Yusif Babanlı: Xocalı, Ağdaban, Bağanis Ayrım, Qaradağlı qırğınları, qətliamları və sair azərbaycanlıların başına gətirilməyibmi?

Bakı:

17 °C

67 %

5 m/s

AZ RU EN

Ana səhifə / YAP xəbərləri / Yusif Babanlı: Xocalı, Ağdaban, Bağanis Ayrım, Qaradağlı qırğınları, qətliamları və sair azərbaycanlıların başına gətirilməyibmi?

Yusif Babanlı: Xocalı, Ağdaban, Bağanis Ayrım, Qaradağlı qırğınları, qətliamları və sair azərbaycanlıların başına gətirilməyibmi?

18.09.2015 [10:03]

“Avropa Parlamentinin Azərbaycanla bağlı qətnaməsi çox əsassız, çox yersiz və çox qərəzlidir. Bu, qətnamə deyil, əslində heç bir dəyəri olmayan kağız parçasıdır”. Bunu “Gün.Az”-a açıqlamasında Azərbaycan Dövlət Bədən Tərbiyəsi və İdman Akademiyasının prorektoru, YAP Gənclər Birliyinin İdarə Heyətinin üzvü Yusif Babanlı deyib.
Onun sözlərinə görə, bu “qətnamə”ni “hazırlayıb” qəbul edənlərin niyyətləri çox məkrlidir və əslində, onların Azərbaycan, onun inkişafı haqda təsəvvürləri belə yoxdur, yaxud varsa da, hər zaman hər bir məsələyə qara eynəklə, bəd niyyətlərlə baxmağa çalışırlar.
O deyib ki, xüsusilə “Eurovision-2012” mahnı müsabiqəsi və birinci Avropa Oyunları zamanı başda Avroparlament olmaqla anti-azərbaycançı, ermənipərəst qüvvələrin və dairələrin bu bəd, məkrli niyyətlərinin, anti-Azərbaycan əməllərinin açıq-aşkar şahidi olmuşuq: “Bu qüvvələr və dairələr anlamırlar ki, Azərbaycanı heç kim, heç bir qüvvə öz yolundan, öz titanik və dinamik inkişaf yolundan döndərə bilməz. Ölkə Prezidenti İlham Əliyevin rəhbərliyi ilə atılan mühüm addımlar, həmçinin Heydər Əliyev Fondunun prezidenti, ölkənin birinci xanımı Mehriban Əliyevanın yüksək təşkilatçılıq bacarığı nəticəsində baş tutan istər “Eurovision-2012” mahnı müsabiqəsi, istərsə də birinci Avropa Oyunları yüksək səviyyəli təşkilinə, keçirilməsinə görə, əslində, bu qüvvələrə və dairələrə növbəti layiqli bir cavab idi. Onlar heç olmasa, bundan nəticə çıxarmalı, ibrət götürməliydilər. Amma təəssüf ki, yenə belə olmadı...”.
Y.Babanlı əlavə edib ki, bu gün dünya ölkələri sırasında öz layiqli yerini tutan Azərbaycanda sosial-iqtisadi, siyasi, mədəni, bir sözlə, bütün sahələrdə əldə edilən yüksək göstəricilər dövlətimizin qüdrətini daha da artırmaqdadır: “Azərbaycan etnik separatizmdən əziyyət çəkən, əraziləri işğal altında olan, doğma torpağından qovularaq öz ölkəsində məcburi köçkün statusu qazanmış insanların yaşadığı ölkə deyilmi? Xocalı soyqırımı kimi insanlıq və bəşəriyyət əleyhinə cinayət olan hadisə azərbaycanlıların başına gəlməyibmi? Ağdaban, Bağanıs Ayrım, Qaradağlı, Meşəli, Cəmilli qırğınları, qətliamları və sair azərbaycanlıların başına gətirilməyibmi? Bu cinayəti törədənlərin kimliyi hamıya, o cümlədən beynəlxalq təşkilatlara, Qərb dövlətlərinə məlum deyilmi? Nəhayət, Ermənistan-Azərbaycan, Dağlıq Qarabağ münaqişəsinin həlli üçün yaradılan ATƏT-in Minsk qrupunun həmsədri olan ölkələr birbaşa öz üzərlərinə götürmüş olduqları öhdəliyi - konfliktin həlli vəzifəsini nə üçün yerinə yetirmirlər?”.

Paylaş:

Baxılıb: 854 dəfə