YAP Qaradağ rayon təşkilatı namizədlər üçün treninq keçirib

Bakı:

25 °C

44 %

3 m/s

Əlaqə

AZ RU EN

Ana səhifə / YAP xəbərləri / YAP Qaradağ rayon təşkilatı namizədlər üçün treninq keçirib

YAP Qaradağ rayon təşkilatı namizədlər üçün treninq keçirib

21.11.2009 [08:49]

Aydın Hüseynov: Əvvəlki seçkilərlə müqayisədə budəfəki siyasi kampaniyada iştirak edən namizədlərin tərkibində qadınların, gənclərin və ali təhsillilərin sayı xeyli artıb
Yeni Azərbaycan Partiyası (YAP) Qaradağ rayon təşkilatının qərargahında bələdiyyə seçkilərində partiya tərəfindən irəli sürülmüş namizədlər üçün treninq keçirilib.
Treninqdə çıxış edən YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov ilk olaraq rayon təşkilatının bələdiyyə seçkilərinə hazırlıqlarla bağlı həyata keçirdiyi işlər barədə məlumat verib. O, bildirib ki, Yeni Azərbaycan Partiyasının üzvləri bu seçkilərdə də yüksək fəallıq göstərəcəklər: “YAP hər dəfə yenilənmiş, müasir tələblərə, çağırışlara cavab verən konsepsiyalarla çıxış edir. YAP regionda ən güclü partiyadır və bələdiyyə seçkilərində də kifayət qədər namizədlə iştirak edir”.
YAP-ın bələdiyyə seçkilərinə “Xalqa xidmət naminə” şüarı ilə getdiyini vurğulayan Aydın Hüseynov bildirib ki, partiyamız bu seçkilərdə qarşısına bir sıra məqsədlər də qoyub.
Azərbaycanın yerli özünüidarəetmə institutunun formalaşması istiqamətində xeyli təcrübə qazanıldığını xüsusi qeyd edən Aydın Hüseynov dekabrın 23-də keçiriləcək növbəti bələdiyyə seçkilərinin də cəmiyyətimizin həyatında mühüm hadisə olacağını vurğulayıb.
Aydın Hüseynov deyib ki, əvvəlki seçkilərlə müqayisədə budəfəki siyasi kampaniyada iştirak edən namizədlərin tərkibində qadınların, gənclərin və ali təhsillilərin sayı xeyli artıb: “Qaradağ rayonunda 11 bələdiyyə üzrə 115 namizəddən 37-si qadın, 39-u gənc, ümumilikdə 98 nəfəri isə ali təhsillidir. Əminəm ki, YAP-ın irəli sürdüyü namizədlər rayon əhalisinin böyük əksəriyyətinin etimadını qazanacaq və partiyamızın namizədlərinin çoxu bələdiyyələrdə təmsil olunmaq hüququ əldə edəcək”.
Tədbirdə iştirak edən YAP-ın bələdiyyə seçkilərində səlahiyyətli nümayəndələri, millət vəkilləri Mirkazım Kazımov və Nizami Xudiyev çıxış edərək bələdiyyə seçkilərilə əlaqədar Yeni Azərbaycan Partiyasının həyata keçirdiyi işlər, namizədlərin təbliğat-təşviqat kampaniyası zamanı seçicilərlə necə təmasda olması, seçicilərlə ünsiyyətin müxtəlif forma və metodları, habelə, digər məsələlər barədə ətraflı məlumat verib, namizədlərin suallarını cavablandırıblar.
Tədbiri yekunlaşdıran YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov namizədlərə uğurlar arzulayıb.
Ramil VƏLİBƏYOV

Paylaş:

Baxılıb: 1361 dəfə