Millət vəkili İlham Məmmədov Yevlaxda şəhid ailələri və qazilərlə görüşlər keçirib

Bakı:

12 °C

82 %

4 m/s

Əlaqə

AZ RU EN

Ana səhifə / YAP xəbərləri / Millət vəkili İlham Məmmədov Yevlaxda şəhid ailələri və qazilərlə görüşlər keçirib

Millət vəkili İlham Məmmədov Yevlaxda şəhid ailələri və qazilərlə görüşlər keçirib

15.01.2021 [09:37]

Azərbaycanın ərazi bütövlüyü uğrunda döyüşlərdə şəhidlik zirvəsinə ucalan qəhrəman Vətən oğullarının ailələri və döyüşlər zamanı yaralanan qazilər ölkənin hər yerində olduğu kimi Yevlaxda da diqqət mərkəzindədir. Belə ki, Yeni Azərbaycan Partiyası Yevlax rayon təşkilatının sədri, Milli Məclisin deputatı İlham Məmmədov Yevlax şəhərində, o cümlədən rayonun kəndlərində şəhid ailələri və qazilərlə silsilə görüşlər keçirib, onların problemləri ilə maraqlanıb.

Rayon təşkilatından verilən məlumata görə, millət vəkili bu günə kimi Yevlax rayonu Səmədabad kəndində Vətən müharibəsi şəhidi, polkovnik-leytenat Soltan Məmmədovun,Vətən müharibəsi qazisi Fəqan Məmmədovun, Çobankərə kəndində Vətən müharibəsi qazisi Yavər Həsənovun, Kolanı kəndində Vətən müharibəsi şəhidi Sənan Səmədlinin, Malbinəsi kəndində Vətən müharibəsi şəhidləri - Seymur Həsənlinin və Vüqar Bahadurzadənin, Yevlax şəhərində Vətən müharibəsi şəhidləri -mayor Toğrul Bərxudarovun və mayor Rəşad Budaqovun, həmçinin Elnur Şirinzadənin, Yusif Məmmədovun, Murad Ağazadənin, Emin Kazımovun, Nicat Quliyevin, Nicat Səfərovun, Cavid Təhməzovun, Yusif Yusifbəylinin, Vətən müharibəsi qaziləri- Elmir Mənsimovun və Yusif Ağaməmmədovun evlərini ziyarət edib. Görüşlərdə millət vəkili şəhidlərin valideyinlərinə başsağlığı verərək, onların övladlarının Vətən müharibəsində qəhrəmancasına döyüşərək, şəhid olduqlarını, igid qazilərin isə bu yolda öz sağlamlıqlarından keçdiklərini vurğulayıb. İlham Məmmədov qeyd edib ki, şəhid ailələrinin üzvləri və qazilər hər zaman olduğu kimi bu gündə cənab Prezident İlham Əliyevin, Birinci vitse-prezident Mehriban xanım Əliyevanın diqqət və qayğısı ilə əhatələnib: “Bu məqsədlə cənab Prezident tərəfindən “Yaşat” Fondunun yaradılması, bu kateqoriyadan olan şəxslər üçün nəzərdə tutulmuş aylıq müavinətlərin məbləğinin artırılması, Heydər Əliyev Fondunun şəhid ailələrinin və qazilərin qayğılarının həllində yaxından iştirakı dövlətin diqqət və qayğısının bariz nümunəsidir”.

Görüşlər zamanı millət vəkili həmçinin şəhid ailələrinin, qazilərin problemlərini dinləyib, yerində həll edilməsi mümkün olan məsələlərlə bağlı aidiyyatı qurumlara müraciət edib, diğər məsələlərlə bağlı isə qeydlər götürülərək həlli istiqamətində müraciətlər olunacağını bildirib.

Şəhid valideynləri və qazilər də öz növbəsində onlara göstərilən diqqət və qayğıya görə cənab Prezident İlham Əliyevə, Birinci vitse-prezident Mehriban xanım Əliyevaya minnətdar olduqlarını vurğulayıblar.

Paylaş:

Baxılıb: 785 dəfə