaycan gəncləri partiyaya, onun yaradıcısı Ulu öndər Heydər Əliyevin ideyalarına sıx bağlıdır, onlar Prezident İlham Əliyevin ətrafında sıx birləşərək gələcəyə böyük inamla irəliləyirlər.
Tədbirin sonunda YAP sıralarına yeni qəbul olunmuş üzvlərə partiya vəsiqələri təqdim edilib. Yeni üzvlər birmənalı olaraq bildiriblər ki, bu gün onların həyatında çox əlamətdar bir hadisə kimi qalacaq. İnkişaf və müasirlik partiyası olan YAP-ın üzvü olmaq böyük məsuliyyət və şərəfdir.

Paylaş:

Baxılıb: 1288 dəfə