Heydər Əliyev
yeni azerbaycan logo

Ana səhifə / YAP xəbərləri / Göygöldə qazilər, veteranlar və müharibə iştirakçıları ilə görüş keçirilib

Göygöldə qazilər, veteranlar və müharibə iştirakçıları ilə görüş keçirilib

04.11.2021 [16:26]

Azərbaycan Dövlət İdarərələri və İctimai Xidmət İşçiləri Həmkarlar İttifaqı  (Dİ və İXİ Hİ) Respublika Komitəsinin, Yeni Azərbaycan Partiyası (YAP)  Göygöl rayon təşkilatının və Göygöl rayon Dövlət İdarələri və İctimai Xidmət İşçiləri  Həmkarlar İttifaqı Komitəsinin birgə təşkilatçılığı ilə  I və II Qarabağ müharibələrinin qaziləri, veteranları və  müharibə iştirakçıları ilə görüş keçirilib.

Tədbiri giriş sözü ilə açan Göygöl rayon Dİ və İXİ Hİ Respublika  Komitəsinin sədri Möhdəsim Səmədov Zəfər Gününün əhəmiyyətindən bəhs edib. Vətən müharibəsində Ali Baş Komandan İlham Əliyevin 44 gün ərzində Azərbaycan əsgəri ilə çiyin-çiyinə döyüşdüyünü, onunla bir yerdə olduğunu deyən M.Səmədov müzəffər ordumuzun torpaqlarımızın azadlığı uğrunda göstərdiyi şücaətin əsl qəhrəmanlıq salnaməsi olduğunu diqqətə çatdırıb.

Sonra çıxış edən Dİ və İXİ Hİ Respublika Komitəsinin sədr müavini Əbülfəz Mehtiyev vurğulayıb ki, tarix yazan qəhrəman əsgər və zabitlərimiz Azərbaycanın haqq uğrunda mübarizə aparmaq əzmini, əsl döyüş ruhunu bütün dünyaya nümayiş etdirdi: “Onların bir amalı var idi: Vətən torpağını işğaldan azad etmək. Onlar 30 illik həsrətə son qoydular. Müharibə zamanı Ali Baş Komandan xalqı birliyə çağırdı və xalq onun ətrafında sıx birləşdi. Beləliklə, xalq, dövlət və ordu birliyi yarandı”.

Daha sonra Göygöl rayon Dİ və İXİ Hİ  Komitəsinin YAP Göygöl rayon təşkilatı ilk həmkarlar təşkilatının sədri Zamir Hüseynov və Göygöl rayon Dİ və İXİ Hİ  Komitəsi təşkilatında ictimai əsaslarla xəzinədar işləyən Aygün Həsənova çıxış edərək bildiriblər ki, 8 Noyabr – Zəfər Günü ölkəmiz üçün şanlı bir səhifədir və onu tariximizə qızıl hərflərlə həkk edən Müzəffər Ali Baş Komandanın qətiyyəti olub.

Sonda qazilərlə, müharibə veteranları və müharibə iştirakçıları  ilə xatirə şəkli çəkdirilib, onlara qiymətli hədiyyələr təqdim edilib.

Paylaş
Baxılıb: 112 dəfə

Xəbər lenti

Hamısına bax

Məqsəd keyfiyyətdir

02 Dekabr 11:00

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31