Ənvər Haqverdiyev: Xalqın birliyi və Ali Baş Komandan İlham Əliyevə güclü dəstəyi düşməni vahiməyə salıb

Bakı:

24 °C

75 %

10 m/s

AZ RU EN

Ana səhifə / YAP xəbərləri / Ənvər Haqverdiyev: Xalqın birliyi və Ali Baş Komandan İlham Əliyevə güclü dəstəyi düşməni vahiməyə salıb

Ənvər Haqverdiyev: Xalqın birliyi və Ali Baş Komandan İlham Əliyevə güclü dəstəyi düşməni vahiməyə salıb

18.07.2020 [01:21]

“Azərbaycan mərd, igid oğullar, müdrik və uzaqgörən liderlər yetişdirən diyardır. Ermənilərin torpaqlarımıza qarşı iddiaları həmişə olub və biz hər zaman düşmən qarşısında yumruq kimi dayanmağı bacarmışıq”.

Bu fikirləri Yeni Azərbaycan Partiyası (YAP) Suraxanı rayon təşkilatının məsləhətçisi, fəal gənc Ənvər Haqverdiyev deyib.

Ə.Haqverdiyev bildirib ki, pandemiyaya qarşı beynəlxalq mübarizədə Prezidenti İlham Əliyevin və dövlətimizin böyük töhfələr verməsi düşmənləri bərk qıcıqlandırıb: “Belə ki, Azərbaycanın beynəlxalq nüfuzu artdıqca, onun sözü dünya birliyi tərəfindən daha çox qəbul edildikcə, Ermənistan aqressivləşir və öz təcavüzkar niyyətini daha da açıq nümayiş etdirir”.

Onun sözlərinə görə, ermənilərin təxribatı ilə bağlı ölkə əhalisinin müxtəlif təbəqələrindən olan minlərlə insanın, xüsusilə gənclərin Ali Baş Komandan İlham Əliyevə və ordumuza öz dəstəyini nümayiş etdirməsi düşməni vahiməyə salıb: “Azərbaycan xalqı nümayiş etdirdi ki, onun birliyini və bütövlüyünü nə daxili, nə də xarici düşmənlər poza bilməz. Azərbaycan gəncləri olaraq həmişə Vətənin azadlığı və bütövlüyü uğrunda mübarizə aparmış, heç bir tərəddüd etmədən döyüş meydanlarına atılmışıq. Bu gün ölkəmizin müxtəlif şəhər və rayonlarında gənclər Ali Baş Komandana müraciət məktubları yazır, dəstək verir və könüllü döyüşmək istəklərini ifadə edirlər”.

Orduya dəstək aksiyası zamanı bəzi təxribatçıların məkrli əməllərinə də toxunan Ə.Haqverdiyev deyib ki, onlar ordusu ilə qürur duyan, Prezidentinə dəstək nümayiş etdirmək üçün küçələrə çıxan ləyaqətli vətən oğullarının xoş niyyətlərinə kölgə salmağa cəhd ediblər: “Əfsuslar olsun ki, təxribatçı qruplar dövlətin ali qanunverici orqanına, onun əmlakına xəsarət yetiriblər. Lakin xalqımızın dəmir iradəsi, vətən və dövlət sevgisi bu təxribatçılara öz əməllərinə çatmağına imkan verməyib”.

“Bu gün cəmiyyətimizdə gənclərin yekdil fikri var: bütün təxribatları pisləyir və dövlət başçımızın apardığı siyasəti dəstəkləyirik. Azərbaycan gəncləri milli dəyərlərinə sahib çıxan, azərbaycançılıq məfkurəsi ilə yaşayan, öz Prezidentinin ətrafında monolit şəkildə birləşən yüz minlərin ordusudur”, - deyə Ə.Haqverdiyev bildirib.

Paylaş:

Baxılıb: 602 dəfə