Ölkəmizdə YAP-la rəqabət apara biləcək ikinci bir siyasi qüvvə yoxdur

Bakı:

23 °C

51 %

3 m/s

Əlaqə

AZ RU EN

Ana səhifə / YAP xəbərləri / Ölkəmizdə YAP-la rəqabət apara biləcək ikinci bir siyasi qüvvə yoxdur

Ölkəmizdə YAP-la rəqabət apara biləcək ikinci bir siyasi qüvvə yoxdur

24.10.2015 [12:00]

YAP-ın 97 saylı Goranboy-Ağdam-Tərtər Seçki Dairəsindən deputatlığa namizədi Ağalar Vəliyev Tərtər rayonunun Sarov kəndində seçicilərlə görüşüb
Yeni Azərbaycan Partiyası (YAP) təbliğat-təşviqat kampaniyasını uğurla davam etdirir. Kampaniya çərçivəsində partiya tərəfindən YAP-ın 97 saylı Goranboy-Ağdam-Tərtər Seçki Dairəsindən deputatlığa namizədi Ağalar Vəliyevin Tərtər rayonunun Sarov kəndində seçicilərlə görüşü keçirilib.
Görüşü giriş sözü ilə açan YAP Tərtər rayon təşkilatının sədri Ramiz Şabanov ölkə Prezidenti, YAP-ın Sədri İlham Əliyevin rəhbərliyi ilə Azərbaycan xalqının sosial-rifah halının daha da yaxşılaşdırılması istiqamətində yürüdülən siyasətin uğurlarından danışıb.
Çıxışında həmçinin noyabrın 1-də keçiriləcək növbəti parlament seçkiləri barədə də danışan Ramiz Şabanov bildirib ki, bu seçkilərdə də tərtərlilərin YAP-ın namizədini dəstəkləyəcəyinə kimsə şübhə etmir: “Bu gün hər bir sektorda inkişaf müşahidə olunur ki, bunun da əsasında YAP Sədri, ölkə Prezidenti İlham Əliyevin rəhbərliyi ilə həyata keçirilən iqtisadi siyasət dayanır. Eyni zamanda, bu quruculuq siyasətinin həyata keçirilməsində YAP özünəməxsus rol oynayıb”.
O qeyd edib ki, YAP yarandığı gündən müstəqil Azərbaycanın qüdrətlənməsi üçün ardıcıl siyasət yeritdiyindən ümumxalq partiyasına çevrilib, bu mənada onunla rəqabət apara biləcək ikinci bir siyasi qüvvə yoxdur.
Daha sonra Ağalar Vəliyevin vəkilləri Rəxşəndə Abdullayeva və Nigar Əliyeva onun tərcümeyi-halı və əmək fəaliyyəti barədə geniş məlumat veriblər. Vəkillər Ağalar Vəliyevin ölkədə və ölkədən xaricdə tanınan insanlardan olduğunu vurğulayaraq, namizədin regionda görülən tikinti-quruculuq və abadlıq işlərində yaxından iştirak etdiyini diqqətə çatdırıblar. Onlar tərtərli seçiciləri 1 noyabr parlament seçkilərində Yeni Azərbaycan Partiyasının namizədinə səs verməyə çağırıblar.
Seçicilər qarşısında çıxış edən deputatlığa namizəd deyib ki, son illər ərzində Prezident İlham Əliyevin rəhbərliyi ilə həyata keçirilən islahatlar nəticəsində ölkəmizin beynəlxalq aləmdəki nüfuzu daha da artıb: “Azərbaycan regionun lider dövləti olaraq, strateji məsələlərin həllində müstəqil və prinsipial mövqeyini ardıcıllıqla nümayiş etdirməkdədir. Təbii ki, əldə edilən bu uğurlarda Yeni Azərbaycan Partiyasının da payı var. Ümumiyyətlə, YAP Azərbaycan xalqının istək və arzularının ifadəçisi kimi çıxış edir”.
Öz növbəsində seçicilər Ağalar Vəliyevi bir layiqli vətəndaş kimi tanıdıqlarını qeyd edərək, seçki günü birmənalı olaraq onu dəstəkləyəcəklərini bildiriblər.
Sonda Ağalar Vəliyev kənd sakinlərini maraqlandıran sualları cavablandırıb.
Nadir AZƏRİ

Paylaş:

Baxılıb: 767 dəfə