YAP Gənclər Birliyinin “Onlayn yay düşərgəsi”nin dördüncü gününün növbəti videokonfrans formatında seminarı keçirilib

Bakı:

23 °C

59 %

1 m/s

AZ RU EN

Ana səhifə / YAP xəbərləri / YAP Gənclər Birliyinin “Onlayn yay düşərgəsi”nin dördüncü gününün növbəti videokonfrans formatında seminarı keçirilib

YAP Gənclər Birliyinin “Onlayn yay düşərgəsi”nin dördüncü gününün növbəti videokonfrans formatında seminarı keçirilib

24.07.2020 [09:06]

İyulun 16-dan 31-dək davam edəcək YAP Gənclər Birliyinin “Onlayn yay düşərgəsi”nin dördüncü gününün növbəti videokonfrans formatında seminarı baş tutub. 200-ə yaxın fəal gəncin iştirak etdiyi onlayn yay düşərgəsində “Qərbi Azərbaycan torpaqlarının tarixi və coğrafiyası” mövzusunda növbəti seminar keçirilib.
Videokonfransın moderatoru Milli Məclisin deputatı, YAP Gənclər Birliyinin sədr müavini Ramin Məmmədov yay düşərgəsinin iştirakçılarını salamlayıb, “Onlayn yay düşərgəsi” layihəsinin müxtəlif proqramlar çərçivəsində gənclərin təmsil olunmaları üçün ən yaxşı amil kimi dəyərləndirilə biləcəyini vurğulayıb. Belə ki, layihə proqramı çərçivəsində iştirakçı gənclərlə birlikdə Yeni Azərbaycan Partiyasının nüfuzlu nümayəndələri də seminarlarda iştirak edir, gənclərlə açıq diskussiyalar aparılır, onların dünyagörüşünün və bilik səviyyələrinin daha da genişləndirilməsi üçün məsləhət və tövsiyələrlə çıxışlar edilir.
Videokonfrans formatında keçən düşərgədə növbəti söz Milli Məclisin deputatı, Qərbi Azərbaycan üzrə tədqiqatçı alim Əziz Ələkbərliyə verilib. O, bu formatda yay düşərgəsinin keçirilməsini müsbət hesab etdiyini, belə onlayn seminarların ölkə gəncləri arasında sıx və səmimi münasibətin yaranmasına səbəb olacağını bildirib. Onun sözlərinə görə, bu gün ölkəmizdə gənclərə yüksək diqqət və qayğı mövcuddur. İctimai-siyasi proseslərdə fəal iştirak edən Azərbaycan gəncliyi müstəqil dövlətçilik ənənələrini yüksək tutur, həyatın bütün sferalarında aktiv fəaliyyəti ilə seçilir və siyasi, iqtisadi, humanitar, sosial tədbirlərin həyata keçirilməsində mühüm rol oynayır.
Deputat daha sonra “Qərbi Azərbaycan torpaqlarının tarixi və coğrafiyası” mövzusunda seminarla çıxış edib. Əziz Ələkbərli bildirib ki, Azərbaycan Prezidenti İlham Əliyevin tarixi faktlara, sənədlərə istinadən beynəlxalq tribunalardan səsləndirdiyi Azərbaycan həqiqətləri ermənilərin əsrlər boyu dünyaya yaydıqları tarixi yalanları hər gün bir az daha artıq ifşa etməkdədir: “Bu həqiqətlər sırasında son iki əsrdə Cənubi Qafqazda yeridilən erməniləşdirmə siyasəti nəticəsində bölgəyə və bölgə xalqlarına gətirilən çoxlu bəlalar, münaqişə, müharibə, deportasiya və soyqırımları xüsusi yer tutur.
1918-ci ildə Azərbaycan torpaqları hesabına Ararat Respublikası adı ilə tarixdə ilk dövlətlərini yaratmaq fürsəti əldə edən ermənilər dərhal öz əsl simalarını ortaya qoydular və onlara bu fürsəti verən region xalqlarına, ilk növbədə, ərazinin yerli sakinləri olan azərbaycanlılara qarşı kütləvi soyqırımı həyata keçirməyə, dinc əhalini qəddarlıqla və kütləvi şəkildə məhv etməyə başladılar. Sonra tarixi mənbələr saxtalaşdırıldı, bu ərazilərdə nə varsa hamısı mənimsənildi, abidələrimiz, toponimlərimiz erməniləşdirildi. Bu il iyunun 3-də Azərbaycan Prezidenti İlham Əliyev Tərtər Rayon Olimpiya İdman Kompleksinin açılışındakı çıxışında alimlərimizin diqqətini bir daha bu məsələlərə cəlb etdi ki, bu tarix ciddi şəkildə araşdırılsın, elmi əsərlər ortaya qoyulsun. Yeni Azərbaycan Partiyası da cənab Prezidentin bu çağırışına bir cavab olaraq “Qərbi Azərbaycanda soyqırımına məruz qalmış toponimlərimiz” kitabını nəşr etdirdi”.
Daha sonra onlayn düşərgədə iştirak edən gənclərdən Elnur Fərzəlizadə, Nurlan Şibliyev, Aygün Kazımova və Ələkbər Mirzəyevin sualları cavablandırılıb.
Qeyd edək ki, layihə çərçivəsində müxtəlif mövzularda məruzələr dinləniləcək.

Paylaş:

Baxılıb: 616 dəfə