YAP Qaradağ rayon təşkilatı Ulu öndər Heydər Əliyevin anadan olmasının 92-ci ildönümü ilə əlaqədar tədbir keçirib

Bakı:

26 °C

50 %

3 m/s

AZ RU EN

Ana səhifə / YAP xəbərləri / YAP Qaradağ rayon təşkilatı Ulu öndər Heydər Əliyevin anadan olmasının 92-ci ildönümü ilə əlaqədar tədbir keçirib

YAP Qaradağ rayon təşkilatı Ulu öndər Heydər Əliyevin anadan olmasının 92-ci ildönümü ilə əlaqədar tədbir keçirib

06.05.2015 [10:06]

Dünən Yeni Azərbaycan Partiyası (YAP) Qaradağ rayon təşkilatı Azərbaycan xalqının Ümummilli lideri Heydər Əliyevin anadan olmasının 92-ci ildönümü ilə əlaqədar tədbir keçirib. Tədbirdə YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov, YAP Siyasi Şurasının üzvü, partiyanın Siyasi təhlil və proqnozlaşdırma şöbəsinin müdiri, millət vəkili Aydın Mirzəzadə, “SƏS” Media Qrupun rəhbəri Bəhruz Quliyev və partiyanın rayon təşkilatının fəalları iştitak ediblər.
Tədbiri YAP Qaradağ rayon təşkilatının sədri Aydın Hüseynov açaraq bildirib ki, Ulu öndər Heydər Əliyev Azərbaycan xalqı və dövlətimiz qarşısında misilsiz xidmətlər göstərib: “Ulu öndər Heydər Əliyevin hələ Sovet İttifaqı dövründə ölkəmizə rəhbərlik etdiyi 13 ildə Azərbaycanın inkişafı naminə gördüyü işlər, müstəqillik qazandıqdan sonra isə Azərbaycan dövlətçiliyinin xilası və müstəqilliyimizin əbədiliyini təmin etmək üçün reallaşdırdığı qlobal miqyaslı layihələr məhz ölkəmizin tərəqqisini təmin edib. Bu inkişafı xalqımızın hər bir nümayəndəsi görür, dərk edir və alqışlayır. Ümummilli liderimiz müstəqil dövlətin əsl mənada qurulması, onun iqtisadi, hərbi, mədəni potensiallarının hərəkətə gətirilməsi üçün vacib şərt olan sabitlik yaratdı”.
A.Hüseynov deyib ki, bu gün Ulu öndər tərəfindən əsası qoyulan siyasi kurs Prezident İlham Əliyev tərəfindən uğurla və müasir dövrün tələblərinə uyğun davam etdirilir. Bu isə nəticə etibarilə Azərbaycanın həm sürətli inkişafını, həm də beynəlxalq mövqelərinin daha da gücləndirilməsini təmin edib.
Çıxış edən millət vəkili Aydın Mirzəzadə qeyd edib ki, Heydər Əliyev dühasının, əzəmətinin qeyri-adiliyi onda idi ki, O, dağılmaq, parçalanmaq həddində olan Azərbaycanı, çökməkdə olan dövlətçiliyimizi qorudu, cilaladı, möhkəmləndirdi, əzəmətə gətirdi: “Ulu öndər Heydər Əliyev ölkəni təhdid edən vətəndaş müharibəsinin, qardaş qırğınının qarşısını aldı. Azərbaycan inkişaf edir və inkişaf etdikcə dünya birliyində layiqli yerini tutur. Sadalanan fikirlər Heydər Əliyev faktorunun sübutudur. Beləliklə, Ulu öndərin əsasını qoyduğu inkişaf siyasəti nəticəsində bu gün Azərbaycan çiçəklənən və qüdrətlənən bir ölkəyə çevrilib. Bu gün iftixar hissi ilə qeyd edə bilərik ki, Heydər Əliyev siyasəti Onun layiqli davamçısı Prezident İlham Əliyev tərəfindən uğurla davam etdirilir. Bu siyasət nəticəsində Azərbaycan dünyanın ən öncül dövlətləri sırasında yerini alıb”.
Daha sonra çıxış edən “SƏS” Media Qrupun rəhbəri Bəhruz Quliyev deyib ki, Azərbaycanın əldə etdiyi iqtisadi uğurların, milli-mənəvi dəyərlərimizin qorunmasının və inkişaf etdirilməsinin, çoxşaxəli inkişafının əsasında Heydər Əliyev zəkasından, müdrikliyindən bəhrələnən düşünülmüş siyasət dayanır: “Azərbaycanın dünya birliyinə qətiyyətli inteqrasiyası bir daha göstərir ki, dövlətimizin inkişaf strategiyasını uzaqgörən siyasəti ilə müəyyənləşdirən Heydər Əliyev dühası, zəkası neçə-neçə on illər üçün hesablanmışdır. Həmin ideyaların reallaşması dahi siyasətçinin dövlətçilik təcrübəsinin, uzaqgörən siyasətinin nəticəsidir. Bu baxımdan, Azərbaycan xalqı özünü xoşbəxt hesab edə bilər. Tarixdə barmaqla sayıla biləcək qədər dövlət başçısı tapılar ki, Heydər Əliyev kimi Liderlik adını, xalqının dəstək və etimadını qazansın”.
Digər çıxış edən tədbir iştirakçıları da Ulu öndər Heydər Əliyevin Azərbaycan dövlətçiliyi və xalqımız qarşısındakı misilsiz xidmətlərindən, Ümummilli liderin əsasını qoyduğu siyasi kursun bu gün uğurla davam etdirilməsi nəticəsində Azərbaycanın qüdrətli dövlətə çevrilməsindən danışıblar.

Paylaş:

Baxılıb: 995 dəfə