Heydər Əliyev yeni azerbaycan logo

Ana səhifə / YAP xəbərləri / Naftalanda iftar süfrəsi açılıb

Naftalanda iftar süfrəsi açılıb

23.04.2022 [14:18]

​Naftalan Şəhər İcra Hakimiyyətinin təşəbbüsü və “Gold Naftalan” Müalicə Mərkəzinin təşkilatçılığı ilə 21 aprel 2022-ci il tarixdə şəhid ailələri və qazilər üçün iftar süfrəsi açılıb.

​Tədbirdə ŞİH-nin başçısı Vüqar Novruzov, Millət Vəkili Anar Məmmədov, Türkiyə Cümhuriyyətinin Gəncə şəhərindəki baş konsulu Zəki Öztürk, RespublikaAğsaqqallar Şurasının müavini Elmira Süleymanova, Azərbaycan Rəssamlıq Akademiyasının rektoru, xalq rəssamı-heykəltaraş Ömər Eldarov, YAP Naftalan şəhər təşkilatının sədri, hüquq mühafizə orqanlarının rəhbərləri, Qafqaz Müsəlmanları İdarəsinin Goranboy və Naftalan üzrə nümayəndəsi, şəhid ailələri, qazilər iştirak edib. 

​Torpaqlarımızın azadlığı uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

​Bildirilib ki, insanları xeyirxahlığa, birliyə dəvət edən, müqəddəs Ramazan ayı dünya müsəlmanlarının ən əziz ayıdır. Ulu Öndər Heydər Əliyev tərəfindən əsası qoyulan iftar süfrələrinin təşkil edilməsi ölkəmizdə gözəl bir ənənəyə çevrilib. Həmçinin, icra başçısı vurğulayıb ki, 44 günlük Vətən müharibəsində Müzəffər Ali Baş Komandan cənab İlham Əliyevin rəhbərliyi ilə Rəşadətli Azərbaycan Ordusu işğal altında olan Qarabağımızı azad etdi. Ordumuzun və xalqımızın sarsılmaz birliyi sayəsində tariximizə parlaq qəhrəmanlıq səhifəsi yazıldı. 

​Natiqlər qeyd ediblər ki, xalqımız Vətənimizin ərazi bütövlüyünün təmin olunmasında, şəhidlərimizin, qazilərimizin, müharibə iştirakçılarının fədakar fəaliyyətini, misilsiz səylərini, rəşadət və şücaətlərini yüksək dəyərləndirir, müqəddəs Ramazan ayında şəhidlərimizin ailələrinə, qazilərimizə, müharibə iştirakçılarına, ölkə başçımıza, ailəsinə və millətimizə Uca Allahdan sonsuz xeyir-dualar diləyir.

​Daha sonra dualar edilib, Ramazan ayının fəzilətləri barədə söhbət açılıb, bu ayın insanlar arasında mənəvi saflığın tərənnümçüsü olduğu qeyd olunub. 

​Sonda tədbir iştirakçılarına hədiyyələr təqdim olunub. 

Paylaş:
Baxılıb: 104 dəfə

Xəbər lenti

Hamısına bax

Sosial

İqtisadiyyat

Prezident bu gün

Prezident bu gün

28 May 10:15

İqtisadiyyat

Xəbər lenti

Xəbər lenti

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31