Heydər Əliyev
yeni azerbaycan logo

Ana səhifə / YAP xəbərləri / YAP Xətai rayon ərazi partiya təşkilatlarının hesabat-seçki yığıncaqları davam edir

YAP Xətai rayon ərazi partiya təşkilatlarının hesabat-seçki yığıncaqları davam edir

14.12.2021 [17:27]

Dekabrın 14-də Yeni Azərbaycan Partiyası (YAP) Xətai rayon təşkilatı Sadıqcan küçəsi 23, Gəncə prospekti 81 A və Gəncə prospekti 99(453)  ünvanlarında yerləşən ərazi partiya təşkilatlarında hesabat-seçki yığıncaqlarını keçirib. Hesabat məruzələri dinlənilib, çıxışlar əsasında ərazi partiya təşkilatlarının hesabat dövründəki fəaliyyətləri dəyərləndirilib.

    Yığıncaqlarda Yeni Azərbaycan Partiyası (YAP) Xətai rayon təşkilatının sədri Vüqar Rəhimzadə müasir müstəqil Azərbaycanın əldə etdiyi uğurlardan danışaraq bildirib ki, bu gün ölkəmizin əldə etdiyi nailiyyətlərdə əhəmiyyətli rolu olan Yeni Azərbaycan Partiyası nəinki Azərbaycanda, eyni zamanda, bölgədə böyük siyasi qüvvəyə çevrilib. Bu gün qəbul olunan hər bir siyasi qərarın gələcək nəsillərin öyrənəcəyi tarix olduğunu vurğulayan V.Rəhimzadə diqqətə çatdırıb ki, əgər hazırda azad,  qüdrətli Azərbaycan varsa,  demək 30 il öncə xalqın qəbul etdiyi qərar doğru idi: “Azərbaycan xalqı hələ 1993-cü ildə öz taleyinə sahib çıxaraq Ulu Öndəri hakimiyyətə dəvət etdi və ölkəmizin sabitliyi də məhz ondan sonra başladı.  Bu gün də dünyada, regionda mürəkkəb hadisələr baş verir. Amma bütün bunlara rəğmən qalib, dünya hərb tarixinə adını qızıl hərflərlə yazan Azərbaycan daha da inkişaf edir. Ümumiyyətlə, iki amil dünyada həmişə qibtə yaradıb – güc və  intellekt. Bu gün Azərbaycan həm güclüdür, həm də ölkəmizdə intellektual cəmiyyət var. 2003-cü ildə Ulu Öndərin çağırışına səs verən Azərbaycan xalqının Heydər Əliyev ideyalarını, onun əsasını qoyduğu ənənələri uğurla davam etdirən Prezident İlham Əliyevə etimad göstərməsinin nə qədər doğru seçim olduğu inkişaf edən Azərbaycanın timsalında öz təsdiqini tapmaqdadır”.

     “Vətən savaşında qazanılan Qələbə Azərbaycanın müstəqillik və bütövlükdə dövlətçilik tarixinin ən mühüm hadisəsidir” söyləyən V.Rəhimzadə bildirib ki, torpaqlarımızın işğaldan azad edilməsi ilə yurd-yuvalardan didərgin düşmüş soydaşlarımızın ümidləri yenidən çiçək açdı: “Əzəli ata-baba torpaqlarından didərgin düşmüş vətəndaşlarımızın sınmış qürurları özünə qayıtdı. Bu Qələbə həm də onu göstərdi ki, dövlət başçısı İlham Əliyevin rəhbərliyi ilə Azərbaycan tarixinin ən qüdrətli dövrünü yaşayır. Bu gün hər birimiz Cənubi Qafqazın təkcə lideri deyil, həm də qalib dövlətinin vətəndaşı olmağımızla qürur duyuruq. Torpaqlarımızın 30 illik əsarətinə son qoyuldu. Mənəvi dəyəri yüksək olan Şuşaya Azərbaycanın üçrəngli əzəmətli bayrağı sancıldı. Bununla da Azərbaycan Cənubi Qafqazda iqtisadi, siyasi, hərbi baxımdan ən güclü ölkə olduğunun möhürünü vurdu”.

   Vüqar Rəhimzadə YAP Xətai rayon təşkilatının yeni reallıqlardan irəli gələn vəzifələrin uğurlu icrası istiqamətində bütün səylərini birləşdirdiyini vurğulayıb. 

  Sonra hesabat seçki-yığıncaqlarında təşkilati məsələlərə baxılıb. Qarat Qaratov Sadıqcan küçəsi 23 ünvanında yerləşən  ərazi partiya təşkilatının sədri, Nazilə Ağapaşayeva sədr müavini, Mehriban Mustafayeva Gəncə prospekti 81 A ünvanında yerləşən ərazi partiya təşkilatının sədri, Fərqanə Qəmbərova sədr müavini, Aliyə Kərimova Gəncə prospekti 99(453) ünvanında yerləşən ərazi partiya təşkilatının sədri, Sevinc Nəzərova isə sədr müavini seçiliblər.

YAP Xətai rayon təşkilatının sədri Vüqar Rəhimzadə yeni tərkiblərə fəaliyyətlərində uğurlar arzulayıb.

Paylaş
Baxılıb: 168 dəfə

Xəbər lenti

Hamısına bax

Gündəm

Xəbər lenti

YAP xəbərləri

Xəbər lenti

Sabah qar yağacaq

26 Yanvar 13:40

Sosial

İqtisadiyyat

Neft ucuzlaşıb

26 Yanvar 10:24

Müsahibə

MEDİA

Gündəm

Sosial

Müsahibə

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31